| e-texts navigator |
| Wylie |
197b1 སྟོན་ལ། སེམས་ཅན་རྣམས་ལ་མངོན་པར་འབྱུང་བ་བསྐྱེད་པའི་ཕྱིར། ལོངས་སྤྱོད་རྒྱ་ཆེན་པོ་དང་ལྡན་ཡང་མངོན་པར་འབྱུང་བ་སྟོན་པ་འདི་ནི་དེའི་བཀོད་པ་ཡིན་ནོ། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ
197b2 བོས་འདི་སྐད་ཅེས་གསོལ་ཏོ། ། བཅོམ་ལྡན་འདས་རིགས་ཀྱི་བུ་དེས་པས་ཇི་སྲིད་ཅིག་ནས་བྱང་ཆུབ་ཀྱི་ཕྱིར་སྤྱད་པར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ།། ཀུན་དགའ་བོ་རིགས་ཀྱི་བུ་ངེས་པ་ནི
197b3 སངས་རྒྱས་མང་པོ་ལ་བསྙེན་བཀུར་བྱས་པ། སྔོན་གྱི་ཚུལ་ཕུན་སུམ་ཚོགས་པ། བཟོད་པ་གསུམ་ཐོབ་པ། སྤོབས་ཐོབ་པ། མངོན་པར་ཤེས་པས་རྣམ་པར་བརྩེ་བ་བྱས་པ། སེམས་ཅན་ཡོངས་སུ་སྨིན་པར་བྱ
197b4 བབལ་མཁས་པ་སྟེ། ངན་ཅིང་དབུལ་བས་སེམས་ཅན་རྣམས་འདུལ་བར་བྱེད་དོ།། གསོལ་པ། བཅོམ་ལྡན་འདས་འདིས་ངན་ཅིང་དབུལ་བ་འདིས་སེམས་ཅན་ཇི་སྙེད་ཅིག་བཏུལ་ལགས། བཅོམ་ལྡན་འདས་ཀྱིས
197b5 བཀའ་སྩལ་པ། ཀུན་དགའ་བོ་ལྷའི་བུ་འབུམ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་དུ་ཡོངས་སུ་སྨིན་པར་བྱས་ཏེ། མི་རྣམས་ཀྱང་དེ་དང་འདྲའོ།། ཀུན་དགའ་བོས་གསོལ་པ། བཅོམ་ལྡན
197b6 འདས་ཇི་སྲིད་ཅིག་ན་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དུ་མངོན་པར་རྫོགས་པར་འཆང་རྒྱ་བར་འགྱུར།། འདིའི་སངས་རྒྱས་ཀྱི་ཞག་བཀོད་པ་རྣམས་ནི་ཅི་འདྲ་བ་ཞིག་དུ་འགྱུར།། མིང་ནི་ཇི་སྐད
197b7 ཅེས་བགྱི་བཞིག་ཏུ་འགྱུར་ལགས། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་ཚིགས་སུ་བཅད་དེ་བཀའ་སྩལ་པ།། སེམས་ཅན་དོན་ལ་བརྩོན་དང་བརྟུལ་ནགས་བརྟན་པ་དང་།། གྲགས་པ་རྒྱ་རྟེན
197b8 དག་གིས་བསམ་པ་ཁྱབ་བྱས་དང་། ། བྱང་ཆུབ་ཡོན་ཏན་གནས་པའི་སྤྱོད་པ་ཅི་འདྲ་བ།། ངས་ནི་ཁྱོད་ལ་བཤད་ཀྱིས་ཀུན་དགའ་ཁྱོད་ཉོན་ཅིག། འདི་ནི་རྒྱལ་ལ་མཆོད་མཆོག་ཕྱིར་ནི་གུས་བྱེད་ཅིང་།། དམ་པའི་ཆོས་ནི
iiif viewer powered by OpenSeadragon
