| e-texts navigator |
| Wylie |
335b1 པར་སངས་རྒྱས་སྐུ་བལྟས་ཀྱང་། ། མཐར་ནི་མཚན་མ་སྤོང་འགྱུར་ལགས།། རྣམ་ཐར་གསུམ་པོ་མངོན་བགྱིས་ཀྱང་།། མཁའ་ལ་བྱ་ནི་འཕུར་བ་བཞིན།། ཡོན་ཏན་ཕུན་ཚོགས་མ་གྱུར་བར།། ནམ་ཡང་མྱ་ངན་མི་འདའ་ལགས།། དབང་པོ
335b2 རང་བཞིན་ཡོངས་རྟོགས་ནས། ། འཇིགས་པ་མ་མཆིས་རྗེས་འབྲང་ཞིང་།། མངོན་པར་ཞེན་པ་མ་མཆིས་པར།། སེམས་ཅན་དེ་དག་སྨིན་བགྱིད་ལགས།། སྔར་ནི་འཇིག་རྟེན་བདེ་བཏད་ནས།། སླད་ཀྱིས་དད་པའི་སེམས་བསྐྱེད་དེ།། ཡེ་ཤེས
335b3 གྱ་ནོམ་ཕུན་ཚོགས་པས། ། བླ་མེད་བྱང་ཆུབ་འཐོབ་པར་འགྱུར།། འདི་འདྲིའི་ཟབ་མོ་གྱ་ནོམ་དོན།། དེ་བཞིན་གཤེགས་པས་བཀའ་བཤད་གསོལ།། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གློག་ཐོབ་ལ
335b4 བཀའ་སྩལ་པ། རིགས་ཀྱི་བུ་ཁྱོད་ཀྱིས་སེམས་ཅན་ཚད་མེད་པ་རྣམས་ལ་ཕན་ཞིང་བདེ་བར་བྱ་བ་དང་། ད་ལྟར་གྱི་ལྷ་དང་བཅས་པའི་འཇིག་རྟེན་དང་། མ་འོངས་པའི་བྱང་ཆུབ་སེམས་དཔའ་རྣམས་ཡོངས་སུ་བཟུང་བའི་ཕྱིར་དེ་བཞིན་གཤེགས
335b5 པ་ལ་དོན་འདི་ལྟ་བུ་ཞུས་པ་ལེགས་སོ་ལེགས་སོ། ། དེའི་ཕྱིར་གློག་ཐོབ་ཤིན་དུ་ལེགས་པར་ཉོན་ལ་ཡིད་ལ་ཟུང་ཤིག་དང་ཁྱོད་ལ་ཡང་དག་པར་བསྟན་པར་བྱའོ།། བྱང་ཆུབ་སེམས་དཔའ་གློག་ཐོབ་ཀྱིས་བཅོམ་ལྡན་འདས་དེ་བཞིན་དུ་ཟོས་པར་འཚལ།
335b6 ལོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གློག་ཐོབ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་གཏེར་ཆེན་པོ་དང་། ཟད་མི་ཤེས་པའི་གཏེར་དང་། ཀུན་ཏུ་ཟད་མི་ཤེས་པའི་གཏེར་དང་། མཐའ་མེད་པའི་གཏེར
335b7 རྣམ་པ་ལྔ་དང་ལྡན་པ་སྟེ། བྱང་ཆུབ་སེམས་དཔའ་དེ་ལྟ་བུའི་གཏེར་ཕུན་སུམ་ཚོགས་པར་གྱུར་པས་རྒུད་པ་རྣམས་གཏན། སྒོང་ཞིང་གོང་དུ་བསྟན་པ་ལྟ་བུའི་ཡོན་ཏན་ཁྱད་པར་དུ་འཕགས་པ་ཡང་ཡོངས་སུ་རྫོགས་པར་བྱེད་ལ་ཚིགས་ཆུང་ངུས་མྱུར་དུ་ཟ་ན
335b8 མེད་པ་ཡང་དག་པར་རྫོགས་པའི་བྱང་ཆུབ་ཀྱང་འཐོབ་པར་འགྱུར་རོ། ། ལྔ་གང་ཞེ་ན། འདི་ལྟ་སྟེ། འདོད་ཆགས་སྤྱོད་པའི་གཏེར་དང་། ཞེ་སྡང་སྤྱོད་པའི་གཏེར་དང་། གཏི་མུག་སྤྱོད་པའི་གཏེར་དང་། ཆ་མཉམ་པ་སྤྱོད་པའི་གཏེར་དང་། ཆོས
iiif viewer powered by OpenSeadragon
