| e-texts navigator |
| Wylie |
228b1 འདི་ལྟ་སྟེ། རང་བཞིན་གྱི་ཆོས་མངོན་པར་ཚོགས་པར་འགྱུར་བའི་རིགས་དང་། རང་བཞིན་མེད་པའི་ཆས་མངོན་པར་རྟོགས་པར་འགྱུར་བའི་རིགས་དང་། སེཾས་རང་གིས་རེག་པ་འཕགས་པའི་ཡེ་ཤེས་མངོན་པར་རྟོགས
228b2 པར་འགྱུར་བའི་རིགས་དང་། སངས་རྒྱས་ཀྱི་ཞིང་ཕྱི་རོལ་ཁྱད་པར་ཅན་མངོན་པར་རྟོགས་པར་འགྱུར་བའི་རིགས་སོ།། བློ་གྲོས་ཆེན་པོ་ན་མ་དངོས་པོ་འདི་བཞི་ལས་གང་ཡང་རུང་བ་ཞིག་བསྟན་པ་དང་། རང་གི་སེ
228b3 སྡང་བའི་ལུས་དང་། ལོངས་སྤྱོད་རྣམ་པར་གཞག་པ་དང་། བསམ་གྱིས་མི་ཁྱབ་པའི་ཡུལ་བཤད་པ་ཐོས་པ་ན། མི་སྐྲག་མི་འཇིགས་པ་དེ་ནི་དེ་བཞིན་གཤེགས་པའི་ཐེག་པ་མངོན་པར་རྟོགས་པར་འགྱུར་བའི
228b4 རིགས་ཅན་དུ་ཤེས་པར་བྱ་སྟེ། འདི་ནི་དེ་བཞིན་གཤེགས་པའི་ཐེག་པ་མངོན་པར་རྟོགས་པར་འགྱུར་བའི་རིགས་ཅན་གྱི་མཚན་ཉིད་དོ།། བློ་གྲོས་ཆེན་པོ་མ་ངེས་པའི་རིགས་ཅན་ནི་འདི་ལྟ་སྟེ། གསུམ་པོ་དེ་དག་ལས
228b5 གང་བཤད་པ་ན། གང་བཤད་པ་དེ་ལ་འཇུག་ཅིང་དེའི་རྗེས་སུ་སྒྲུབ་པའོ།། ཟླ་གྲོས་ཆེན་པོ་འདི་དག་ནི་དང་པོས་ཡོངས་པ་སྣད་བ་ཡིན་ཏེ། འདི་ལྟ་སྟེ། རིགས་རྣམ་པར་དགོད་པའོ།། སྣང་བ་མེད་པའི་ས་འཇག་པ
228b6 བའི་ཕྱིར། རྣམ་པར་དགོད་པ་བྱས་སོ།། སོ་སོ་རང་གིས་རེག་པ་ལ་གནས་པ་དེ་དག་ཀུན་གཞི་ལ་རང་གཉོན་མོངས་པའི་བག་ཆགས་ཡོངས་སུ་དག་ནས། ཆོས་བདག་མེད་པར་མཐོང་ཞིང་། ཏིང་ངེ་འཛིན
228b7 ལ་གནས་པ་ཐོབ་པའི་ཉན་ཐོས་རྣམས་ཀྱང་། དེ་བཞིན་གཤེགས་པའི་སྐུ་མཆོག་ཏུ་གྱུར་པ་ཉིད་ཐོབ་པར་འགྱུར་རོ།། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར། ཚིགས་སུ་བཅད་པ་ད
228b8 གསུངས་སོ། ། རྒྱུན་དུ་ཞུགས་པའི་འབྲས་བུ་དང་།། ལན་ཅིག་ཕྱིར་འོང་ཕྱིར་མི་འོད།། དེ་བཞིན་དུ་ནི་དགྲ་བཅོམ་པ།། དེ་དག་སེམས་ནི་བསླད་པའོ།། ཐེག་པ་གསུམ་དང་ཐེག་པ་གཅིག། ཐེག་པ་མ་ཡིན་ངས་བཤད་དེ།
iiif viewer powered by OpenSeadragon
