| e-texts navigator |
| Wylie |
292b1 གཞན་དུ་ཡང་མ་ཡིན་ནོ། ། གལ་ཏེ་གཞན་དུ་བརྟགས་ན་ནི་དངོས་པོ་ཐམས་ཅད་ཀྱི་རང་བཞིན་ལ་མངོན་པར་ཞེན་པ་ཉིད་དུ་འབྱུང་བས་རབ་ཏུ་དབེན་པ་མི་མཐོང་ངོ་།། རབ་ཏུ་དབེན་པ་མཐོང་ན་རྣམ་པར་རྟོག་པ་དང་བྲལ་བར་མི
292b2 འགྱུར་རོ། ། དེའི་ཕྱིར་བློ་གྲོས་ཆེན་པོ་མཚན་མ་མེད་པས་ནི་མཆོག་མཐོང་གི་མཚན་མས་ནི་མ་ཡིན་ཏེ། མཚན་མར་མཐོང་བ་ནི་སྐྱེ་བ་ལེན་པའི་རྒྱུ་ཡིན་པའི་ཕྱིར་མཆོག་མ་ཡིན་ནོ།། བློ་གྲོས་ཆེན་པོ་མཚན་མ་མེད་པ་ནི་རྣམ་པར
292b3 རྟོག་པ་མི་སྐྱེ་སྟེ། མི་འབྱུང་མི་འགག་པས་ངས་མྱ་ངན་ལས་འདས་པ་ཞེས་བཤད་དེ། བློ་གྲོས་ཆེན་པོ་དེ་ལ་མྱ་ངན་ལས་འདས་པ་ནི་ཡང་དག་པའི་དོན་ཇི་ལྟ་བ་བཞིན་དུ་མཐོང་བས་སྔར་རྣམ་པར་རྟོག་པའི་སེམས་དང་སེམས
292b4 ལས་བྱུང་བའི་ཆོས་རྣམས་སྤངས་པ། དེ་བཞིན་གཤེགས་པའི་སོ་སོ་རང་གིས་རིག་པ་འཕགས་པའི་ཡེ་ཤེས་ཐོབ་པ་དེ་ནི་ངས་མྱ་ངན་ལས་འདས་པ་ཡིན་ནོ་ཞེས་བསྟན་ཏོ།། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང
292b5 བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། ། སྐྱེ་བར་སྨྲ་བ་དེ་བཟློག་ཕྱིར།། མི་སྐྱེ་དོན་ནི་རྣམ་པར་བཞག། ང་ཡིས་དེ་ལྟར་བཤད་པའི་ཆོས།། བྱིས་པ་རྣམས་ཀྱིས་རིག་མི་ནུས།། ཆོས་རྣམས་ཐམས་ཅད་མི
292b6 སྐྱེས་པས། ། དངོས་པོ་མེད་ཅིང་སྐྱེ་བ་མེད།། རྨི་ལམ་སྒྱུ་མ་དྲི་ཟའི་གྲོང་།། དངོས་པོ་ཡོད་ཀྱང་རྒྱུ་ནི་མེད།། མ་སྐྱེས་རང་བཞིན་མེད་པ་དང་།། ཅི་ཕྱིར་སྟོང་པའང་བཤད་པར་བྱ།། འདུས་པ་དག་ནི་ཡོངས་སྤངས་ཤིང་།། བློ་གྲོས
292b7 རེག་ན་དངོས་པོ་སྣང་། ། དེ་ཕྱིར་སྟོང་ཉིད་མ་སྐྱེས་པ།། རང་བཞིན་མེད་པར་དས་བཤད་དོ།། འདི་ལྟར་རེ་རེ་འདུས་པས་ན།། དངོས་པོ་སྣང་ཡང་ཡོད་མ་ཡིན།། རྣམ་པར་གཞིགས་ན་འདུས་པ་མེད།། མུ་སྟེགས་ལྟ་བ་ལྟར་ཡང་མིན།།
292b8 རྨི་ལམ་སྒྱུ་མ་སྤ་གད་དང་། གླེག་རྒྱུ་དྲི་ཟའི་གྲོང་ཁྱེར་ལྟར།། འཇིག་རྟེན་དངོས་པོ་སྣ་ཚོགས་ཀུན།། རྒྱུ་མེད་མཚན་ཉིད་རབ་ཏུ་སྣང་།། རྒྱུ་ཡོད་སྨྲ་བ་གདུལ་བའི་ཕྱིར།། མ་སྐྱེས་དོན་ནི་རབ་ཏུ་བསྒྲགས།། སྐྱེ་མེད་རབ་དུ་བསྒྲགས་པས
iiif viewer powered by OpenSeadragon
