| e-texts navigator |
| Wylie |
224b1 དང་འབྲེལ་པ་ཀུན་དུ་བརྟགས་པའི་རང་བཞིན་ལ་མངོན་པར་ཞེན་པའི་རྒྱུ་ལས་བྱུང་བར་སྟོན་ཏོ། ། ཡང་དག་པ་མ་ཡིན་པ་སྔ་མ་སྣ་ཚོགས་ལ་སྣ་ཚོགས་སུ་མངོན་པར་ཞེན་པ་དག་མི་དམིགས་སོ།། གཞ་ཡང་བློ་གྲོས་ཆེན་པོ་གཞ
224b2 གྱི་དབང་གི་རང་བཞིན་ལ་མངོན་པར་ཞེན་པ་ལས་ཀུན་དུ་བརྟགས་པའི་རང་བཞིན་གྱི་མཚན་ཉིད་སྐྱེའོ། ། བློ་གྲོས་ཆེན་པོ་དཔེར་ན་སྒྱུ་མ་མཁན་གྱིས་རྩེ་དང་ཤིང་དང་། གྱོ་མོ་ལ་བརྟེན་ཏེ། སྣ་མ་སྣ་ཚོགས་ཀྱིས་སེམས་ཅན་རྣམས་ཀྱི
224b3 དབྱིབས་དང་། གཟུགས་ཐ་དད་པ་བྱས་པ་ལ་རྣམ་པར་རྟོག་པ་སྣ་ཚོགས་སྐྱེད་པར་བྱེད་དེ། རྣམ་པར་རྟོག་པ་དེ་དག་ནི་ཡང་དག་པ་མ་ཡིན་ནོ།། དེ་བཞིན་དུ་བློ་གྲོས་ཆེན་པོ་གཞན་གྱི་དབང་གི་རང་བཞིན་ལ་བརྟེན་ནས་ཀུན་དུ་བཏག
224b4 པའི་རང་བཞིན་འབྱུང་ངོ་། ། རྣམ་པར་རྟོག་པའི་སེམས་སྣ་ཚོགས་དང་། རྣམ་པ་མང་པོའི་མཚན་ཉིད་དང་། དངོས་པོར་རྣམ་པར་རྟོག་པས་མངོན་པར་ཞེན་པའི་བག་ཆགས་ལ་ཡོངས་སུ་རྟོག་པས་བློ་གྲོས་ཆེན་པོ་འདི་ནི་ཀུན་དུ
224b5 བརྟགས་པའི་རང་བཞིན་རྣམ་པར་རྟོག་པ་ལས་སྐྱེས་པ་ཞེས་བྱ་སྟེ། བློ་གྲོས་ཆེན་པོ་འདི་ནི་རྟེན་གྱི་སངས་རྒྱས་ཀྱིས་བཤད་པའོ།། བློ་གྲོས་ཆེན་པོ་ཆོས་ཉིད་ཀྱི་སངས་རྒྱས་ནི་སེམས་ཀྱི་རང་བཞིན་གྱི་མཚན་ཉིད་དང་བྲལ་བ་རང
224b6 གིས་རིག་པ་འཕགས་པས་དམིགས་པར་བྱ་བའི་སྤྱོད་ཡུལ་རྣམ་པར་གཞོག་གོ། ། བློ་གྲོས་ཆེན་པོ་སྤྲུལ་པས་སྤྲུལ་པའི་སངས་རྒྱས་ནི་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། སེམས
224b7 ཡེ་ཤེས་དང་། ཤེས་རབ་དང་། ཕུང་པོ་དང་། ཁམས་དང་། སྐྱེ་མཆེད་དང་བྲལ་བ་དང་། རྣམ་པར་ཐར་པ་དང་། རྣམ་པར་ཤེས་པ་ཡི་མཚོན་ཉིད་དང་། རྣམ་པར་འབྱེད་ཅིང་སོ་སོར་རབ་ཏུ་རྟོག་པ་རྣམ་པར་གཞག་པ་དང་། མུ་སྟེགས་ཅན
224b8 གྱི་ལྟ་བ་དང་། གཟུགས་མེད་པའི་ལྟ་བ་ལས་ཤིན་ཏུ་འདས་པའི་མཚན་ཉིད་སྟོན་ཏོ།། བློ་གྲོས་ཆེན་པོ་གཞན་ཡང་ཆོས་ཉིད་ཀྱི་སངས་རྒྱས་ནི་དམིགས་པ་མེད་ཅིང་དམིགས་པ་དང་བྲལ་བ་བྱ་བ་དང་། དབང་པོ་དང་། ཚད་མའི་མཚན
iiif viewer powered by OpenSeadragon
