| e-texts navigator |
| Wylie |
226a1 ཀྱིས་བཀའ་སྩལ་བ། བློ་གྲོས་ཆེན་པོ་མུ་སྟེགས་ཅན་རྣམས་ཀྱི་རྒྱུ་དང་རྐྱེན་གྱིས་རྟག་པ་དང་། བསམ་གྱིས་མི་ཁྱབ་པ་འཐོབ་པར་མི་འགྱུར་རོ།། དེ་ཅིའི་ཕྱིར་ཞེ་ན།། མུ་སྟེགས་ཅན་རྣམས་ཀྱིས་རྟག་པ་དང་། བས
226a2 གྱིས་མི་ཁྱབ་པ་ནི་རྒྱུའི་རང་གི་མཚན་ཉིད་ལས་གྲུབ་པ་མ་ཡིན་ཏེ། གལ་ཏེ་རྟག་པ་དང་བསམ་གྱིས་མི་ཁྱབ་པའི་རྒྱུ་རང་གི་མཚན་ཉིད་ལས་གྲུབ་པ་མ་ཡིན་ན། རྒྱུ་གང་གིས་རྟག་པ་དང་། བསམ་གྱིས་མི་ཁྱབ་པ་མངོན་པར་བྱེད
226a3 གཞན་ཡང་བློ་གྲོས་ཆེན་པོ་ཅི་སྟེ་རྟག་པ་དང་། བསམ་གྱིས་མི་ཁྱབ་པ་ཆུའི་རང་གི་མཚན་ཉིད་ལས་གྲུབ་པ་ཞིག་ཡིན་ན་ནི། དེས་རྟག་པ་ཉིད་དུ་འགྱུར་བ་ཞིག་ན། འདི་ལྟར་བྱེད་པའི་རྒྱུའི་མཚན་ཉིད་ཀྱི་ཕྱིར་རྟག་པ་དང་བསམ
226a4 གྱིས་མི་ཁྱབ་པར་མི་གྲུབ་པོ། ། བློ་གྲོས་ཆེན་པོ་དེའི་དོན་དམ་པ་རྟག་པ་དང་། བསམ་གྱིས་མི་ཁྱབ་པ་ནི་དོན་དམ་པའི་རྒྱུའི་མཚན་ཉིད་པས་གྲུབ་པ་ཡིན་ཏེ། དངོས་པོ་དང་དངོས་པོ་མེད་པ་དང་བྲལ་བ་རང་གིས་རིག་པའི་མཚན་ཉིད
226a5 ཐོབ་པའི་ཕྱིར་མཚན་ཉིད་དང་ལྡན་པའོ། ། དོན་དམ་པའི་ཡེ་ཤེས་ཀྱི་རྒྱུར་གྱུར་པའི་ཕྱིར་རྒྱུ་དང་ལྡན་པའོ།། དངོས་པོ་དང་དངོས་པོ་མེད་པ་དང་བྲལ་བའི་ཕྱིར། དཔེར་ན་མ་བྱས་པ་ནམ་མཁའ་དང་། མྱ་ངན་ལས་འདས་པ་དང
226a6 འགོག་པ་དང་འདྲ་བའི་ཕྱིར། རྟག་པ་སྟེ། དེའི་ཕྱིར་བློ་གྲོས་ཆེན་པོ་འདི་ནི་མུ་སྟེགས་ཅན་གྱི་རྟག་པ་དང་། བསམ་གྱིས་མི་ཁྱབ་པར་སྨྲ་བ་དང་། མཚུངས་པ་མ་ཡིན་ནོ།། བློ་གྲས་ཆེན་པོ་རྟག་པ་དང་། བསམ་གྱིས་མི་ཁྱབ་པ
226a7 འདི་ནི་དེ་བཞིན་གཤེགས་པ་རྣམས་ཀྱི་སོ་སོ་རང་གིས་རིག་པ་འཕགས་པའི་ཡེ་ཤེས་ཀྱིས་ཐུགས་སུ་ཆུད་པར་བྱའོ། ། དེ་བས་ན་རྟག་པ་དང་། བསམ་གྱིས་མི་ཁྱབ་པ་སོ་སོ་རང་གིས་རིག་པ་འཕགས་པའི་ཡེ་ཤེས་ཁོང་དུ་ཆུད
226a8 པར་བྱ་བ་ལ་རབ་དུ་བརྩོན་པར་བྱའོ། ། གཞན་ཡང་བློ་གྲོས་ཆེན་པོ་མུ་སྟེགས་ཅན་གྱི་རྟག་པ་དང་། བསམ་གྱིས་མི་ཁྱབ་པ་ནི་མི་རྟག་པ་ཉིད་དེ། ཐ་དད་པའི་མཚན་ཉིད་ཀྱི་རྒྱུའི་ཕྱིར་དང་། བདག་གིས་བྱས་པའི་རྒྱུའི་མཚན
iiif viewer powered by OpenSeadragon
