| e-texts navigator |
| Wylie |
170b1 དེ་སེམས་ཅན་རྣམས་ལ་དགའ་བའི་འདུ་ཤེས་ཡིད་ལ་བྱེད་པས། དགའ་བ་ཚད་མེད་པ་རྫོགས་པར་བྱས་ཏེ་གནས་སོ།། དེ་སེམས་ཅན་རྣམས་ལ་སྡུག་བསྔལ་ཡང་མེད་པ། བདེ་བ་ཡང་མེད་པ་ཡིད་ལ་བྱེད་པས།
170b2 བཏང་སྙོམས་ཚད་མེད་པ་རྫོགས་པར་བྱས་ཏེ་གནས་སོ།། དེ་གཟུགས་ལ་རིགས་པའི་འདུ་ཤེས་ཡིད་ལ་བྱེད་ཅིང་། ནམ་མཁའ་ལ་ཞི་བའི་འདུ་ཤེས་ཡིད་ལ་བྱེད་པས་ནམ་མཁའ་མཐའ་ཡས་སྐྱེ་མཆེད་རྫོགས་པར་བྱས
170b3 ཏེགནས་སོ། ། དེ་རྣམ་པར་ཤེས་པ་ལ་ཞི་བའི་འདུ་ཤེས་ཡིད་ལ་བྱེད་པས། རྣམ་ཤེས་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་སོ།། དེ་ནི་ཡང་མེད་པ་ལ་ཞི་བའི་འདུ་ཤེས་ཡིད་ལ་བྱེད་པས། ཅི་ཡང
170b4 མེད་པའི་སྐྱེ་མཆེད་རྫོགས་པར་བྱས་ཏེ་གནས་སོ། ། དེ་འདུ་ཤེས་མེད་འདུ་ཤེས་མེད་མིན་ལ་ཞི་བའི་འདུ་ཤེས་ཡིད་ལ་བྱེད་པས། འདུ་ཤེས་མེད་འདུ་ཤེས་མེད་མིན་སྐྱེ་མཆེད་རྫོགས་པར་བྱས་ཏེ་གནས་སོ།། དེ་རང་གི།
170b5 དབུགས་རྔུབ་པ་དང་། འབྱུང་བ་ཇི་ལྟར་གནས་ཤིང་ཇི་ལྟར་འདུག་པ་བཞིན་དུ་རྒྱུན་ཐུང་བ་རྣམས་ལ་ཡང་རྒྱུན་ཐུང་བའི་འདུ་ཤེས་དང་། རྒྱུན་རིང་བ་རྣམས་པ་ཡང་རྒྱུན་རིང་བའི་འདུ་ཤེས་ཡིད་ལ་བྱེད་པས། དབུགས་རྔུབ
170b6 པ་དང་། འབྱུང་བ་དྲན་པ་རྫོགས་པར་བྱས་ཏེ་གནས་སོ།། དེ་སེམས་ཅན་གྱི་ལུས་རྣམས་ལ་མི་སྡུག་པའི་མཚན་མ་ཡིད་ལ་བྱེད་པས། མི་སྡུག་པའི་འདུ་ཤེས་རྫོགས་པར་བྱས་ཏེ་གནས་སོ།། དེ་འཆི་བའི་མཚན་མ
170b7 ཡིད་ལ་བྱེད་པས། འཆི་བའི་འདུ་ཤེས་རྫོགས་པར་བྱས་ཏེ་གནས་སོ།། དེན་པ་དང་རྒ་བའི་མཚན་མ་ཡིད་ལ་བྱེད་པས་ཉེས་དམིགས་ཀྱི་འདུ་ཤེས་རྫོགས་པར་བྱས་ཏེ་གནས་སོ།། དེ་ཁ་ཟས་ཡོངས་སུ་ཚོལ་བ
170b8 དང་། འགྱུར་བ་ལ་ནད་ཀྱི་རྒྱུ་དང་གནོད་པའི་རྒྱུར་ཡིད་ལ་བྱེད་པས། ཁ་ཟས་ལ་མི་མཐུན་པའི་འདུ་ཤེས་རྫོགས་པར་བྱས་ཏེ་གནས་སོ།། དེ་ཁྱིམ་དང་གྲོང་འང་གྲོང་ཁྱེར་དང་། ལྗོངས་ཀྱི་འཇིག་རྟེན་ཐམས
iiif viewer powered by OpenSeadragon
