| e-texts navigator |
| Wylie |
294a1 ཉོན་མོངས་དབང་པོ་ཐ་དད་པས། ། ཆོས་ནི་སྣ་ཚོགས་ཡོད་མ་ཡིན།། ཐེག་གཅིག་འབའ་ཤིག་ཆོས་སྟོན་པ།། དེ་ནི་ཐེག་པ་ཆེན་པོ་ཡིན། དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ
294a2 འདི་སྐད་ཅེས་གསོལ་ཏོ། ། བཅོམ་ལྡན་འདས་མུ་སྟེགས་ཅན་ཐམས་ཅད་ཀྱང་མི་རྟག་པ་ཉིད་དོ།། ཞེས་རྣམ་པར་རྟོག་པར་བགྱིད། བཅོམ་ལྡན་འདས་ཀྱིས་ཀྱང་འདུ་བྱེད་ཐམས་ཅད་མི་བརྟག་པས་སྐྱེ་ཞིང་འཇིག་པའི་ཆོས་ཅན
294a3 ནོ་ཞེས་བཀའ་སྩལ་ནས། ། འདིའི་དོན་ཇི་ལྟ་བུ་ལོག་པ་འམ། ཡང་དག་པ་ཞིག་ལགས། མི་རྟག་པ་ཉིད་ལ་ནི་རྣམ་པ་དུ་མཆིས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་མུ་སྟེགས་ཅན་རྣམས་ལ་ནི་མི་རྟག
294a4 པ་རྣམ་པ་བདུན་ཡོད་ཀྱི། ངའི་བསྟན་པ་ལ་ནི་པ་ཡིན་ནོ།། རྣམ་པ་བདུན་གང་ཞེ་ན། དེ་དག་ཁ་ཅིག་འདི་སྐད་དུ་མངོན་པར་འདུས་བྱས་ནས། ཡོངས་སུ་སྤངས་པ་ནི་མི་རྟག་པ་ཉིད་དོ།། ཞེས་ཟེར་རོ།། ཁ་ཅིག་ནི་དབྱིབས་རྣམ་པར
294a5 འཇིག་པ་ནི་མི་རྟག་པ་ཉིད་དོ། ཞེས་ཟེར་རོ།། ཁ་ཅིག་ནི་གཟུགས་ཉིད་མི་རྟག་པ་ཉིད་དོ་ཞེས་ཟེར་རོ།། ཁ་ཅིག་ནི་གཟུགས་རྣམ་པར་འགྱུར་བའི་གནས་སྐབས་ནི་མི་རྟག་པ་ཉིད་དོ་ཅེས་བྱ་སྟེ། བར་ཆད་མེད་པར་རང་གི་རང་གིས
294a6 འབྲལ་ཞིང་འཇིག་པས་ཇི་ལྟར་འོ་མ་ལས་ཞོར་འགྱུར་བ་ལ་སོགས་པའི་བྱེ་བྲག་ཐ་དད་པ་མཐོང་བར་མི་ནུས་པ་དེ་བཞིན་དུ་དངོས་པོ་ཐམས་ཅད་ལ་ཡང་རྣམ་པར་འཇིག་པའི་མི་རྟག་པ་ཉིད་འཇུག་གོ་ཞེས་ཟེར་རོ། ། ཁ་ཅིག
294a7 དངོས་པོ་མི་རྟག་པ་ཉིད་དོ་ཞེས་ཟེར་རོ། ། ཁ་ཅིག་ནི་དངོས་པོའི་དངོས་པོ་མེད་པ་མི་རྟག་པ་ཉིད་དེ་ཞེས་ཟེར་རོ།། ཁ་ཅིག་ནི་ཆོས་ཐམས་ཅད་མི་སྐྱེ་བས་མི་རྟག་པ་ཉིད་དེ། ཆོས་ཐམས་ཅད་ཀྱི་ནང་དུ་འཇུག་པའོ།། ཞེས་ཟེར་རོ།། དེ
294a8 བློགྲོས་ཆེན་པོ་དངོས་པོ་མེད་པ་མི་རྟག་པ་ཉིད་ཅེས་བྱ་བ་ནི་འདི་ལྟ་སྟེ། འབྱུང་བ་ཆེན་པོ་བཞི་དང་། འབྱུང་བ་ལས་གྱུར་པའི་རང་གི་མཚན་ཉིད་འཇིག་ཅིང་འབྱུང་བ་ཆེན་པོ་བཞིའི་རང་བཞིན་ནི་མི་དམིགས་པ་དང་མི་སྐྱེ
iiif viewer powered by OpenSeadragon
