| e-texts navigator |
| Wylie |
211b1 དེ་བཞིན་བདག་དང་བདག་མེད་གསུངས།། ཅི་སླད་དུ་ནི་ཐམས་ཅད་དུ།། ཡང་དག་དོན་ནི་གསུང་མི་མཛད།། སེམས་ཅན་དག་གི་སླད་དུ་ཡང་།། སེམས་ཙམ་དུ་ནི་དབྱེ་བ་མཛད།། ཅི་སླད་སྐྱེས་ཐུན་ཆུང་ཚལ།། ཨ་རུ་ར་དང་སྥུ་རུ་ར།། བལ
211b2 མ་དང་ཁོར་ཡུག་རི། ། རྡོ་རྗེ་ལ་སོགས་རི་བོ་རྣམས།། རིན་ཆེན་སྣ་ཚོགས་རབ་བརྒྱན་ཅིང་།། དྲང་སྲོང་དྲི་ཟས་ཀུན་གང་བ།། ཇི་ལྟར་ཅི་སླད་བདག་ལ་གསུངས།། བླ་མེད་འཇིག་རྟེན་མཁྱེན་པ་ཡི།། ཐེག་ཆེན་སྒྲོལ་བའི་སྒོ་རྣམས་དང་།། སངས
211b3 རྒྱས་ཀུན་གྱི་སྙིང་པོ་མཆོག། དེ་ཡི་ཚོགས་བཅད་གསན་པ་དང་།། ལེགས་སོ་དྲིས་པ་རབ་ཏུ་ལེགས།། བློ་གྲོས་ཆེན་པོ་ལེགས་པར་ཉོན།། ངས་ནི་དང་འདིར་རིམ་བཞིན་དུ།། ཁྱོད་ཀྱིས་གང་དྲིས་བཤད་པར་བྱ།། སྐྱེ་དང་སྐྱེ་བ
211b4 མེད་པ་དང་། ། མྱ་ངན་འདས་སྟོང་སྐད་ཅིག་མ།། རང་བཞིན་མེད་ལ་འཇུག་པར་འགྱུར།། སངས་རྒྱས་ཕ་རོལ་ཕྱིན་རྣམས་དང་།། རྒྱལ་སྲས་དང་ནི་ཉན་ཐོས་དང་།། རང་རྒྱལ་མུ་སྟེགས་ཅན་རྣམས་དང་།། གཟུགས་མེད་པའི་སྤྱོད
211b5 རྣམས་དང་། ། དེ་བཞིན་དངོས་པོ་སྣ་ཚོགས་རྣམས།། རི་རབ་མཚོ་བྲན་རི་རྣམས་དང་།། གླིང་དང་ཞིང་དང་ས་རྣམས་དང་།། གཟའ་སྐར་ཉི་མ་ཟླ་བ་དང་།། མུ་སྟེག་མ་ལྔ་དང་ལྷ་མ་ཡིན།། རྣམ་ཐར་དབང་དང་མངོན་ཤེས་དང་།། སྟོ
211b6 དང་བསམ་གཏན་ཏིང་ངེ་འཛིན། ། འགོག་དང་རྫུ་འཕྲུལ་རྐང་པ་དང་། བྱང་ཆུབ་ཡན་ལག་ལམ་གྱི་ཕྱོགས།། བསམ་གཏན་རྣམས་དང་ཚད་མེད་དང་།། ཕུང་པོ་ལུས་རྣམས་འགྲོ་འོང་དང་།། སྙོམས་པར་འཇུག་དང་འགོག་པ་དང་།
211b7 ཏིང་འཛིན་ལྡང་སེམས་བཤད་པ་དང་།། སེམས་དང་ཡིད་དང་རྣམ་ཤེས་དང་།། བདག་མེད་པ་དང་ཆོས་ལྔ་དང་།། རང་བཞིན་རྟོག་དང་བརྟག་པ་དང་།། སྣང་དང་ལྟ་བ་གཉིས་པོ་དང་།། ཐེག་པ་དང་ནི་རོགས་རྣམས་དང་།
211b8 གསེར་དངུལ་ནོར་བུ་ལ་སོགས་དང་།། འདོད་ཆེན་པ་དང་འབྲང་ཆེན་དང་།། དཀྲུགས་མ་དག་དང་སངས་རྒྱས་གཅིག། ཤེས་དང་ཤེས་བྱ་འཇུག་ཐོབ་དང་།། སེམས་ཅན་སྲིད་དང་མི་སྲིད་དང་།། གླང་པོ་རྟ་དང་རི་དགས་རྣམས།།
iiif viewer powered by OpenSeadragon
