| e-texts navigator |
| Wylie |
163a1 6དེ་ནི་ངོ་བོ་ཉིད། དེན་ཆོས་ཉིད། དེ་ནི་རང་བཞིན་ཡིན་ན། སྲོག་གི་དབང་པོ་ཟད་པའི་ཆོས་ཅན། འགོད་པའི་ཆོས་ཅན། འགོག་པའི་ཆོས་ཅན། ཟད་ཅིང་དངས་ལ། འགོག་པ་དང་། དབང་པོ་དྲུག་པོ་སྡུག་བསྔལ་གྱི
163a2 ཆོས་ཅན། སྡུག་བསྔལ་འདུས་ཏེ་རེག་པའི་ཆོས་ཅན། སྡུག་བསྔལ་མྱོང་བའི་ཆོས་ཅན་རྣམས་ལ་སྡུག་བསྔལ་འདུས་ཏེ་རེག་པས་ཇི་ལྟར་གཞན་དག་ལ་སྔར་གནོད་པ་འམ། སྔར་ཁྲོ་བ་འམ། སླར་གཉེར་ཞིང་ཁོན་དུ
163a3 གཟུང་བར་བྱ། དེ་ཅིའི་ཕྱིར་ཞེ་ན། འདི་ནི་ངོ་བོ་ཉིད། འདི་ནི་ཆོས་ཉིད། འདི་ནི་རང་བཞིན་ནོ་སྙམ་མོ།། ལག་བཟངས་གཞན་ཡང་བྱང་ཆུབ་སེམས་དཔའ་འདི་ལྟར་ཡང་དག་པར་སློབ་སྟེ། བདག་གི་མིག་དང་།
163a4 ན་བ་དང་། སྣ་དང་། ལྕེ་དང་ལུས་དང་། ཡིད་ཀྱང་བདག་མེད་ཅིང་། བདག་གི་མེད་པ་ཡིན་ལ། གཞན་དག་གི་མིག་དང་། རྣ་བ་དང་སྣ་དང་ལྕེ་དང་། ལུས་དང་ཡིད་ཀྱང་བདག་མེད་ཅིང་། བདག་གི་མེད་པ་ཡིན་ན།
163a5 མཁས་པ་རིག་པ་དག་མིག་དང་། རྣ་བ་དང་སྣ་དང་ལྕེ་དང་། ལུས་དང་ཡིད་བདག་མེད་ཅིང་། བདག་གི་མེད་པ་ལ་མིག་དང་། རྣ་བ་དང་། སྣ་དང་ལྕེ་དང་ལུས་དང་། ཡིད་བདག་མེད་ཅིང་། བདག་གི་མེད་པས། ཇི་ལྟར
163a6 དགའ་བ་འམ། རྗེས་སུ་ཆགས་པ་འམ། ཡང་དག་པར་དགའ་བར་འགྱུར་བ་འམ། རྡེག་པའམ། སླར་གནོད་པར་བྱེད་པ་འམ། སླར་ཁྲོ་བའམ། ཤར་གཉེར་ཞིང་ཁོན་དུ་འཛིན་པར་འགྱུར་སྙམ་མོ།།
163a7 ལག་བཟངས་གཞན་ཡང་བྱང་ཆུབ་སེམས་དཔའ་འདི་ལྟར་ཡང་དག་པར་སློབ་སྟེ། འདི་ལྟ་སྟེ་མིར་སྐྱེས་པའི་སྡུག་བསྔལ་ནི་ཉུང་ཞིང་ཆུང་གི། ཡི་དགས་ཀྱི་སྡུག་བསྔལ་ནི་ཆེས་མི་བཟད་ལ། ཆེས་བཟོད་པར་དཀའ་བ་ཡིན། དུད
163a8 འགྲོའི་སྐྱེ་གནས་ཀྱི་སྡུག་བསྔལ་དང་། སེམས་ཅན་དམྱལ་བའི་སྡུག་བསྔལ་ཡང་ཆོས་མི་བཟད་ཅིང་། བཟོད་པར་དཀའ་བ་ཡིན། བདག་གིས་ཇི་ལྟར་སྡུག་བསྔལ་ཆུང་ཞིང་ཉུང་བ་ཙམ་གྱི་ཕྱིར། གཞན་དག
iiif viewer powered by OpenSeadragon
