| e-texts navigator |
| Wylie |
228a1 ལ་བདག་མེད་པར་སྒོམ་པ་དང་། མྱ་ངན་ལས་འདས་པ་ཐོབ་པའི་བར་གྱི་བློར་འགྱུར་རོ།། བློ་གྲོས་ཆེན་པོས་སོ་ཐ་དད་པའི་མངོན་པར་རྟོགས་པ་ནི་འདིས་སྟེ། བདག་དང་གང་ཟག་དང་། སེམས་ཅན་དང་། འ
228a2 བ་དང་། སྲོག་དང་། གསོ་བ་དང་། སྐྱེས་བུ་ཞེས་སེམས་ཅན་དེ་དག་དེ་ལྟ་བུའི་བློས་མྱ་ངན་ལས་འདས་པ་ཚལ་ལོ།། གཞན་ཡང་མུ་སྟེགས་ཅན་ཐ་དད་པ་ཁ་ཅིག་ནི་དངོས་པོ་ཐམས་ཅད་བྱེད་པ་པོ་ལ་རག་ལས་པར་མཐོང་ནས
228a3 འདི་སྐད་དུ་འདི་ནི་མྱ་ངན་ལས་འདས་པའོ་ཞེས་དེ་ལྟ་བུའི་བློར་འགྱུར་ཏེ། ཆོས་བདག་མེད་པར་མཐོང་བའི་སྐལ་པ་མེད་པས་དེ་དག་ལ་ཐར་པ་མེད་དོ།། བློ་གྲོས་ཆེན་པོ་ཉན་ཐོས་ཀྱི་ཐེག་པ་མངོན་པར་རྟོགས་པ
228a4 འགྱུར་བ་དང་། མུ་སྟེགས་ཀྱི་རིགས་དེ་དག་ནི་ངེས་པར་འབྱུང་བ་མ་ཡིན་པ་ལ་ངེས་པར་འབྱུང་བའི་བློ་ཅན་དག་ཡིན་ཏེ། ལྟ་བ་ངན་པ་དེ་དག་རྣམ་པར་བཟློག་པའི་ཕྱིར་རབ་ཏུ་བརྩོན་པར་བྱའོ།། བློ་གྲོས་ཆེན་པོ
228a5 དེ་ལ་རང་སངས་རྒྱས་ཀྱི་ཐེག་པ་མངོན་པར་རྟོགས་པར་འགྱུར་བའི་རིགས་ནི་གང་གིས་རྐྱེན་ཐ་དད་པའི་མངོན་པར་རྟོགས་པར་ཐོས་ན། ལུས་ཀྱི་སྤུ་ལྡང་ཞིང་མཆི་མ་འབྱུང་བ་དང་། འདུ་འཛིའི་རྐྱེན་ལ་མངོན་པར
228a6 ཞེན་པ་མེད་པ་དང་། རང་གི་ལུས་སྣ་ཚོགས་དང་། འདྲ་བ་དང་འབྲེལ་བའི་རྫུ་འཕྲུལ་སྣ་ཚོགས་ཀྱིས། སྣ་ཚོགས་སྤྲུལ་ཅིང་སྟོན་པ་རབ་ཏུ་བཤད་པ་ཐོས་པ་ན། དེའི་རྗེས་སུ་སེམས་འཇུག་པར་འགྱུར་བ་ཡིན་ཏེ།
228a7 དེ་རང་སངས་རྒྱས་ཀྱི་ཐེག་པ་མངོན་པར་རྟོགས་པར་འགྱུར་བའི་རིགས་ཅན་དུ་ཤེས་པར་གྱུར་ནས། རང་སངས་རྒྱས་ཀྱི་ཐེག་པ་དང་རྗེས་སུ་འཐུན་པའི་གཏམ་བརྗོད་པར་བྱའོ།། བློ་གྲོས་ཆེན་པོ་འདི་ནི་རང
228a8 སངས་རྒྱས་ཀྱི་ཐེག་པ་མངོན་པར་རྟོགས་པར་འགྱུར་བའི་རིགས་ཅན་གྱི་མཚན་ཉིད་དོ། ། བློ་གྲོས་ཆེན་པོ་དེ་ལ་དེ་བཞིན་གཤེགས་པའི་ཐེག་པ་མངོན་པར་རྟོགས་པར་འགྱུར་བའི་རིགས་དེ་ནི་རྣམ་པ་བཞི་ཡོད་དེ།
iiif viewer powered by OpenSeadragon
