| e-texts navigator |
| Wylie |
196a1 ཡོངས་སུ་བསྐུར་ཅིང་གདན་བཤམས་པ་ལ་བཞུགས་སོ། ། དེ་ནས་དྲ་ཟའི་བུ་ག་དྲུག་པུད་ལྔ་པས། ལྷའི་བུ་མ་ཉེ་འོད་ལ་སྨྲས་པ། བཟང་མོ་ཆུང་ཤག། ངེས་པའི་གཡོག་བྱ་བའི་ཕྱིར་དྲུང
196a2 ཀྱི་སྒྲ་དང་། ཀླུའི་སྤྱད་དབྱས་ཀྱིས་དེ་བཞིན་གཤེགས་པ་ལ་མཆོད་པ་བྱའོ།། དེ་ནས་ལྷའི་བུ་མོ་ཉི་འོད་ཀྱིས་ལྷའི་བུ་མོ་ལྔ་བརྒྱ་ཙམ་དང་། ཐབས་གཅིག་ཏུ་རྒྱུད་ཀྱི་སྒྲར་སྦྱར་བའི་ཚིགས་སུ་བཅད་པ་དག་གིས
196a3 བསྟོད་པ། ། ཁྱོད་ཀྱིས་བསྐལ་པ་བརྒྱར་ནི་སྔོན་ཆད་དཀའ་ཐུབ་སྤྱད།། ཁྱོད་ནི་བསྡུ་པ་དག་དང་དུལ་དང་སྦྱིན་ལ་དགྱེས།། ཁྱོད་ནི་སྐུ་གསུང་ཐུགས་རྣམས་ཡོངས་སུ་དག་པདེ།། སྲིད་གསུམ་འཛག་རྟེན་ཐམ
196a4 ལ་ནི་བདག་ཕྱག་འཚལ། ། ཁྱོད་ནི་ཐ་བ་མི་མངའ་བཟོད་དང་བྱམས་ལ་དགྱེས།། ཁྱོད་ནི་བརྩོན་འགྲུས་བརྟན་དང་སྟོབས་ཀྱི་ཕ་རོལ་གཤེགས།། ཁྱོད་ནི་བསམ་གཏན་བློ་དང་ཚུལ་རྣམས་སྣང་ལ་དགྱེས།།
196a5 དྲིམ་གསུམ་གྱི་ཉེས་པ་སེལ་ལ་བདག་ཕྱག་འཚལ།། ཁྱོད་ནི་འདོད་ཆགས་ཞེ་སྡང་གཏི་མུག་སེལ་ལ་དགྱེས།། ཁྱོད་ཀྱི་ཐུགས་ནི་ཞི་ཞིང་སྙོམས་ལ་ཐུགས་རྗེར་ལྡན།། ཁྱོད་ནི་ཡང་དག་གསུང་ཞིང་དམ་པའི་དོན
196a6 ཡང་མཁྱེན། སྲིད་པ་གསུམ་པོ་ཐར་པར་མཛད་ལ་བདག་ཕྱག་འཚལ།། ཁྱོད་ནི་མཐོང་བ་རྣམས་ཀྱི་ཐེ་ཙོམ་སེལ་བར་མཛད།། ཁྱོད་ནི་མཐོང་བ་རྣམས་ཀྱིས་སྐྱོན་རྣམས་མཐའ་དག་སེལ།། ཁྱོད་ནི་མཐོང་བ
196a7 རྣམས་ལ་མཆོག་ཏུ་དགའ་བ་མཛད། ། བདག་ནི་རྒྱལ་ལ་སྲོག་གིས་སྐྱབས་སུ་མཆི་བར་བགྱི།། ལྷའི་བུ་མོ་མཆོག་ནི་འདོད་ཆགས་ཆགས་གྱུར་པ།། གང་གིས་མཐོང་བ་དེ་ཡང་ཆོས་ལ་དགའ་བར་འགྱུར།
196a8 དགའ་བས་དྲན་པ་ཤིན་ཏུ་རྒྱ་ཆེན་ཐོབ་འགྱུར་ཏེ།། དགའ་བས་སྡུག་ལ་འདོད་པའི་དགའ་དང་བྲལ་བར་འགྱུར།། མཚན་མཆོག་སུམ་བཅུ་རྩ་གཉིས་དག་གི་བརྒྱན་རྣམས་ཀྱིས།། ལེགས་པར་བརྒྱན་པ་གསལ
iiif viewer powered by OpenSeadragon
