| e-texts navigator |
| Wylie |
292a1 ཡང་མ་ཡིན། དངོས་པོ་མེད་པ་ཡང་མ་ཡིན་ཏེ། སྒྱུ་མ་དང་། རྨི་ལམ་གྱི་གཟུགས་སྣ་ཚོགས་ལྟ་བུར་སྣང་བའི་ཕྱིར་དངོས་པོ་མེད་པ་ཡང་མ་ཡིན་ནོ།། ཇི་ལྟར་ན་དངོས་པོ་མེད་པ་ཡིན་ཞེ་ན། འདི་ལྟ་སྟེ། གཟུགས་ཀྱི་རང
292a2 བཞིན་གྱི་མཚན་ཉིད་མེད་ཅིང་གཟུང་བ་རྣམས་སྣང་བ་དང་མི་སྣང་བའི་ཕྱིར་དང་། འཛིན་པས་ཡོངས་སུ་མ་བཟུང་བའི་ཕྱིར། དེས་ན་དངོས་པོ་ཐམས་ཅད་ནི་དངོས་པོ་ཡང་མ་ཡིན། དངོས་པོ་མེད་པ་ཡང་མ་ཡིན་ནོ།། འདི་ལྟར་རང་གི
292a3 སེམས་སྣང་བ་ཙམ་དུ་ཁོང་དུ་ཆུད་པས་རྣམ་པར་རྟོག་པ་མི་སྐྱེ་ཞིང་ཤིན་ཏུ་བདེ་བས་འཇིག་རྟེན་གྱི་བྱ་བ་རྣམས་རབ་ཏུ་ཞི་བ་ཡིན་ན། བྱིས་པ་སོ་སོའི་སྐྱེ་བོ་མི་མཁས་པ་རྣམས་བྱ་བ་ཡོད་པར་རྣམ་པར་རྟོག་གི་འཕགས་པ་རྣམས་ནི་མ
292a4 ཡིན་ནོ། ། ཡང་དག་པ་མ་ཡིན་པའི་རྣམ་པར་རྟོག་པ་ནི་དྲི་ཟའི་གྲོང་ཁྱེར་དང་། སྒྱུ་མ་དང་། སྤྲུལ་པའི་སྐྱེས་བུ་ལྟ་བུའོ།། བློ་གྲོས་ཆེན་པོ་དཔེར་ན་དྲ་ཟེའི་གྲོང་ཁྱེར་གྱི་ནང་དུ་སྒྱུ་མ་དང་། སྤྲུལ་པའི་སྐྱེས་བུའི་འདྲོན་པོ་མང་པོ་སྣ་ཚོགས
292a5 འབྱུང་ཞིང་འཇུག་པ་ལ་བྱིས་པ་མི་མཁས་པའི་རྣམ་པར་རྟོག་པས་བདེན་པ་འདི་དག་འབྱུང་ངོ་། ། འཇུག་གོ་ཞེས་སྨྲ་ཡང་ཡང་དག་པར་འབྱུང་ཞེས་བྱ་བ་འམ། འཇུག་པ་ཞེས་བྱ་བ་མེད་དེ། དེ་ནི་རྣམ་པར་རྟོག་པ་ཙམ་དུ་ཟད་པའི་ཕྱིར
292a6 དེ་བཞིན་དུ་བློ་གྲོས་ཆེན་པོ་བྱིས་པ་སོ་སོའི་སྐྱེ་བོ་མི་མཁས་པ་རྣམས་སྐྱེ་བ་མེད་པ་དང་། འགག་པ་མེད་པའི་ནོར་བ་སྐྱེད་པར་བྱེད་དེ། དེ་དག་ལ་ནི་འདུས་བྱས་སམ། འདུས་མ་བྱས་གང་ཡང་མེད་དོ།། སྒྱུ་མའི་སྐྱེས་བུ་ལྟར་སྐྱེ་ཡང
292a7 དག་པར་དེ་ལ་སྐྱེ་བ་འམ། འགག་པ་ཅི་ཡང་མེད་དེ། དངོས་པོ་དང་དངོས་པོ་མེད་པ་གང་ཡང་ཡོད་པ་མ་ཡིན་པའི་ཕྱིར་རོ།། ཆོས་ཐམས་ཅད་ཀྱང་དེ་བཞིན་ཏེ། སྐྱེ་བ་དང་། འགག་པ་སྤངས་པ་ཡིན་ན། བྱིས་པ་སོ་སོའི་སྐྱེ་བོ་མི་མཁས
292a8 པ་རྣམས་ནི་ཡང་དག་པ་མ་ཡིན་པར་ལྷུང་བས་སྐྱེ་བ་དང་། འགག་པའི་རྣམ་པར་རྟོག་པ་འབྱུང་གི་འཕགས་པ་རྣམས་ནི་མ་ཡིན་ནོ།། དེ་ལ་ཡང་དག་པ་མ་ཡིན་པ་ཞེས་བྱ་བ་ནི་དངོས་པོའི་རང་བཞིན་བརྟགས་པ་དེ་བཞིན་དུ་ཡང་མ་ཡིན
iiif viewer powered by OpenSeadragon
