| e-texts navigator |
| Wylie |
298a1 ཏེ། བཙུན་པ་ཁྱེད་ལ་སྐྱབས་སུ་འགྲོ་བ་ཞེས་བརྗོད་པར་བྱེད་ཅིང་གནས་བརྟན་གྱི་ཞབས་ལ་ཕྱག་འཚལ་ལོ།། གནས་བརྟན་གྱིས་སྟོན་པའི་ཐང་དུ་ཤོག་ཅིག་འགྲོ་བ་ཡིན་ན་ཞེས་ཀླུའི་རྒྱལ་པོ་བརྟུལ་ནས
298a2 དྲུག་མེད་པར་བྱས་ཏེ་བཅོམ་ལྡན་འདས་ཀྱི་དྲུང་བྱིན་ཏོ། ། ཀླུའི་རྒྱལ་པོས་བཅོམ་ལྡན་འདས་ལ་ཕྱག་བྱས་ཏེ། བཙུན་པ་ཁྱེད་ལ་སྐྱབས་སུ་འགྲོའོ་ཞེས་གསོལ་ཏོ།། བཅོམ་ལྡན་འདས་ཀྱིས་ལེགས་སོ།
298a3 ཞེས་བཀའ་སྩལ་པ་ནས། དགེ་སློང་འཁོར་དང་བཅས་པ་མགོན་མེད་ཟས་སྦྱིན་གྱི་གནས་སུ་གཤེགས་སོ།། མགོན་མེད་ཟས་སྦྱིན་གྱིས། བཙུན་པ་ཡུན་རིང་པོར་མི་འབྱོན་པ་ཅི་ཞེས་གསོལ་པ་དང་།
298a4 བཅོམ་ལྡན་འདས་ཀྱིས་མཽད་གལ་གྱི་བུ་དང་། དགའ་བོ་ཉེར་དགའ་གཉིས་གཡུལ་བཀྱེའོ་ནས་བཀའ་སྩལ་ཏོ།། བཙུན་པ་སུ་ཞིག་ཕམ་སུ་ཞིག་རྒྱལ་བར་གྱུར་ཞེས་གསོལ་པས། ཁྱིམ་བདག
298a5 མཽད་གལ་གྱི་བུ་རྒྱལ་བར་འགྱུར། དགའ་བ་ཉིད་དགའ་བམ་པར་གྱུར་ཏོ་ཞེས་བཀའ་སྩལ་ཏོ།། མགོན་མེད་ཟས་སྦྱིན་གྱིས་བཙུན་པ་བཅོམ་ལྡན་འདས་ལ་ཞག་བདུན་དུ་གདུགས་ཚོང་གསོལ་བར་ཞུས།
298a6 གནས་བརྟན་ལ་བཀུར་བ་སྟི་དང་སྟེ་བཏང་བགྱིད་པར་ཞུགས།། སངས་རྒྱས་ལ་སོགས་པའི་དགེ་སྦྱོང་ལྔ་བརྒྱ་པོ་རྣམས་ལ་བཀུར་སྟི་དང་སྟི་སྟང་ཞག་བདུན་དུ་བགྱིད་པར་འཚལ་ལོ།། བཅོམ་ལྡན་འདས་ཀྱིས
298a7 བཀའ་སྩལ་པ་དང་། དགེ་སློང་དེ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། ཀླུའི་རྒྱལ་པོ་དགའ་བོ་ཉེར་དགའ་འདུལ་བའི་མདོ་རྫོགས་སྷོ།།
298a8 རྒྱ་གར་སྐད་དུ།། མ་ཧཱ་ཀཱ་ཤྱ་བ་སཱུ་ཏྲ། བོད་སྐད་དུ། འོད་སྲུང་ཆེན་པོའི་མདོ།། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།།
iiif viewer powered by OpenSeadragon
