| e-texts navigator |
| Wylie |
219b1 དགེ་བའི་རྩ་བ་ཡོངས་སུ་བསགས་པ་དང་། རང་གི་སེམས་སྣང་བ་ལ་རྣམ་པར་རྟོག་པའི་སྤྲོས་པ་དང་བྲལ་བ་རི་དང་ནག་པ་ཚལ་སྟུག་པོ་དང་། ཤིང་ཁྲོད་ན་གནས་ཤིང་རྣལ་འབྱོར་ཐ་མ་དང་། འབྲིང་དང་། རབ་ཏུ
219b2 བསྒོམས་པ་རྣམས་ཀྱིས་རང་གི་སེམས་ཀྱི་རྣམ་པར་རྟོག་པའི་རྒྱུད་མཐོང་བ་དང་། ཞིང་ཚད་མེད་པའི་སངས་རྒྱས་རྣམས་ཀྱིས་དབང་བསྐུར་བ་དང་། དབང་དང་། སྟོབས་དང་། མངོན་པར་ཤེས་པ་དང་། ཏིང་ངེ་འཛིན
219b3 དག་དགེ་བའི་བཤེས་གཉེན་སངས་རྒྱས་ཀྱི་སྲས་ཀྱི་འཁོར་རྣམས་ཀྱང་འཐོབ་པར་འགྱུར་ཏེ། དེས་སེམས་དང་། ཡིད་དང་། རྣམ་པར་ཤེས་པ་དང་། རང་གི་སེམས་སྣང་བའི་རང་བཞིན་གྱི་སྤྱོད་ཡུལ་སྤྲོས་པའི་མཚན་ཉིད་དག
219b4 ཅིང་འཁོར་བ་སྲིད་པའི་རྒྱ་མཚོ་དང་། ལས་དང་། སྲེད་པ་དང་། མི་ཤེས་པ་ལ་སོགས་པའི་རྒྱུ་ལས་རྒྱལ་བར་ནུས་སོ།། དེ་ལྟ་བས་ན་བློ་གྲོས་ཆེན་པོ་རྣལ་འབྱོར་པ་རྣམས་ཀྱིས་དགེ་བའི་བཤེས་གཉེན་རྒྱལ་བ་རྣམས་ལ་བསྟེན
219b5 པར་བྱའོ། ། དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ།། དཔེར་ན་རྒྱ་མཚེའི་དཔའ་རླབས་རྣམས།། དེ་དག་རླུང་དྲག་དབང་གིས་བྱུང་།། རླབས་ཆེན་རྒྱ་མཚོ་རབ
219b6 བསྐྱོད་པས། ། རྒྱུན་ནི་རྣམ་པར་ཆད་པ་མེད།། ཀུན་གཞི་རྒྱ་མཚོ་རྟག་གནས་པ།། ཡུལ་གྱི་རླུང་གིས་རབ་བསྐྱོད་ནས།། སྣ་ཚོགས་རྣམ་ཤེས་དཔའ་རླབས་རྣམས།། གར་ཅིང་རབ་ཏུ་འཇུག་པར་འགྱུར།། སྔོན་པོ་དམར་པོ་སྣ་ཚོགས
219b7 གཟུགས། ། དུ་དང་འོ་མ་ཁར་དང་།། བསྐ་བ་མེ་ཏོག་འབྲས་བུ་དང་།། ཉི་ཟླ་དང་ནི་འོད་ཟེར་དང་།། གཅིག་པ་མ་ཡིན་ཐ་དད་མིན།། རྒྱ་མཚོ་རླབས་རྣམས་རབ་ཏུ་བསྐྱེད།། དེ་བཞིན་རྣམ་ཤེས་བདུན་པོ་ཡང་།། སེམས་དང་ལྷན
219b8 ཅིག་རབ་ཏུ་སྐྱེ། ། ཇི་ལྟར་རྒྱ་མཚོ་ཡོངས་གྱུར་ནས།། དཔའ་རླབས་སྣ་ཚོགས་འཇུག་པ་ལྟར།། རྣམ་ཤེས་བདུན་པོ་དེ་བཞིན་ཏེ།། སེམས་དང་ལྷན་ཅིག་རབ་ཏུ་སྐྱེ།། ཀུན་གཞི་རྣམ་ཤེས་གནས་ལས་ནི།། རྣམ་ཤེས་སྣ་ཚོགས
iiif viewer powered by OpenSeadragon
