| e-texts navigator |
| Wylie |
219a1 བ། ། གཟུགས་ལ་སོགས་པའི་རང་གི་ངོ་བོ་ཉིད་མ་རྟོགས་པས་དེའི་ཕྱིར་རྣམ་པར་ཤེས་པའི་ཚོགས་ལྔ་འདུག་གོ། བློགས་ཅན་པོ་རྣམ་པར་ཤེས་པའི་ཆགས་ལྔ་པོ་དག་དང་ལྡན་ཅག་པའི་ཐུག་བྷེ་ཐ་ཀན་པཔར
219a2 མཚན་ཉིད་ཁོང་དུ་ཆུད་པར་བྱེད་པས་ཡིད་ཀྱི་རྣམ་པར་ཤེས་པའི་རྒྱུ་ནི་དེའི་ལུས་ཀྱི་རྗེས་སུ་འཇུག་པ་ཡིན་པར་རིག་པར་བྱའོ། ། དེ་དག་འདི་སྙམ་དུ་བདག་ཅག་ནི་ཕན་ཚུན་གཅིག་གི་རྒྱུ་གཅིག་བྱེད་དེ་སྙམ་དུ་མི་སེམས་ཏེ། འོན
219a3 ཀྱང་རང་གི་སེམས་སྣང་བ་ལ་རྣམ་པར་རྟོག་པས་མངོན་པར་ཞེན་པ་འཇུག་ཅིང་། དེ་དག་སོ་སོ་ནས་འཇིག་པའི་མཚན་ཉིད་དང་ལྷན་ཅིག་ཏུ་འཇུག་གོ། ཡུལ་གྱི་རྣམ་པའི་བྱེ་བྲག་འབྱེད་པ་ནི་འདི་ལྟ་སྟེ། དེ་དག་འཇུག་པའོ།།
219a4 གྲོས་ཆེན་པོ་ཇི་ལྟར་ན་རྣལ་འབྱོར་པ་དག་བསམ་གཏན་དང་ཏིང་ངེ་འཛིན་ལ་མཉམ་པར་གཞག་པ་བག་ཆགས་ཤིན་ཏུ་ཕྲ་རབ་འཇུག་པ་རྣམས་མི་ཤེས་པ་དེ་དག་འདི་སྙམ་དུ། བདག་ཅག་རྣམ་པར་ཤེས་པ་བཀག་ནས་སྙོམས
219a5 པར་ཞུགས་སོ་སྙམ་དུ་སེམས་ཀྱང་ཡང་དག་པར་རྣམ་པར་ཤེས་པ་བཀག་ནས་སྙོམས་པར་ཞུགས་པ་མ་ཡིན་ཏེ། འདི་ལྟར་བག་ཆགས་ཀྱི་ས་བོན་ཤིན་དུ་ཕྲ་བ་མ་འགགས་པའི་ཕྱིར་མ་འགགས་པའོ།། ཡུལ་ལ་འཇུག
219a6 ཅིང་འཛིན་པ་དང་མི་ལྡན་པའི་ཕྱིར་ནི་འགགས་པའོ། ། བློ་གྲོས་ཆེན་པོ་དེ་ལྟར་ཤིན་དུ་ཕྲ་བའི་ཀུན་གཞི་རྣམ་པར་ཤེས་པ་དེ་མཐར་ཐུག་པར་རྟོགས་པ་ནི་དེ་བཞིན་གཤེགས་པ་དང་། ས་ལ་རབ་ཏུ་གནས་པའི་བྱང་ཆུབ
219a7 སེམས་དཔའ་རྣམས་མ་གཏོགས་པར་གཞན་ཉན་ཐོས་དང་། རང་སངས་རྒྱས་དང་། མུ་སྟེགས་ཅན་གྱི་རྣལ་འབྱོར་པ་རྣམས་ཀྱིས་ཐོབ་པའི་ཏིང་ངེ་འཛིན་དང་། ཤེས་རབ་ཀྱི་སྟོབས་ཀྱིས་ཀྱང་རྟོགས་པར་མི
219a8 ནུས་སོ། ། གཞན་དུ་ནི་སའི་མཚན་ཉིད་དང་།། ཤེས་རབ་དང་། ཡེ་ཤེས་དང་། ཐབས་ལ་མཁས་པ་རྣམ་པར་འབྱེད་པ་དག་ཚིག་གི་དོན་རབ་ཏུ་དབྱེ་བ་ལ་རྣམ་པར་གདོན་མི་ཟ་བརྒྱལ་བ་མཐའ་ཡས་པ་རྣམས་ལས
iiif viewer powered by OpenSeadragon
