| e-texts navigator |
| Wylie |
217b1 བ་སྤྲིན་དང་འགལ་མེའི་འཁོར་ལོ་དང་། དྲི་ཟའི་གྲོང་ཁྱེར་དང་མཚུངས་པ་དང་། མ་སྐྱེས་པ་སྒྱུ་མ་དང་། སྨིག་རྒྱུ་དང་། ཆུའི་ཟླ་བ་དང་། རྨི་ལམ་ལྟ་བུ་དང་། ནང་དང་། ཕྱི་རོལ་དུ་སེམས་སྣང་བ་རྣམ་པར་རྟོག་པ་དང་། ཐེག་མ
217b2 མེད་པའི་དུས་ཀྱི་ས་རྣམ་པར་སྤྲོས་པ་རང་གི་སེམས་ཀྱི་རྣམ་པར་རྟོག་པ་ལས་ལོག་ཤིག་ན་མེད་པ་དང་། རྒྱུ་དང་རྐྱེན་འགགས་ཤིང་ཟད་པར་གྱུར་ན་རྣམ་པར་རྟོག་པ་དང་བྲལ་བར་མཐོང་བ་དང་། རྗོད་པ་དང་བརྗོད་པར་བྱ་བ
217b3 དང་། བརྟག་པ་དང་། བརྟག་པར་བྱ་བ་དང་བྲལ་བ། ལོངས་སྤྱོད་དང་། ལུས་སུ་ཀུན་གཞི་རྣམ་པར་ཤེས་པ་རྣམ་པར་གཞག་པ་དང་། རྣམ་པར་ཤེས་པའི་ཡུལ་གཟུང་བ་དང་། འཛིན་པ་དང་། མི་མཐུན་པ་དང་། སྣང་བ་མེད་པའི
217b4 སྤྱོད་ཡུལ་སྐྱེ་བ་དང་། གནས་པ་དང་། འཇིག་པ་སྤངས་པ། རང་གི་སེམས་ལས་བྱུང་བ་ཙམ་དུ་རྗེས་སུ་འཇུག་ཅིང་རྣམ་པར་འབྱེད་ན། བློ་གྲོས་ཆེན་པོ་བྱང་ཆུབ་སེམས་དཔའ་དེ་དག་ནི་རིང་མྱི་ཐོགས་པར་འཁོར་བ་དང་། མྱ་ངན
217b5 ལས་འདས་པ་མཉམ་པ་ཉིད་དང་། སྙིང་རྗེ་ཆེན་པོ་དང་ཐབས་ལ་མཁས་པ་དང་། རྩོལ་བ་མེད་པའི་སྦྱོར་བ་འཐོབ་པར་འགྱུར་རོ།། བློ་གྲོས་ཆེན་པོ་སེམས་ཅན་གྱི་ཁམས་དེ་དག་ཐམས་ཅད་སྒྱུ་མ་དང་མཚུངས་པ་དང་། རྒྱུ་དང་རྐྱེན
217b6 ལ་མི་བརྩོན་པ་དང་། ཕྱི་ནང་གི་ཡུལ་ལས་རྣམ་པར་དབེན་པ་དང་། སེམས་ལས་ཕྱི་རོལ་དུ་མཐོང་བས་རིམ་གྱིས་མཚན་མ་མེད་པའི་གནས་སུ་འཇུག་པ་དང་། རིམ་གྱིས་ས་ནས་སར་ཏིང་ངེ་འཛིན་གྱི་སྤྱོད་ཡུལ་ལ་འཇུག་པ
217b7 དང་། ཁམས་གསུམ་སྒྱུ་མ་ལྟ་བུར་ཤིན་དུ་མས་ཤིང་སོ་སོར་རབ་ཏུ་རྟོག་པས་སྔ་མ་ལྟ་བུའི་ཏིང་ངེ་འཛིན་རབ་ཏུ་འཐོབ་པར་འགྱུར་རོ།། རང་གི་སེམས་སྣང་བ་ལས་འདས་ཤིང་སྣང་བ་མེད་པ་ལ་འཇུག་པས་ཤེས་རབ་ཀྱི་ཕ
217b8 རོལ་ཏུ་ཕྱིན་པ་ལ་གནས་པ་རྗེས་སུ་ཐོབ་པར་བྱེད་པ་དང་། དེ་དག་གི་སྦྱོར་བ་སྐྱེད་པ་རབ་ཏུ་སྤངས་པས་རྡོ་རྗེ་ལྟ་བུའི་ཏིང་ངེ་འདི་ན་ཐོབ་ནས་དེ་བཞིན་གཤེགས་པའི་ས་ལ་འཇུག་པར་འགྱུར་རོ།། དེ་བཞིན་ཉིད་ཀྱི་རྗེས་སུ
iiif viewer powered by OpenSeadragon
