| e-texts navigator |
| Wylie |
212b1 འཁྲིག་པ་སྣ་ཚོགས་དང་། ། ཟས་སྐོམ་རྣམ་པ་མང་པོ་དང་།། ཇི་ལྟར་སྐྱེས་བྲན་ཆུད་ཚལ།། རྡོ་རྗེ་ལྟ་བར་སྲ་བའི་རི།། ཇི་ལྟར་སྣ་མརྨི་ལམ་འདྲ།། རི་དགས་སྒོམ་གྱིས་གདུངས་པ་ལྟར།། ཇི་ལྟར་རི་བོ་དྲང་སྲོང་ལྷ།། དྲི་ཟས
212b2 རབ་ཏུ་བརྒྱན་པ་དང་། ། གྲོལ་བ་གང་དུ་འགྲོ་བར་འགྱུར།། བཅིངས་པ་སུ་ཞིག་གང་གིས་འགྲོལ།། བསམ་གཏན་པ་ཡི་ཡུལ་ནི་གང་།། སྤྲུལ་པ་དང་ནི་མུ་སྟེགས་ཀྱང་།། ཅི་ཕྱིར་མེད་པའི་རྒྱུ་ལས་བྱེད།། ཅིའི་ཕྱིར་ཡོད་པའི
212b3 རྒྱ་ལས་བྱེད། ། ཡོད་མེད་རྒྱུ་ལས་བྱེད་པ་དང་།། དེ་བཞིན་ཡོད་མེད་མིན་པའི་རྒྱུ།། སྣང་བ་ལས་ནི་ཇི་ལྟར་ལྡོག། རྟོག་གེ་ཇི་ལྟར་ཡོངས་སུ་འདག། རྟོག་གེ་ཇི་ལྟར་འཇུག་པར་འགྱུར།། བྱེད་པ་ཅི་ཡིས་འཇུག་པར་འགྱུར།། ཇི
212b4 ལྟར་འདུ་ཤེས་གཙང་བར་བྱ། ། ཇི་ལྟར་ཏིང་ངེ་འཛིན་ལས་ལྡང་།། སྲིད་གསུམ་བཅོམ་པ་དེ་སུ་ཞིག། གནས་གང་དེ་ཡི་ལུས་ཀྱང་ཅི།། ཅི་ཕྱིར་སེམས་ཅན་མེད་བཞིན་དུ།། བདག་ཡོད་པར་ནི་རྗོད་པར་བྱེད།། ཀུན་རྫོབ
212b5 བསྟན་པ་ཛ་ལྟ་བ། ། རྒྱ་ཆེར་རབ་ཏུ་དབྱེར་གསལ་ཞེས།། མཚན་ཉིད་འབྲི་བ་ཅི་ཡི་ཕྱིར།། བདག་མེད་འབྲི་འཇི་སྐད།། ཇི་ལྟར་མངལ་གྱི་སྙིང་པོར་སྐྱེ།། ལུས་ནི་ཐ་དད་སྣ་ཚོགས་དང་།། རྟག་ཆད་ལྟ་བ་ཇི་ལྟ་བུ།། ཇི་ལྟར་སེམས་ནི་མཉམ
212b6 པར་འཇོག། བརྗོད་དང་དེ་བཞིན་ཡེ་ཤེས་དང་།། ཚུལ་ཁྲིམས་རིགས་དང་རྒྱལ་བའི་སྲས།། རིགས་པ་དང་ནི་སྨྲ་བའང་ཅི།། སློབ་དཔོན་སློབ་མ་ཇི་ལྟ་བུ།། སེམས་ཅན་རྣམ་པ་སྣ་ཚོགས་དང་།། འདི་ལ་སོགས་པ་ཇི་ལྟ་བུ།། ཟས
212b7 དང་རྐོམ་ནི་ཛཾ་ལྟ་བ། ། ཡིད་གཞངས་བདུད་དང་བཏགས་པ་ཙམ།། ཤིང་དང་ཁྲི་ཤིང་ཅི་ཕྱིར་ཞེས།། རྒྱལ་བའི་སྲས་ཀྱིས་དྲི་བའི་རིགས།། ཞིང་རྣམས་སྣ་ཚོགས་ཅིའི་ཕྱིར།། དྲང་སྲོང་ཡུན་རིངས་དཀའ་ཐབ་དང་།། རིགས
212b8 ཤེས་བྱ་བ་ཇི་ལྟ་བ། ། བླ་མ་གང་ལས་བསླབ་པ་བླང་།། ཅི་ཡི་ཕྱིར་ན་མི་དག་དན།། ཅི་ཡི་ཕྱིར་ན་རྣལ་འབྱོར་པ།། འདོད་པའི་ཁམས་སུ་འཚེང་མ་རྒྱ།། འོག་མིན་དུ་ནི་གྲུབ་པའི་མཐའ།། ཅི་ཕྱིར་མངོན་ཤེས་འཇིག་རྟེན་པ།། ཅི་ཕྱིར
iiif viewer powered by OpenSeadragon
