| e-texts navigator |
| Wylie |
224a1 མ་ཡིན་ན། ། དཔེར་ན་མི་ལ་ལ་རོལ་མོ་དང་། ཡི་གེ་དང་། རི་མོ་དང་། བཟོ་སྣ་ཚོགས་སློབ་པ་རིམ་གྱིས་མངོན་པར་འགྲུབ་པར་འགྱུར་གྱི་གཅིག་ཅར་མ་ཡིན་ནོ།། དེ་བཞིན་དུ་དེ་བཞིན་གཤེགས་པས་སེམས་ཅན་རྣམས་ཀྱི
224a2 རང་གི་སེམས་སྣང་བའི་རྒྱུད་ཡོངས་སུ་སྦྱོང་པ་ཡང་རིམ་གྱིས་རྣམ་པར་བདག་གི་གཅིག་ཅར་མ་ཡིན་ནོ། ། དཔེར་ན་མེ་ལོང་རབ་ཏུ་ཕྱིས་པ་ནི་མཚན་མ་མེད་པར་གཟུགས་བརྙན་ཐམས་ཅད་གཅིག་ཅར་སྣང་བར་བྱེད་དོ།། དེ་བཞིན
224a3 གཤེགས་པས་སེམས་ཅན་ཐམས་ཅད་ཀྱི་རང་གི་སེམས་སྡང་བའི་རྒྱུང་ཡོངས་སུ་སྣང་བ་ཡང་དེ་བཞིན་ཏེ། མཚན་མ་མེད་ཅིང་སྡང་བ་མེད་པ་རྣམ་པར་དག་པའི་སྤྱོད་ཡུལ་གཅིག་ཅང་སྟོན་ཏོ།། དཔེར་ན་ཉི་མ་དང་ཟླ་བའི་དཀྱིལ
224a4 འཁོར་ནི་འོད་ཟེར་གྱིས་གཟུགས་སུ་སྣང་བ་ཐམས་ཅད་གཅིག་ཅར་མངོན་པར་བྱེད་དོ། ། དེ་བཞིན་གཤེགས་པ་ཡང་རང་གི་སེམས་སྣང་བ་དང་། གནས་ངན་ལེན་གྱི་བག་ཆགས་དང་བྲལ་བའི་སེམས་ཅན་རྣམས་ལ་དེ་བཞིན་དྲབསམ
224a5 གྱིས་མི་ཁྱབ་པའི་ཡེ་ཤེས་རྒྱལ་བ་རྣམས་ཀྱི་སྤྱོད་ཡུལ་གཅིག་ཅར་སྟོན་ཏོ། ། དཔེར་ན་ཀུན་གཞི་རྣམ་པར་ཤེས་པ་ནི་རང་གི་སེམས་སྣང་བའི་ལུས་དང་། གནས་དང་། ལོངས་སྤྱོད་རྣམ་པར་གཞག་པའི་ལུས་གཅིག་ཅང་རྣམ་པར
224a6 རིག་ཅིང་ཤེས་སོ། ། རྟེན་གྱི་སངས་རྒྱས་དེ་དག་ཀྱང་དེ་བཞིན་ཏེ། གཅིག་ཅར་སེམས་ཅན་ཡོངས་སུ་སྨིན་པར་མཛད་ཅིང་གནས་པར་བྱ་བའི་སྤྱོད་ཡུལ་ལ་རྣལ་འབྱོར་པ་དེ་དག་འོག་མིན་དུ་གནས་པར་མཛད་དོ།། དཔེར་ན་ཆོས
224a7 ཉིད་ཀྱི་སངས་རྒྱས་ཀྱི་རྟེན་གྱི་སངས་རྒྱས་སྟོན་ཅིང་འོད་ཟེར་གྱིས་རྣམ་པར་མཛེས་སོ། ། རང་གིས་རིག་པ་འཕགས་པའི་ཚུལ་ཡང་དེ་བཞིན་ཏེ། དེས་ཆོས་ཀྱི་མཚན་ཉིད་ལ་དངོས་པོ་ཡོད་པ་དང་། དངོས་པོ་མེད་པའི་ལྟ་བ་ངན་པའི
224a8 རྣམ་པར་རྟོག་པ་རབ་ཏུ་སེལ་བས་རྣམ་པར་མཛེས་སོ། ། གཞན་ཡང་བློ་གྲོས་ཆེན་པོ་ཆོས་ཉིད་ལ་རྟེན་པའི་སངས་རྒྱས་ནི། ཆོས་ཐམས་ཅད་རང་དང་སྤྱིའི་མཚན་ཉིད་དུ་གཏོགས་ཤིང་རང་གི་སེམས་སྣང་བའི་བག་ཆགས་ཀྱི
iiif viewer powered by OpenSeadragon
