| e-texts navigator |
| Wylie |
20a1 བྱང་ཆུབ་བླ་ན་མེད་པ་ཐོབ་པར་འགྱུར་གྱི་བར།། ཉིན་མཚན་གཅིག་ཙམ་དུ་ནི་ཡིད་ལ་སེམས་བྱེད་ན།། མཁས་པ་གསལ་བས་བརྩོན་འགྲུས་བརྩམས་པར་རིག་པར་བྱ།། གལ་ཏེ་དགའ་ཞིག་འདི
20a2 སྐད་རི་རབ་རི་ཤིག་པའི། ། རྗེས་ལ་བྱང་ཆུབ་མཆོག་ཐོབ་འགྱུར་ཞེས་སྨྲ་བ་ལས།། ཅི་སྟེ་སྐྱོ་བའི་བློ་སྐྱིད་ཚད་ཀྱང་སེམས་བྱེད་ན།། དེ་ཚེ་བྱང་ཆུབ་སེམས་དཔའ་ལེ་ལོར་གྱུར་པ་ཡིན།། ཇི་སྟེ་དེ་ནི་འདི་ཙམཆོད
20a3 གྷ་ཅི་དཀའ་ཞེས། ། སྐད་ཅིག་ཙམ་ལ་རི་རབ་ཐལ་བར་རླག་སེམས་སྐྱེད།། བྱང་ཆུབ་སེམས་དཔའ་མཁས་པ་བརྩོན་འགྲུས་བརྩམས་པ་སྟེ།། རིང་པོར་མི་ཐོགས་འདྲེན་པའི་བྱང་ཆུབ་མཆོག་ཐོབ་འགྱུར།། འགྲོ་བ
20a4 ཡོངས་སུ་སྨིན་པར་བྱས་ནས་དོན་བྱ་ཞེས། ། གལ་ཏེ་ལུས་དང་ངག་དང་ཡིད་ཀྱིས་བརྩོན་བྱེད་ན།། བདག་ཏུ་འདུ་ཤེས་གནས་པས་ལེ་ལོར་གྱུར་པ་སྟེ།། ཐམས་ཅད་མཁྱེན་པ་ཉིད་ལས་རིང་འགྱུར་གནམ་ས་བཞིན།།
20a5 གང་ཚེ་ལུམ་དང་སེམས་དང་སེམས་ཅན་འདུ་ཤེས་མེད།། འདུ་ཤེས་རྣམ་པར་ལོག་ནས་གཉིས་སུ་མེད་ཆོས་སྤྱོད།། འདི་ནི་བྱང་ཆུབ་ཞི་པ་མི་ཉམས་མཆོག་འདོད་པའི།། བརྩོན་འགྲུས་ཕ་རོལ་ཕྱིན་ཅེས་ཕན་པ
20a6 མཛད་པས་གསུངས། ། གལ་ཏེ་གཞན་ལས་ངན་བརྗོད་ཚིག་རྩུབ་ཐོས་གྱུར་ན།། བདག་བདེ་ཡིན་ཞེས་བྱང་ཆུབ་སེམས་དཔའ་མཁས་པ་དགའ།། སུ་སྨྲ་སུས་ཐོས་གང་གིས་གང་ཞིག་གང་གི་ཕྱིར།། བཟོད་པའི
20a7 ཕ་རོལ་ཕྱིན་མཆོག་ལྡན་པ་འཛངས་པ་ཡིན། ། བྱང་ཆུབ་སེམས་དཔའ་གང་ཞིག་བཟོད་པའི་ལེགས་ཆོས་ལྡན།། གང་ཞིག་སྟོང་གསུམ་རིན་ཆེན་བཀང་སྟེ་འཇིག་རྟེན་མཁྱེན།། སངས་རྒྱས་རྣམས་དང་དགྲ
20a8 བཅོམ་རང་རྒྱལ་ཕུལ་བྱས་པ། ། སྦྱིན་པའི་ཕུང་པོས་དེ་ལ་བསོད་ནམས་ཆར་མི་ཕོད།། བཟོད་ལག་ནས་པའི་ལུས་ནི་ཡོངས་སུ་དག་འགྱུར་ཏེ།། སུམ་བཅུ་རྩ་གཉིས་མཚན་དང་མཐུ་སྟོབས་པ་མཐའ་ཡམ
iiif viewer powered by OpenSeadragon
