| e-texts navigator |
| Wylie |
192b1 དང་བཅས། ཁྱོད་ཀྱི་སློབ་ས་ཡིན་གྱིས་ཁྱོད་ཀྱིས་བདག་སྤོབས་ཤི།། ཁ་བ་ཡུན་རིང་དག་ཏུང་རྒྱལ་གྱིས་ཀྱང་བསྡུས།། སྡིག་པ་འགྲོགས་པ་དག་གིས་བསྐོར་ཅིང་བཟུང་བ་ལས།། དེས་པ་ཁྱོད་ཉིད་ལདྲན
192b2 ཆོས་འདི་ཐོས་པས་ན། ། རབ་ཏུ་བསྡམས་ཏེ་ལ་ཐོས་ཆོས་བཞིན་སྤྱད་པར་བྱ།། ཁྱིམ་ན་གནས་པ་བ་རྒྱ་ཕྲག་ལྔ་པོ་འདི་དག་ནི།། ནོར་གྱི་ཆེད་དུ་ཁོ་བོས་གོ་རབཅུག་པ་སྟེ།། ཁོབས་ཐམས་ཅད་གཏང་གིས་བདེས
192b3 འབོད་པར་གྱིས། ། ཕྱིན་ཅད་འདི་འདྲ་བ་དག་ཁོ་བོ་ཡོད་མི་བྱེད།། ལྔ་བརྒྱ་གཏང་བར་གྱུར་པ་གང་ཡིན་དེ་དག་ཀྱང་།། དེས་པ་ལ་ནི་ཞེས་ལེགས་པར་བསྐྱེད་ནས་ཀྱང་།། སེམས་ནི་སྐྱེ་བར་གྱུར་ཅིང་ཅི་ལའང་མི་བལྟ་བར
192b4 བདེ་བ་ཐམས་ཅད་མཁྱེན་པ་ཉིད་དུ་སྨོན་ལམ་བཏབ། ། ད་ནི་དབུལ་པོ་མ་ཡིན་ཁྱོད་ནི་དབུལ་པོ་ཞེས།། དེས་པ་ཁྱོད་ཀྱིས་ཚིག་འདི་ལེགས་པར་སྤྲས་པ་སྟེ།། དེས་པ་ལ་ནི་གང་ཞིག་དབུལ་པོ་ཞེས་བརྗོད་པ།། མིད
192b5 རྒྱལ་པོའི་ཁྲིམས་དང་འགལ་བར་བྱེད་པ་ཡིན། ། དེ་ནས་བཅོམ་ལྡན་འདས་ལ་རིགས་ཀྱི་བུ་དེས་པས་འདི་སྐད་ཅེས་གསོལ་ཏོ།། བཅོམ་ལྡན་འདས་སྐྱེ་བོའི་ཚོགས་ཆེན་པོ་འདུས་པ་འདི་ནི།། བཅོམ་ལྡན་འདས
192b6 ལ་ལྟ་བས་ཆོག་མ་འཚལ། ལགས་ན་བཅོམ་ལྡན་འདས་དེའི་སླད་དུ། ཅི་ནས་འདི་དག་གིས་དེ་བཞིན་གཤེགས་པ་མཐོང་བར་དོན་མཆིས་པར་གྱུར་པ་དེ་ལྟ་དེ་ལྟར་འདི་དག་ལ་ལེགས་པར་ཆོས་བསྟན་ཏུ་གསོལ།། བཅོམ་ལྡན
192b7 འདས་ཀྱིས་བཀའ་སྩལ་བ། ། དེས་པ་རིགས་ཀྱི་བུ་ཆོས་བཞི་དང་ལྡན་ན། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། བཞི་གང་ཞེ་ན། ཡིད་ཆེས་པ་དང་། དད་པ་དང་འཕངས་པར་འཛིན་པ་དང་།། གུས་པ།
192b8 སྟེ། ཆོས་བཞི་པོ་དེ་དག་དང་ལྡན་ན།། དེ་བཞིན་གཤེགས་པ་ལགས་པར་མཐོང་བ་ཡིན་ནོ།། གཞན་ཡང་བཞི་སྟེ། དེ་བཞིན་གཤེགས་པའི་གཟུགས་ཀྱི་སྐུ་མཐོང་ན་བདག་ཀྱང་འདི་འདྲ་བར་གྱུར་ན་ཅིག་ཅེས་བླ་ན་མེད་པ
iiif viewer powered by OpenSeadragon
