| e-texts navigator |
| Wylie |
195a1 ནི་བདག་གི་འཛིན་པ་དང་། བཅས་ཤིང་ཡོངས་སུ་འཛིན་པ་དང་བཅས་པའི་གོས་རྣམས་མི་འཚལ་ལོ།། རྒྱལ་པོ་ཆེན་པོ་དཔྱིད་ཀྱི་དུས་ན་རས་རུལ་པའི་དུམ་བུའི་གོས་འདི་ཤིང་གི་ཡལ་ཀ་ལ་ཀས
195a2 ཏེ། གུང་གཅིག་གམ་དགུང་གཉིས་སམ། དགུང་བཅུའམ་དགུང་བརྒྱར་མཆིས་ཀྱང་དེ་ལ་སུ་ཡང་ལེན་པ་མམ་ཆི་ནི་དེ་ལ་ཡུ་ཡང་ཆགས་པའི་སེམས་སྐྱེད་པ་མ་མཆིས་ཏེ།། བདག་ཀྱང་དེ་བོར་ནས་མི་ལྟ་བར་མཆི་བའི
195a3 དུས་དེ་མཆིས་སོ། ། རྒྱལ་པོ་ཆེན་པོ་དག་ནི་བདག་གིར་འཛིན་པ་དང་། ཡོངས་སུ་འཛིན་པ་དང་བཅས་པའི་གོས་རྣམས་མི་འཚལ་ལོ།། རྒྱལ་པོ་ཆེན་པོ་བྱང་ཆུབ་སེམས་དཔའ་ནི་གང་ལ་བདག་ཉིད་ཀྱང་འདོད་པ་སྤོང་བར
195a4 འགྱུར་ཞིང་། གཞན་ཡང་འདོད་པའི་སེམས་སྐྱེད་པར་མི་འགྱུར་བ་དེ་ལྟ་བུའི་གོས་བཅིང་བར་བགྱིའོ།། རྒྱལ་པོས་སྨྲས་པ། ངེས་པ་གལ་ཏེ་དེ་ལྟར་རས་བཅོས་བུ་ཟུང་འདི་དག་ཁྱོད་མི་ལེན་ན་ཁོ་བོ་ལ་སྙིང་བརྩེ་བའི
195a5 བྱི་རྐང་པས་རྫས་ཤིག། ངེས་པས་ལྷད་དེ་བཞིན་དུ་བགྱིའོ།། ཞེས་སྨྲས་ནས། རས་བཅོས་བུ་ཟུང་དེ་དག་ལ་རྐང་པས་བརྫིས་ཏེ་སོང་ངོ་།། རྒྱལ་པོས་སྤྲས་པ། ངེས་པས་རས་བཙས་བུ་ཟུང་ཁྱོད་ཀྱི་རྐང་པར
195a6 སྨན་པར་གྱུར་པ་འདི་རྣམས་ཇི་ལྟར་བྱ། ངེས་པས་སྨྲས་པ། རྒྱལ་པོ་ཆེན་པོ་སེམས་ཅན་དབུལ་པོ་གཅེར་བུ་གོས་མ་མཆིས་པ་གང་ལགས་པ་དེ་དག་ལ་སྩོལ་ཅིག། རྒྱལ་པོ་ངེས་པ་དེ་ལྟར་བྱའོ་ཞེས་སྨྲས
195a7 ནས། རྒྱལ་པོའི་མི་རྣམས་ལ་སྒོ་སྟེ། དེ་དག་གིས་ཀྱང་ཇི་སད་བསྒོ་བ་དེ་བཞིན་བྱས་སོ།། རས་བཅོས་བུ་ཟུང་དེ་དག་དབུལ་པོ་དེ་དག་གིས་བགོས་མ་ཐག་ཏུ་འདི་སྙམ་དུ་སེམས་སྐྱེད་དེ། བདག་ཅག་གིས་ངེས་པལ
195a8 ཇི་ལྟར་ལན་གླན་པར་བྱ་སྙམ་པ་ལས་སངས་རྒྱས་ཀྱི་བྱིན་གྱིས་རླབས་དང་། ངེས་པའི་སྨོན་ལམ་གྱི་སྟོབས་ཀྱིས། དེ་དག་གིས་བར་སྣང་ལས་ཚིགས་སུ་བཅད་པ་འདི་དག་ཐོས་སོ།། འདོད་པ་བཞིན་དུ་ལན་ནི་ཀླན་བྱ་བ།
iiif viewer powered by OpenSeadragon
