| e-texts navigator |
| Wylie |
174b1 མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་ཏེ། ཁམས་དྲུག་པོ་དེ་དག་རབ་ཏུ་ཤེས་སོ།། དེ་ལ་སའི་ཁམས་ནི་མི་རྟག་པ་མི་བརྟན་པ། འགྱུར་བའི
174b2 ས་ནི། ། མི་རྟག་པ་གང་ཡིན་པ་དེ་སྡུག་བསྔལ་བའོ།། སྡུག་བསྔལ་བ་གང་ཡིན་པ་དེ་བདག་མེད་པའོ།། དེ་བཞིན་དུ་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པ
174b3 ཤེས་པའི་ཁམས་ཀྱང་མི་རྟག་པ། མི་བརྟན་པ། འགྱུར་བའི་ཆོས་ཅན་ཏེ། རྨི་རྟག་པ་གང་ཡིན་པ་དེ་སྡུག་བསྔལ་བའོ།། སྡུག་བསྔལ་བ་གང་ཡིན་པ་དེ་བདག་མེད་པ་སྟེ། དེ་ལྟར་ཁམ་དྲུག་ཏུ་ཤེས།།
174b4 དེ་ཆོས་དེ་དག་ཉན་ཅིང་འཛིན་པ་དང་། མང་དུ་བྱེད་ཅིང་ཡོངས་སུ་རྟོག་པ་ནི། གཟུགས་ཀྱི་ཕུང་པོ་དང་། ཚོར་བའི་ཕུང་པོ་དང་། འདུ་ཤེས་ཀྱི་ཕུང་པོ་དང་། འདུ་བྱེད་ཀྱི་ཕུང་པོ་དང་། རྣམ་པར་ཤེས
174b5 བའི་ཕུང་པོ་སྟེ། ཕུང་པོ་ལྔ་རབ་ཏུ་ཤེས་སོ།། གཟུགས་ལ་དབྲི་བ་རྡོས་པ་ལྟ་བུ་དང་། ངན་པ་དང་། འཇིག་པ་དང་། རིང་དུ་མི་གནས་པ་དང་། ཚོར་བ་ལ་ནི་ཆུའི་ཆུ་བུར་ལྟ་བུ་དང་། ངན་པ་དང་། འཇིག
174b6 པ་དང་། རིང་དུ་མི་གནས་པ་དང་། འདུ་ཤེས་པ་ནི་སྨིག་རྒྱུ་ལྟ་བུ་དང་། ངན་པ་དང་འཇིག་པ་དང་། རིང་དུ་མི་གནས་པ་དང་། འདུ་བྱེད་རྣམས་ལ་ནི་ཆུ་ཤིང་ལྟ་བུ་དང་། ངན་པ་དང་འཇིག་པ་དང་། རིང་དུ་མི
174b7 གནས་པ་དང་། ། རྣམ་པར་ཤེས་པ་ལ་ནི་སྒྱུ་མ་ལྟ་བུ་དང་། ངན་པ་དང་འཇིག་པ་དང་། རིང་དུ་མི་གནས་པ་དེ་ལྟར་ཕུང་པོ་ལྔ་རབ་ཏུ་ཤེས་སོ།། དེ་ཆོས་དེ་དག་ཉན་ཅིང་འཛིན་པ་དང་། མང་དུ་བྱེད་ཅིང
174b8 འཛིན་པ་དང་། མང་དུ་བྱེད་ཅིང་ཡོངས་སུ་རྟོག་པ་ན་ནང་གི་སྐྱེ་མཆེད་དྲུག་རབ་ཏུ་ཤེས་ཏེ། མིག་ནང་གི་སྐྱེ་མཆེད་དང་། རྣ་བ་དང་སྣ་དང་། ལྕེ་དང་ལུས་དང་། ཡིད་ནང་གི་སྐྱེ་མཆེད་ཅེས་བྱ་བ་ནང་གི་སྐྱེ
iiif viewer powered by OpenSeadragon
