| e-texts navigator |
| Wylie |
291a1 སྐྱེ་བ་སྐྱེ་བར་ཡང་དང་ཡང་།། ལྷ་དང་ལྷ་མོ་ཇི་བཞིན་དུ།། རང་གི་ཁྱོ་ནི་སྤངས་མི་བྱ།། བརྫུན་དུ་སྨྲས་པས་སླར་ཡང་ཐིག་ནག་ཏུ་སྐྱེ་བར་འགྱུར་རོ།། དེར་ཡང་དམྱལ་བའི་བསྲུངས་མ་རྣམས་ཀྱིས་སྒྲ་ཆེན་པོའི་ཚིག་སྒྲོགས
291a2 ཤིང་། མཚོན་ཆའ་བར་བ་སྣ་ཚོགས་པ་བླངས་ནས་ལྕགས་བསྲེགས་ཀྱི་ས་གཞི་ལ་དམྱལ་བའི་སེམས་ཅན་གཅིག་གིས་གཅིག་འགྲུང་པ་དང་། འབར་བའི་ཐིག་ནག་པོས་འདེབས་པ་དང་། འབར་བའི་མཚོན་ཆ་བཟུང་ནས་ཡང
291a3 དག་པར་བསྒྱུར་བ་དང་། ཞིབ་མས་འཚག་པ་བཞིན་དུ་སྟེའུ་དང་དགྲ་སྟས་འཇོག་པ་དང་། དེ་རྣམས་ཀྱིས་སྒྲ་ཆེན་པོ་སྒྲོགས་ཏེ་རུ་ཞིང་གནས་སོ།། རང་གི་ཁྲག་འཐུང་ཞིང་ནང་དུ་དེར་གནས་པ་དེ་ཐིག་ནག་སྟེ་བརྫུན་དུ་སྨྲས་པས་སྐྱེའོ།།
291a4 དེར་སྡུག་བསྔལ་དྲག་པོ་དང་། རྩུབ་པ་དང་། ཚ་བའི་ཚོར་བ་མྱོང་བར་འགྱུར་རོ།། དགེ་སློང་དག་རྫུན་དུ་སྨྲ་བ་ནི་སྦྲུལ་དུག་ཅན་དང་འདྲ་བར་ཡིད་ལ་བྱའོ།། དེས་སྡུག་བསྔལ་མང་པོ་བྱེད་དོ།། དམྱལ་བར་འཇུག་པ་དང་། ཡི་དགས་ཀྱི་ཡུལ
291a5 དུ་འཇུག་པ་དང་། དུད་འགྲོའི་སྐྱེ་གནས་སུ་སྐྱེ་བར་འགྱུར་རོ།། གང་ཞིག་བརྫུན་དུ་སྨྲ་བ་ནི་རྣམ་པར་སྨིན་པ་ཆེན་པོའོ།། དེ་མིར་སྐྱེས་ཀྱང་སྙིང་རྗེ་མེད་པ་དང་། སྐད་བྱ་རོག་གི་དང་འདྲ་བ་དང་། ལྕེ་མི་བདེ་བ་དང་། སོ་ལ་སྲིན
291a6 འབྱུང་བ་དང་། ཁ་དྲི་མི་ཞིམ་པ་དང་། སོ་མི་སྙོམས་པ་དང་། ཚིག་རྩུབ་པ་དང་། གྲོ་བ་འཛེར་བ་དང་། མཆུ་མི་བདེ་བ་དང་། ཕྲག་དོག་དང་བཅས་པ་དང་། རྟག་ཏུ་སྲེད་པ་དང་ལྡན་པ་དང་། དེ་ལུས་ཞིག་ནས་ཤི་བའི་ཕ་རོལ་ཏུ
291a7 སྐྱེ་བར་འགྱུར་རོ། ། དེའི་ཕྱིར་བཅོམ་ལྡན་འདས་ཀྱིས་བཀའ་སྩལ་པ། ཁ་ནས་རྣག་གི་དྲི་ལྡན་ཞིང་།། དཔག་ཚད་གཅིག་དུ་དྲི་ངན་འགྲོ།། ཆོས་ནི་ཤེས་པར་མི་འགྱུར་བ།། རྫུན་དུ་སྨ་བའི་ཉེས་པའོ།། བརྫུན་དུ་སྨྲ་བའི་རྣམ
291a8 པར་སྨིན་པའོ། ། བརྫུན་དུ་སྭ། བ་སྤངས་པ་ཡིས།། སྐྱེས་པའམ་ནི་བུད་མེད་ནི། ཐོབ་པར་འགྱུར་ཏེ་ཕན་ཡོན་ནི།། སུམ་བཅུ་རྩ་གསུམ་མི་ཉུང་བའི།། མིག་དང་རྣ་བ་སྣ་དང་ནི། ལྕེ་དང་ལུས་དང་དེ་བཞིན་ཡིད།། དེ་ལ་རྣམ་པར་དག
iiif viewer powered by OpenSeadragon
