| e-texts navigator |
| Wylie |
288b1 དང་། འགག་པ་མེད་ཀྱང་དོན་མེད་པ་ཡང་མ་ཡིན་ནོ།། བློ་གྲོས་ཆེན་པོ་ངས་ཡིད་ལས་བྱུང་བའི་ཆོས་ཀྱི་སྐུ་ཡི་དེ་བཞིན་གཤེགས་པའི་མིང་གི་ཚིག་བླ་དགས་སུ་མ་སྐྱེས་པ་ཞེས་བཤད་པ་དེ་ནི་མུ་སྟེགས་ཅན་དང
288b2 ཐོས་དང་། རང་སངས་རྒྱས་དང་། ས་བདུན་ལ་རབ་ཏུ་གནས་པའི་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་མ་ཡིན་པས་བློ་གྲོས་ཆེན་པོ་མ་སྐྱེས་པ་དེ་ནི་དེ་བཞིན་གཤེགས་པའི་རྣམ་གྲངས་ཀྱི་ཚིག་ཡིན་ནོ།།
288b3 ཐོས་ཆེན་པོ་དཔེར་ན། དབང་པོ་དང་། བརྒྱ་བྱིན་དང་། གྲོང་ཁྱེར་འཇིག་དང་། དེ་ལ་སོགས་པ་དངོས་པོ་རེ་རེ་ལ་ཡང་མིང་གི་རྣམ་གྲངས་མང་པོ་ཡོད་དེ། མིང་མང་བའི་ཕྱིར་དངོས་པོ་མང་པོ་ཡོད་པ་ཡང་མ་ཡིན་ལ། རང་བཞིན
288b4 མེད་པ་ཡང་མ་ཡིན་ནོ། ། དེ་བཞིན་དུ་བློ་གྲོས་ཆེན་པོ་དེ་ཡང་མི་མཛོད་ཀྱི་འཇིག་རྟེན་གྱི་ཁམས་འདི་ན་མིང་གྲངས་མེད་པ་བརྒྱ་སྟོང་ཕྲག་གསུམ་ཡོད་པར་བྱིས་པ་རྣམས་ཀྱི་རྣ་ལམ་དུ་གྲགས་ཏེ། སོ་སོ་ནས་ངའི་མིང
288b5 བརྗོད་ཀྱང་དེ་དག་གིས་དེའི་དེ་བཞིན་གཤེགས་པའི་མིང་གི་རྣམ་གྲངས་མི་ཤེས་སོ། ། བློ་གྲོས་ཆེན་པོ་སེམས་ཅན་ཁ་ཅིག་ནི་ང་ལ་དེ་བཞིན་གཤེགས་པའི་ཡིན་པར་ཤེས་སོ།། ཁ་ཅིག་ནི་ཐམས་ཅད་མཁྱེན་པར་ཤེས་པ
288b6 ཡང་ཡོད་དོ། ། སངས་རྒྱས་སུ་ཤེས་པ་ཡང་ཡོད་དོ།། འཇིག་རྟེན་སྐྱོབ་པར་ཤེས་པ་ཡང་ཡོད་དོ།། བདག་ཉིད་རིག་པར་ཤེས་པ་ཡང་ཡོད་དོ།། འདྲེན་པར་ཤེས་པ་ཡང་ཡོད་དོ།། རྣམ་པར་འདྲེན་པར་ཤེས་པ་ཡང་ཡོད་དོ།།
288b7 ཡོངས་སུ་འདྲེན་པར་ཤེས་པ་ཡང་ཡོད་དོ།། དྲང་སྲོང་དུ་ཤེས་པ་ཡང་ཡོད་དོ།། ཚངས་པར་ཤེས་པ་ཡང་ཡོད་དོ།། ཁྱབ་འཇུག་ཏུ་ཤེས་པ་ཡང་ཡོད་དོ།། དབང་ཕྱུག་དུ་ཤེས་པ་ཡང་ཡོད་དོ།། གཙོ་བོར་ཤེས་པ་ཡང་ཡོད་།
288b8 སེར་སྟེ་ཡིན་པར་ཤེས་པ་ཡང་ཡོད་དོ།། ཡང་དག་པའི་མཐའ་ཡིན་པར་ཤེས་པ་ཡང་ཡོད་དོ།། ཟླ་བར་ཤེས་པ་ཡང་ཡོད་དོ།། ཉི་མར་ཤེས་པ་ཡང་ཡོད་དོ།། བདག་པོར་ཤེས་པ་ཡང་ཡོད་དོ།། སྐྱེ་བ་མེད་པར་ཤེས་པ་ཡང
iiif viewer powered by OpenSeadragon
