| e-texts navigator |
| Wylie |
225b1 སེམས་དཔའ་སངས་རྒྱས་སུ་འགྱུར་བར་རྟོགས་ནས་ཞུ་བའི་ཕྱིར་ཉེ་བར་སོང་སྟེ། ཞུས་ནས་ཀྱང་སྔར་གྱི་མཚན་མ་སྐྱེས་པ་ལ་ཞུས་སོ།། དེའི་ཚེ་སླར་ཡང་ཐམས་ཅད་ཀྱི་རེ་རེའི་ཁོར་ཟུག་གི་རྒྱལ་པོ་ཆེན་པོ་བཞིའི་རིས་དང་། བརྒྱ་བྱིན་དང་མཐའ
225b2 བྲལ་དང་དགའ་ལྡན་དང་འཕྲལ་དགའ་དང་གཞན་འཕྲུལ་དབང་བྱེད་དང་། ཚངས་པ་ཆེན་པོ་དང་བཅས་པའི་ལྷ་དང་། ཁོར་ཡུག་གི་ལྷ་རྣམས་འདུས་པའོ།། དགའ་ལྡན་གྱི་གནས་སུ་བྱང་ཆུབ་སེམས་དཔའི་དྲུང་དུ་སོང་སྟེ། དྲང་སྲོང
225b3 ཆེན་པོ་ཁྱོད་ཀྱིས་ཕ་རོལ་དུ་ཕྱིན་པ་བཅུ་རྫོགས་པ་ནི་བརྒྱ་བྱིན་གྱི་ཕུན་སུམ་ཚོགས་པར་བྱ་བའི་ཕྱིར་མ་ཡིན། བདུད་ཀྱི་ཕྱིར་མ་ཡིན། ཚངས་པའི་ཕྱིར་དོན་དུ་གཉེར་བ་རྫོགས་པར་བྱ་བའི་ཕྱིར་མ་ཡིན་འཁོར་ལོས་སྒྱུར་བའི
225b4 ཕུན་སུམ་ཚོགས་པའི་ཕྱིར་དོན་དུ་གཉེར་བ་རྫོགས་པར་བྱ་བའི་ཕྱིར་མ་ཡིན་ནོ། ། གཞན་ཡང་འཇིག་རྟེན་བསྒྲལ་བའི་ཕྱིར་དང་། ཐམས་ཅད་མཁྱེན་པ་དོན་དུ་གཉེར་བའི་ཕྱིར་རྫོགས་པར་བྱེད་དོ།། དེ་རྣམས་ནི་ད་ལྟའི་དུས་ནས
225b5 དྲང་སྲོང་ཆེན་པོ་སངས་རྒྱས་སུ་འགྱུར་བའི་དུས་ནི་དྲང་སྲོང་ཆེན་པོ་སངས་རྒྱས་སུ་འགྱུར་ཞེས་ཞུས་སོ། ། སེམས་དཔའ་ཆེན་པོ་ལྷ་ལ་གནང་བ་མ་བྱིན་ཏེ།། དུས་དང་གླིང་དང་ཡུལ་དང་རིགས་དང་ཡུམ་དང་།། ཚེ་དང་ཚེའི་བྱེ་བྲག
225b6 ལྷག་མ་ལས་མེད་དོ། ། ཆེན་པོ་ལྔ་པོ་ཞེས་བྱ་བ་ལེགས་པར་གཟིགས་ཤིང་གཟིགས་སོ།། དེ་ལ་དུས་དང་དུས་མ་ཡིན་པ་ཞེས་བྱ་བ་སྟེ། དང་པོ་དུས་ལ་གཟིགས་སོ།། དེ་ལ་ལོ་འབུམ་ཕྲག་གཅིག་གི་ཐོག་མ་ནས་འཕེལ་བ་ནི་ཚེའི
225b7 དུས་དང་དུས་མ་ཡིན་པའོ། ། གང་གི་ཕྱིར་དེའི་ཚེ་སེམས་ཅན་རྣམས་ཀྱི་སྐྱེ་བ་དང་རྒ་བ་ད་འཆི་བ་རྣམས་ལ་གཟིགས་སོ།། སངས་རྒྱས་རྣམས་ཀྱི་ཆོས་སྟོན་པ་ནི་མཚན་ཉིད་ལྔ་སྤངས་ནས་གཞན་པ་ནི་མེད་དོ།། དེ་རྣམས་ནི་མི
225b8 རྟག་པ་དང་། སྡུག་བསྔལ་བ་དང་། བདག་མེད་པ་སྟོན་ཅིང་འདི་རྣམས་ཅིའི་ཕྱིར་འཆད་པ་ཉིད་མི་ཉན་པ་དང་མི་དད་པ་དང་མི་སེམས་པའོ།། དེ་ནི་དུས་མ་ཡིན་ནོ།། དེའི་ཕྱིར་མི་སེམས་པ་དང་མ་ངེས་པའི་བསྟན་པ་ཡིན་ནོ།། དེའི་ཕྱིར
iiif viewer powered by OpenSeadragon
