| e-texts navigator |
| Wylie |
221b1 མངོན་པར་ཞེན་པ་མེད་པ་དང་། ཨཱ་མ་ལྟ་བུའི་ཏིང་ངེ་འཛིན་ཀྱི་ལུས་རབ་ཏུ་ཐོབ་ཟས། སངས་རྒྱམ་རྣམས་ཀྱི་སའི་གནས་ལ་བ་རྗོར་འང་འཇུག་པའི་སྤྱོད་པ་ལས་།། རྫོགས་ཆེན་པོ་འདི་ནི་འཕགས་པ
221b2 མཚན་ཉིད་གསུམ་ཞེས་བྱའོ། ། གལ་ཏེ་འཕགས་པའི་ཡེ་ཤེས་ཀྱི་མཚན་ཉིད་འདི་གསུམ་དང་ལྡན་ན་རང་གིས་རིག་པ་འཕགས་པའི་ཡེ་ཤེས་མཐར་ཐུག་པའི་སྤྱོད་ཡུལ་ཁོང་དུ་ཆུད་པར་འགྱུར་རོ།། དེ་ལྟ་བས་ན་བློ་ཐོས་ཆེན
221b3 པོ་འཕགས་པའི་ཡེ་ཤེས་ཀྱི་མཚན་ཉིད་གསུམ་པོ་དག་ལ་རབ་ཏུ་བརྩོན་པར་བྱའོ། ། ། འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས།། ། བམ་པོ་གཉིས་པ། དེ་ནས་བྱང་ཆུབ་སེམས
221b4 དཔའ་སེམས་དཔའ་ཆེན་པོ་བློ་གྲོས་ཆེན་པོས་བྱང་ཆུབ་སེམས་དཔའ་འཁོར་དེ་དག་གི་སེམས་ཀྱི་བསམ་ཐ་རབ་ཏུ་ཤེས་པས་འཕགས་པའི་ཡེ་ཤེས་ཀྱི་དངོས་པོ་དང་། རང་བཞིན་རབ་ཏུ་འབྱེད་པ་ཞེས་བྱ་བའི་ཆོས་ཀྱི
221b5 རྣམ་གྲངས་འདི་སངས་རྒྱས་ཐམས་ཅད་ཀྱི་བྱིན་གྱི་རླབས་ཀྱི་མཐུས་བཅོམ་ལྡན་འདས་ལ་ཞུས་པ། བཅོམ་ལྡན་འདས་འཕགས་པའི་ཡེ་ཤེས་ཀྱི་དངོས་པོ་དང་། རང་བཞིན་རབ་ཏུ་འབྱེད་པ་ཞེས་བྱ་བའི་ཆོས་ཀྱི་རྣམ
221b6 གྲངས་བདག་ལ་བཤད་དུ་གསོམ། ། ཚིག་བརྒྱ་རྩ་བརྒྱད་ཤིན་དུ་རྣམ་པར་འབྱེད་པའི་གནས་གང་འདི་ལ་བརྟེན་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས
221b7 ཕྱེ་སྟེ། བསྟན་པས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་རང་དང་སྤྱིའི་མཚན་ཉིད་དུ་གཏོགས་པའི་རྣམ་པར་རྟོག་པའི་རང་བཞིན་ལ་རབ་ཏུ་འཇུག་སྟེ། རབ་ཏུ་ཕྱེ་བའི་ཚུལ་གྱིས་རྣམ་པར་རྟོ
221b8 བཞིན་སྟོན་པའི་ཕྱིར་སོ་སོར་རབ་ཏུ་རྟོག་པ་ལ་མཁས་ཤིང་གང་ཟག་དང་ཆོས་ལ་བདག་མེད་པར་རྟོགས་པ་དང་། རྣམ་པར་རྟོག་པ་རབ་ཏུ་སེལ་ཅིང་ས་རྣམས་ལ་ཤིན་དུ་གསལ་བ་དང་། ཉན་ཐོས་དང་། རང་སངས་རྒྱས
iiif viewer powered by OpenSeadragon
