| e-texts navigator |
| Wylie |
180a1 ལ་བདག་མེད་པའི་འདུ་ཤེས་དང་། འདོད་ཆགས་དང་བྲལ་བའི་འདུ་ཤེས་དང་། སྤངས་པའི་འདུ་ཤེས་དང་། འགོག་པ། འདུ་ཤེས་ཅན་དུ་གནས་ཏེ། འགོག་པ་མངོན་གསུམ་དུ་བྱེད་པ་ཡང་མ་ཡིན་ནོ།།
180a2 གང་དེ་ལྟར་དུས་གསུམ་རབ་ཏུ་ཤེས་པ་དེ་ཆོས་དེ་དག་ཉན་ཅིང་འཛིན་པ་དང་། མང་དུ་བྱེད་ཅིང་ཡོངས་སུ་རྟོག་པ་ན། ཐེག་པ་གསུམ་རབ་ཏུ་ཤེས་ཏེ། གསུམ་གང་ཞེ་ན། ལྷའི་ཐེག་པ་དང་། ཚངས་པའི་ཐེག་པ་དང་།
180a3 འཕགས་པའི་ཐེག་པ་སྟེ། དེ་དག་ནི་ཐེག་པ་གསུམ་ཞེས་བྱའོ།། བསམ་གཏན་དང་པོ་ནི་ལྷའི་ཐེག་པ་སྟེ། བསམ་གཏན་གཉིས་པ་དང་། བསམ་གཏན་གསུམ་པ་དང་། བཞི་པ་ཡང་ལྷའི་ཐེག་པའོ།། བྱམས་པ་ནི
180a4 ཚངས་པའི་ཐེག་པ་སྟེ། སྙིང་རྗེ་དང་། དགའ་བ་དང་བཏང་སྙོམས་ཀྱང་ཚངས་པའི་ཐེག་པའོ།། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ
180a5 དང་། ཡང་དག་པའི་འཚེ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཅེས་བྱ་བ་འཕགས་པའི་ལམ་ཡན་ལག་བརྒྱད་པ་ཞེས་བྱ་བ་དེ་ནི། འཕགས་པའི་ཐེག་པ་ཞེས་བྱའོ།།
180a6 དེ་དུས་དུས་སུ་ལྷག་པའི་ཐེག་པ་སྒོམ་སྟེ། སེམས་ཅན་རྣམས་ཀྱང་དེ་ལ་འགོད། དུས་དུས་སུ་འཕགས་པའི་ཐེག་པ་སྒོམ་སྟེ། སེམས་ཅན་རྣམས་ཀྱང་དེ་ལ་འགོད། དུས་དུས་སུ་འཕགས་པའི་ཐེག་པ་སྒོམ་ཞིང་།
180a7 སེམས་ཅན་རྣམས་ཀྱང་དེ་ལ་འགོད་ལ། རྣམ་པར་གྲོལ་བ་འཕགས་པ་མངོན་གསུམ་དུ་ཡང་མི་བྱེད་དོ།། གཞན་ཡང་ཐེག་པ་གསུམ་རབ་ཏུ་ཤེས་ཏེ། གསུམ་གང་ཞེ་ན། ཉན་ཐོས་ཀྱི་ཐེག་པ་དང་། རང
180a8 སངས་རྒྱས་ཀྱི་ཐེག་པ་དང་། ཐེག་པ་ཆེན་པོ་སྟེ། དེ་དག་ནི་ཐེག་པ་གསུམ་ཞེས་བྱའོ།། མོས་པ་དམན་པ་དང་། དབང་པོ་དམན་པ་སྐད་ཅིག་ཙམ་ཡང་སྲིད་པ་ལ་མོས་པར་མི་བྱེད། སྲིད་པར་མི་བྱེད་ཀྱི
iiif viewer powered by OpenSeadragon
