| e-texts navigator |
| Wylie |
291b1 ཅན་གྱི་སྨྲ་བ་ཡང་བྱེ་བྲག་མ་མཆིས་པར་འགྱུར་རོ། ། མུ་སྟེགས་ཅན་ཡང་འདི་སྐད་དུ་རྡུལ་ཕྲ་མོ་དང་། གཙོ་བོ་དང་། དབང་ཕྱུག་དང་། སྐྱེ་དགུའི་བདག་པོ་ལ་སོགས་པ་རྫས་དགུ་དང་བཅས་པ་མ་སྐྱེས་མ་འགགས་པའོ།། ཞེས
291b2 མཆིལ་བཅོམ་ལྡན་འདས་ཀྱིས་ཀྱང་དངོས་པོ་ཐམས་ཅད་མ་སྐྱེས་པ་དང་། མ་འགགས་པས་ཡོད་པ་དང་། མེད་པའི་མི་དམིགས་སོ།། ཞེས་བཀའ་སྩལ་པ། མུ་སྟེགས་ཅན་རྣམས་ཀྱང་འབྱུང་བ་ཆེན་པོ་བཞི་མི་འཇིགས་པས
291b3 རང་གི་མཚན་ཉིད་མི་སྐྱེ་མི་འགག་གོ། ། འབྱུང་བ་ཆེན་པོ་བཞི་པོ་རྣམས་ནི་རྟག་པར་འབྱུང་བ་ཆེན་པོ་ཉིད་དེ།། འགྲོ་བ་ཀུན་ལ་ཁྱབ་པར་འཇུག་ཀྱང་རང་བཞིན་ནི་མི་འདོར་རོ་ཞེས་མཆི་བས་ན། བཅོམ་ལྡན་འདས་ཀྱིས་བཀའ་སྩ
291b4 པ་ཡང་དེ་བཞིན་ཏེ། དེའི་སླད་དུ་བདག་འདི་སྐད་དུ་ངོ་མཚར་ཆེ་བ་མ་ལགས་སོ་ཞེས་མཆིའོ།། བཅོམ་ལྡན་འདས་ངོ་མཚར་ཆེ་ཞིང་མུ་སྟེགས་ཅན་རྣམས་ལས་ཁྱད་པར་དུ་གྱུར་པའི་བྱེ་བྲག་བཤད་དུ་གསོལ།། ཅི་སྟེ་བྱེ་བྲག་མ་མཆིས
291b5 ན་ནི་མུ་སྟེགས་ཅན་རྣམས་ཀྱང་སངས་རྒྱས་ལགས་པར་འགྱུར་ཏེ། འདི་ལྟར་སྐྱེ་བ་མ་མཆིས་པ་དང་། འགག་པ་མ་མཆིས་པའི་སླད་དུའོ།། བཅོམ་ལྡན་འདས་ཀྱིས་ནི་འཇིག་རྟེན་གྱི་ཁམས་གཅིག་ཏུ་སངས་རྒྱས་མང་པོ་འབྱུང
291b6 བ་ནི་གནས་མེད་དོ་ཞེས་ཀྱང་གསུངས་ལ། འདི་ལྟར་ཇི་སྐད་བཀའ་སྩལ་པ་དང་། སྦྱར་ན་ནི་འཇིག་རྟེན་གྱི་ཁམས་གཅིག་ཏུ་སངས་རྒྱས་མང་པོ་འབྱུང་བར་འགྱུར་ཏེ་བྱེ་བྲག་མ་མཆིས་པའི་སླད་དུའོ།། བཅོམ་ལྡན་འདས་ཀྱིས་བློ་གྲོས།
291b7 ཆེན་པོ་ལ་བཀའ་སྩལ་པ། དས་བཤད་པའི་སྐྱེ་བ་མེད་པ་དང་། འགག་པ་མེད་པ་ནི་མུ་སྟེགས་ཅན་རྣམས་ཀྱི་སྐྱེ་བ་མེད་པ་དང་། འགག་པ་མེད་པ་དང་མཚུངས་པ་མ་ཡིན་ཏེ། དེ་ཅིའི་ཕྱིར་ཞེ་ན། མུ་སྟེགས་ཅན་དེ་དག་ནི་དངོས་པོའི་རང་བཞིན
291b8 ཡོད་པས་པ་སྐྱེས་པ་དང་། མི་འགྱུར་བའི་མཚན་ཉིད་མི་འཐོབ་ཀྱི་ད་ནི་དེ་ལྟར་ཡོད་པ་དང་། མེད་པའི་ཕྱོགས་སུ་ལྷུང་བ་མ་ཡིན་ནོ།། བློ་གྲོས་ཆེན་པོ་དེ་ནི་ཡོད་པ་དང་མེད་པའི་ཕྱོགས་དང་བྲལ་བ། སྐྱེ་བ་དང་འཇིག་པ་དང་། བྲལ་ག་དངོས་པོ
iiif viewer powered by OpenSeadragon
