| e-texts navigator |
| Wylie |
289a1 ཡོད་དོ། ། གག་པ་མེད་པ་ཤེས་པ་ཡང་ཡོད་དོ།། སྟོང་པ་ཉིད་དུ་ཤེས་པ་ཡང་ཡོད་དོ།། དེ་བཞིན་ཉིད་དུ་ཤེས་པ་ཡང་ཡོད་དོ།། བདེན་པ་ཉིད་དུ་ཤེས་པ་ཡང་ཡོད་དོ།། དེ་ལོན་ཉིད་དུ་ཤེས་པ་ཡང་ཡོད་དོ།། ཆོས་ཀྱི
289a2 བོ་ཉིད་དུ་ཤེས་པ་ཡང་ཡོད་དོ། ། མྱ་ངན་ལས་འདས་པར་ཤེས་པ་ཡང་ཡོད་དོ།། རྟག་པར་ཤེས་པ་ཡང་ཡོད་དོ།། མཉམ་པ་ཉིད་དུ་ཤེས་པ་ཡང་ཡོད་དོ།། གཉིས་སུ་མེད་པར་ཤེས་པ་ཡོད་དོ།། མཚན་མ་མེད་པར་ཤེས
289a3 པ་ཡང་ཡོད་དོ། ། རྣམ་པར་ཐར་པར་ཤེས་པ་ཡང་ཡོད་དོ།། ལམ་ཡིན་པར་ཤེས་པ་ཡང་ཡོད་དོ།། ཡིད་ལ་བྱུང་བར་རབ་ཏུ་ཤེས་པ་ཡང་ཡོད་དོ།། བློ་གྲོས་ཆེན་པོ་དེ་ལ་སོགས་པ་མིང་གྲངས་མེད་པ་བརྒྱ་སྟོང་ཕྲག་གསུམ་ལྷག
289a4 ཚད་མེད་པར་འཇིག་རྟེན་གྱི་ཁམས་འདི་དང་། གཞན་ཀུན་གྱིས་དེ་ལ་ཆུའི་ཟླ་བ་བཞིན་དུ་འབྱུང་བ་ཡང་མེད། འཇུག་པ་ཡང་མེད་པར་རབ་ཏུ་ཤེས་སོ།། བྱིས་པ་སོ་སོའི་སྐྱེ་བོ་དག་གིས་ནི་ང་རབ་ཏུ་མི་ཤེས་ཏེ། མཐའ་གཉིས
289a5 སུ་སྤང་བའི་ཕྱིར་རོ། ། འོན་ཀྱང་ངལ་བཀུར་སྟི་བྱེད། མཆོད་པར་བྱེད་དེ། ཚིག་གི་དོན་གྱི་ཚུལ་ལ་མི་མཁས་པས་མིང་རྣམ་པར་འབྱེད་མི་ནུས་ཤིང་རང་གི་ཚུལ་མི་ཤེས་པས།། བརྗོད་པའི་ཚིག་སྣ་ཚོགས་ལ་མངོན་པར་ཞེན
289a6 ནས་སྐྱེ་བ་མེད་པ་དང་། འགག་པ་མེད་པ་ལ་དངོས་པོ་མེད་པར་འདུ་ཤེས་སོ།། དེ་བཞིན་གཤེགས་པའི་མིང་གི་རྣམ་གྲངས་ཐ་དད་པ་དབང་པོ་དང་། བརྒྱ་བྱེད་དང་། གྲོང་ཁྱེར་འཇིག་པ་ལྟ་བུར་མ་ཤེས་ཤིང་། རང་གི་ཚུལ་མཐར
289a7 ཟུག་པ་ལ་རྨོངས་པས་ཆོས་ཐམས་ཅད་ལ་སྒྲ་ཇི་བཞིན་དུ་མངོན་པར་ཞེན་ཏོ། ། བློ་གྲོས་ཆེན་པོ་སྐྱེས་བུ་བླུན་པོ་དེ་དག་འདི་ས་འོད་ནི་ཇི་བཞིན་པ་ཉིད་དེ། སྒྲ་ལས་དོན་གཞན་མ་ཡིན་ནོ།། དེ་ཅིའི་ཕྱིར་ཞེ་ན། འདི་ལྟ་སྟེ། དོན་མ
289a8 ལུས་པ་མེད་པའི་ཕྱིར་སྒྲ་ལས་གཞན་ཅིན་ཡང་མེད་དོ། ། སྒྲ་འབའ་ཤིག་གོ་ཞེས་ཟེར་རོ།། བློ་གྲོས་ཆེན་པོ་ལོག་པས་བསྲེགས་པའི་བློ་ཅན་དེ་དག་སྒྲའི་རང་བཞིན་ཡོངས་སུ་མི་ཤེས་པས་སྦལ་སྐྱེ་བ་དང་། འགག་པ་ཡོད
iiif viewer powered by OpenSeadragon
