| e-texts navigator |
| Wylie |
275b1 འདས་ཀྱི་ཐད་དུ་ཚིགས་སུ་བཅད་པ་འདི་གསོལ་ཏོ། ། དགེ་འདུན་སེམས་རྣམས་དུལ་བ་དང་། རང་གི་སེམས་ནི་དྲང་པོར་བྱས།། ཁ་ལོ་སྒྱུར་བས་དྲང་པོ་འཛིན།། དེ་བཞིན་མཁས་པས་དབང
275b2 པོ་སྲུང་། ། དེ་ནས་ལྷ་གཞན་རྣམས་ཀྱིས་བཅོམ་ལྡན་འདས་ཀྱི་ཐད་དུ་ཚིགས་སུ་བཅད་པ་འདི་གསོལ་ཏོ།། ཁྱིམ་གྱི་འཆིང་བ་བཏོན་པ་དང་དབང་པོ་ཡི་ནི་སེམས་འགྲོ་ཞིང་།། དག་ཅིང་དྲི་མེད་དེར་འགྲོབ།། རིག
275b3 ལྡན་གླང་པོ་དུལ་བ་བཞིན། ། དེ་ནས་ལྷ་གཞན་རྣམས་ཀྱིས་བཅོམ་ལྡན་འདས་ཀྱི་ཐད་དུ་ཚིགས་སུ་བཅད་པ་འདི་གསོལ་ཏོ།། གང་ཞིག་སངས་རྒྱས་སྐྱབས་འགྲོ་བ།། དེ་ནི་ངན་སོང་འགྲོ་མི་འགྱུར།། མི་ཡི་ལུས་ནི
275b4 སྤངས་ནས་སུ། ། ལྷ་ཡི་ལུས་ནི་ཡོངས་རྫོགས་འགྱུར།། དེ་ནས་བཅོམ་ལྡན་འདས་དགེ་སློང་རྣམས་བོས་ཏེ་དེ་མ་ཐག་ཏུ་དགེ་སློང་དག་འཇིག་རྟེན་གྱི་ཁམས་བཅུའི་ལྷ་རྣམས་འདུས་ཏེ་དེ་བཞིན་གཤེགས་པ་དག
275b5 སློང་གི་དགེ་འདུན་དང་བཅས་པ་བལྟ་བའི་ཕྱིར་རོ། ། དགེ་སློང་གང་དེ་རྣམས་སུ་འགྱུར་བ་འདས་པའི་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་རྣམས་བཅོམ་ལྡན་འདས་དེ་ཙམ་དུ་གྱུར་པ་དེ་བཞིན
275b6 དུ་ལྷ་རྣམས་འདུས་པར་གྱུར་ཏོ། ། འདི་ལྟ་སྟེ། བདག་ཀྱང་དགེ་སློང་དག་དེ་བཞིན་དུ་འདུས་པར་གྱུར་ཏོ།། འདི་ལྟ་སྟེ། བདག་ཀྱང་འདི་སྐད་ཅེས་སྨྲས་ཏེ། དགེ་སློང་དག་ལྷའི་ཚོགས་རྣམས་ཀྱི་མིང་བརྗོད་པར
275b7 བྱ་སྟེ་དགེ་སློང་དག་རབ་ཏུ་གསལ་བར་བྱེད་པ་ཞེས་བྱ་བའི་ལྷའི་ཚོགས་དང་། དགེ་སློང་དག་ལྷའི་ཚོགས་སྟོན་པར་བྱེད་པ་ཞེས་བྱའོ།། དེ་ཐོས་ནས་ལེགས་པར་ཡིད་ལ་ཟུང་ཤིག་དང་ངས་བཤད་པར་བྱའོ།། དེ་ལྟར་བཙུན
275b8 པ་བཅོམ་ལྡན་འདས་ལ་དགེ་སློང་དེ་རྣམས་ཀྱིས་སོ་སོར་ཞུས་ནས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། ཚིགས་སུ་བཅད་པ་སོ་སོར་བཤད།། གང་དུ་ས་གཞི་མཐོང་གྱུར་ན།། རི་ཡི་བུ་ག་དུགང་གནས་པ།།
iiif viewer powered by OpenSeadragon
