| e-texts navigator |
| Wylie |
209b1 རྣམས་ལ་བཀའ་སྩལ་པ། ། ཁྱོད་ལ་སོགས་པ་རྒྱལ་སྲས་རྣམས།། ཅིང་དང་ཅི་འདོད་དྲིས་ཤིག་དང་།། སོ་སོ་རང་གི་སྤྱོད་ཡུལ་ནི།། ངས་ནི་ཁྱེད་ལ་བཤད་པར་བྱ།། དེ་ནས་བྱང་ཆུབ་སེམས་དཔའ་མམས་དཔ
209b2 པོ་བློ་གྲོས་ཆེན་པོ་བཅོམ་ལྡན་འདས་ཀྱི་ཞབས་ལ་སྤྱི་བོས་གཏུགས་ཏེ་ཕྱག་བྱས་ནས་ཐལ་མོ་སྦྱར་ཏེ་ཚིགས་སུ་བཅད་པས་ཞུ་བ་ཞུས་པ། ། ཇི་ལྟར་དྲན་པ་རྣམས་དག་འགྱུར།། ཇི་ལྟར་དྲན་པ་འཕེལ་བར་འགྱུར།། ལྷ་མོངས་ནོར
209b3 བ་ཇི་ལྟ་བུ། ། ནོར་བ་ཇི་ལྟར་འཕེལ་བར་འགྱུར།། ཞིང་དུ་སྤྲུལ་རྣམས་ཅི་སླད་དུ།། མཚན་ཉིད་དང་ནི་མུ་སྟེགས་ཀྱང་།། མཚན་མེད་རིམ་པ་ཇི་ལྟ་བུ།། ཅི་སླད་མཚན་མ་མེད་པས་བགྱི།། ཅི་སླད་རྒྱལ་བའི་སྲས་ཤེས་བགྱི།
209b4 རྣམ་གྲོལ་གང་དུ་མཆི་བར་འགྱུར།། གང་ལ་འཆིང་ཞིང་གདེ་དག་དགྲོལ།། བསམ་གཏན་སྤྱོད་ཡུལ་ཇི་ལྟ་བུ།། ཇི་སྐད་ཐེག་པ་གསུམ་པོ་མཆིས།། བདག་ལ་བསྟན་ཅིང་བཤད་དུ་གསོལ།། རྐྱེན་རྣམས་གང་ལས་སྐྱེ་བ
209b5 ལགས། ། བྱེད་དང་བྱས་པ་ཇི་ལྟ་བུ།། གཉི་ག་ཐ་དད་ཅི་སླད་བཤད།། ཇི་ལྟ་བུར་ན་འཕེལ་བ་ལགས།། གཟུགས་མེད་སྙོམས་པར་འཇུག་པ་དང་།། འགོག་པའི་སྙོམས་འཇུག་ཇི་ལྟ་བུ།། འདུ་ཤེས་འགོག་པ
209b6 ལྟ་བུ། ། ཏིང་ངེ་འཛིན་ལས་ཇི་ལྟར་སང་།། ཅིའི་སླད་དུ་བྱས་པ་འབྱུང་།། འགྲོ་བ་དང་ནི་ལུས་འཛིན་ཅི།། ཇི་ལྟར་རྣམ་རྟོག་སྣང་བར་འགྱུར།། ས་རྣམས་ཇི་ལྟར་སྐྱེ་བར་འགྱུར།། སྲིད་གསུམ་འཇིག་པ་དེ་སུ་ཞིག
209b7 ནས་ནི་གང་ལགས་ལུས་ནི་ཅི། ། སྐྱེ་གནས་གང་དུ་བགྲོད་པར་འགྱུར།། རྒྱལ་བའི་སྲས་སུ་ཇི་ལྟར་འགྱུར།། མངོན་པར་ཤེས་དང་དབང་རྣམས་དང་།། ཏིང་འཛིན་རྣམས་ནི་ཇི་ལྟར་འཐོབ།། ཏིང་འཛིན་སེམས་ནི
209b8 ཇི་ལྟ་བུ། ། རྒྱལ་བས་བདག་ལ་བཤད་དུ་གསོལ།། ཅི་སླད་ཀུན་གཞི་ཞེས་བགྱི་ལགས།། ཡིད་དང་རྣམ་ཤེས་ཇི་ལྟ་བུ།། སྐྱེ་དང་འཇིག་པ་ཇི་ལྟ་བུ།། ཇི་ལྟར་མཐོང་ནས་སླར་ཡང་ལྡོག། ཇི་ལྟ་བུར་ནི
iiif viewer powered by OpenSeadragon
