| e-texts navigator |
| Wylie |
177a1 ཟད་པ་དང་། གཏི་མུག་ཟད་པ་དང་། ང་རྒྱལ་ཟད་པ་དང་། བདག་ཏུ་མངོན་པར་ཞེན་པ་སྤངས་པ་དང་། བདག་ཏུ་སྨྲ་བའི་ལེན་པ་སྤངས་པ་དེ་ནི་སྡུག་བསྔལ་འགོག་པ་འཕགས་པའི་བདེན་པ
177a2 ཞེས་བྱའོ། ། གང་སྡུག་བསྔལ་ཡང་སྡུག་བསྔལ་བ་དང་། ཀུན་འབྱུང་བ་ལ་ཡང་ཀུན་འབྱུང་བ་དང་། འགོག་པ་ལ་ཡང་འགོག་པ་དང་། ལམ་ལ་ཡང་ལམ་དུ་ཡིད་ལ་བྱེད་པ་དང་། འདུ་བྱེད་རྣམས་ལ
177a3 ཉེས་དམིགས་སུ་ལྟ་ཞིང་གནས་པ་དང་། མྱ་ངན་ལས་འདས་པ་ལ་ཕན་ཡོན་ཏུ་ལྟ་ཞིང་གནས་པ་དང་། ཇི་ལྟར་མཐོང་བ་དང་། བྱས་པ་ལ་སོ་སོར་རྟོག་པ་ཡང་དག་པའི་ལྟ་བ་དང་། ཡང་དག་པའི་རྟོག་པ་དང་།
177a4 ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་དེ་ནི་སྡུག་བསྔལ་འགོག་པར
177a5 འགྲོ་བའི་ལམ་འཕགས་པའི་བདེན་པ་ཞེས་བྱ་སྟེ། འདི་དག་ནི་འཕགས་པའི་བདེན་པ་བཞི་ཞེས་བྱའོ།། དེ་འཕགས་པའི་བདེན་པ་བཞི་པོ་དེ་དག་ལ་དཔྱོད་ཅིང་རྟོག་ལ། ཁོང་དུ་ཆུད་པར་བྱེད་ཅིང་རྣམ་པར
177a6 འཇིག་ལ། འདུས་བྱས་ཀྱི་ཁམས་ལ་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པར་མཐོང་ངོ་།། འདུས་མ་བྱས་ཀྱི་ཁམས་ལ་ནི། སྐྱབས་དང་། གནས་དང་མགོན་དང་དཔུང
177a7 གཉེན་དུ་ཡང་མཐོང་ལ། འདུས་མ་བྱས་ཀྱི་ཁམས་མངོན་གསུམ་དུ་ཡང་མི་བྱེད་དོ།། དེ་ལྟར་འཕགས་པའི་བདེན་པ་བཞི་པོ་དག་རབ་ཏུ་ཤེས་སོ།། དེངོས་དེ་དག་ཉན་ཅིང་འཛིན་པ་དང་། མང་དུ་བྱེད
177a8 རྟོག་པ་ན། རྟེན་ཅིང་འབྲེལ་བར་འབྱུང་བ་རབ་ཏུ་ཤེས་ཏེ། འདི་ལྟ་སྟེ་མ་རིག་པའི་རྐྱེན་གྱིས་འདུ་བྱེད་རྣམས་དང་། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ་དང་། རྣམ་པར་ཤེས་པའི་རྐྱེན་གྱིས་མང་དང
iiif viewer powered by OpenSeadragon
