| e-texts navigator |
| Wylie |
217a1 འམ། ལམ་འམ།། ལས་སམ། འབྲས་བུ་འམ། བདེན་པ་རྣམ་པར་འཇིག་པ་འམ། ཆད་པར་སྨྲ་བར་འགྱུར་རོ།། དེ་ཅིའི་ཕྱིར་ཞེ་ན། གང་འདི་མངོན་སུམ་དུ་མི་དམིགས་ཤིང་ཐོག་མ་མི་མཐོང་སྟེ། དེའི་ཚ་མ་ཡིན་པའི་ཕྱི
217a2 རོ། ། བློ་གྲོས་ཆེན་པོ་དཔེར་ན་རྫ་མཆོག་ནས་གྱོ་མོར་གྱུར་པ་ནི་རྔ་མའི་བྱ་བ་མི་བྱེད་དོ།། ས་བོན་ཚིག་པ་ཡང་མྱུ་གུའི་བྱ་བ་མི་བྱེད་དོ།། དེ་བཞིན་དུ་བློ་གྲོས་ཆེན་པོ་ཕུང་པོ་དང་། ཁམས་དང་། སྐྱེ་མཆེད་ཀྱི་དངོས་པོ་དག་འགགས་པ་དང་།
217a3 འགག་པ་དང་། འགག་པར་འགྱུར་བ་ནི་རང་གི་སེམས་ཀྱི་རྣམ་པར་རྟོག་པས་མཐོང་སྟེ། རྒྱུ་མེད་པའི་ཕྱིར་དེ་དག་ནི་རིམ་གྱིས་སྐྱེ་བ་མེད་དོ།། བློ་གྲོས་ཆེན་པོ་གལ་ཏེ་ས་བོན་མེད་པ་འམ། ས་བོན་ཡོད་པ་ལས་རྣམ་པར་ཤེས་པ
217a4 རྣམས་རྐྱེན་གསུམ་དང་ཕྲད་པ་ལས་སྐྱེ་བ་ཞིག་ཡིན་ན་ནི་རུ་སྦལ་ལས་སྤུ་སྐྱེ་བ་དང་། བྱེ་མ་ལས་ཀྱང་འབྲུ་མར་འབྱུང་བར་འགྱུར་བའི་རིགས་ཏེ། འོ་ན་ནི་ཁྱོད་ཀྱི་དམ་བཅས་པ་ལས་ཉམས་ཤིང་ངེས་པའི་དོན་དང་ཡང་འགལ་བར
217a5 འགྱུར་རོ། ། ས་བོན་ཡོད་པ་དང་། ས་བོན་མེད་པར་བཤད་པ་ལ་ཉེས་པ་དེ་ལྟ་བུ་ཡོད་པས་བྱ་བ་དང་། ལས་བྱས་པ་རྣམས་དོན་མེད་པར་འགྱུར་རོ།། བློ་གྲོས་ཆེན་པོ་མུ་སྟེགས་ཅན་དེ་དག་རྐྱེན་གསུམ་ཕྲད་པ་ལས་སྐྱེ་ཞེས་བྱ་བ་ཡང
217a6 བྱ་བ་དང་། ཐབས་ནི་རྒྱུ་དང་འབྲས་བུའི་རང་གི་མཚན་ཉིད་དུ་ཡོད་ལ་འདས་པ་དང་། མ་འོངས་པ་དང་། ད་ལྟར་བྱུང་བ་ནི་ས་བོན་ཡོད་པ་དང་། ས་བོན་མེད་པའི་མཚན་ཉིད་དོ་ཞེས་ཟེར་ཏེ། དེ་ནི་སྔོན་གཅིག། ས་གཅིག་ཏུ་རིགས
217a7 པའི་དངོས་པོ་བརྒྱད་དེ་འོངས་པ་རྟོགས་པའི་རྗེས་སུ་འཇུག་ཅིང་རང་གི་ལྟ་བའི་ཉེས་པའི་བག་ཆགས་ཀྱིས་བསྒོས་པས་དེ་སྐད་དུ་སྟོན་ཏོ། ། བློ་གྲོས་ཆེན་པོ་དེ་ལྟར་བྱིས་པ་སོ་སོའི་སྐྱེ་བོ་རྣམས་ལྟ་བ་ངན་པས་ཟིན་པ་ལོག་པའི
217a8 གྱི་གླུས་རབ་ཏུ་རྨོངས་པ་དང་། མྱོས་པའི་མི་ཤེས་པ་རྣམས་བརྫུན་དུ་འདི་ནི་ཐམས་ཅད་མཁྱེན་པས་བསྟན་ཏོ།། ཞེས་ཟེར་རོ།། བློ་གྲོས་ཆེན་པོ་གལ་ཏེ་ཡང་དགེ་སྦྱོང་ངམ། བྲམ་ཟེ་གང་ལ་ལ་ཆོས་ཐམས་ཅད་རང་བཞིན་དང་བྲལ
iiif viewer powered by OpenSeadragon
