| e-texts navigator |
| Wylie |
19b1 བགྲུ་ཞིག་བཞིན། ། གཞན་ཡང་གཟུགས་དང་སྒྲ་དང་དེ་བཞིན་དྲི་དང་རོ།། རེག་དང་འདོད་ཡོན་ལྔ་ལ་མངོན་པར་བརྩོན་གྱུར་ཀྱང་།། དགྲ་བཅོམ་རང་རྒྱལ་ཐེག་བྲལ་བྱང་ཆུབ་སེམས་དགའ་ན།། དཔའ་བོ་རྟག་ཏུ་མཉམ
19b2 བཞག་ཡིན་པར་ཤེས་པར་བྱ། ། སེམས་ཅན་གང་ཟག་གཞན་ཕྱིར་སེམས་དཔའ་རྣམ་དག་པ།། བརྩོན་འགྲུས་ཕ་རོལ་ཕྱིན་ལ་མངོན་བརྩོན་རྣམ་པར་སྤྱོད།། དཔེར་ན་བྲན་མོ་ཆུ་ཆུན་དབང་མེད་རྗེ་བོའི་དབང་།།
19b3 དེ་བཞིན་དཔའ་རྣམས་སེམས་ཅན་ཀུན་གྱི་དབང་གིས་འགྲོ།། སྤྲོ་བ་བྱས་སམ་འོན་ཏེ་རྟག་ཏུ་བརྡེགས་ཀྱང་རུང་།། བྲན་མོ་རྗེ་བོ་ལ་ནི་ཟློག་ཚིག་མི་སྨྲ་ཡི།། འདི་ཡིས་བདག་ཉིད་བསད་པར་འགྱུར་དུ་འོང་སྙམ་ནས།
19b4 ཤིན་ཏུ་སྐྲག་པའི་ཡིད་ཀྱིས་འཇིགས་བཅས་ཟིལ་གྱིས་གནོན།། དེ་བཞིན་བྱང་ཆུབ་ཆེད་དུ་བྱང་ཆུབ་མཆོག་ཞུགས་པ།། འགྲོ་བ་ཀུན་ལ་བྲན་གྱུར་བཞིན་དུ་གནས་པར་བྱ།། འདི་ལས་བྱང་ཆུབ་ཐོབ་ཅིང་ཡོན་ཏན
19b5 རྫོགས་པར་འགྱུར། ། རྩཝ་དང་ཤིང་ལས་མེ་བྱུང་བས་ནི་དེ་ཉིད་སྲེག། བདག་ཉིད་བདེ་བ་བཏང་ནས་རེ་བ་མེད་སེ་མས་གྱིས།། སེམས་ཅན་གཞན་གྱི་དགོས་ལ་ཉིན་མཚན་མངོན་པར་བརྩོན།། བུ་ཅིག་པ
19b6 ལ་མ་ནི་རིམ་གྲོ་བྱེད་པ་ལྟར། ། བསམ་པ་ཐག་པས་རྣམ་པར་སྐྱོ་མེད་གནས་པར་གྱིས།། བྱང་ཆུབ་སེམས་དཔའ་གང་ཞིག་ཡུན་རིང་འཁོར་འདོད་ཅིང་།། སེམས་ཅན་དོན་དང་ཞིང་སྤྱོད་བརྩོན་པའི་རྣལ
19b7 འབྱོར་པ། ། སྐྱོ་བའི་བློ་ནི་རྡུལ་ཙམ་སྐྱེ་བར་མི་འགྱུར་ན།། དེ་ནི་བརྩོན་འགྲུས་ཕ་རོལ་ཕྱིན་ལྡན་གཡེལ་བ་མེད།། བྱང་ཆུབ་སེམས་དཔའ་མི་མཁས་བསྐལ་པ་བྱེ་བ་བགྲང་།། གལ་ཏེ་རིང་བར་འདུ་ཤེས
19b8 སྡུག་བསྔལ་བྱང་ཆུབ་སྒྲུབ། ། ཡང་དག་ཆོས་སྒྲུབ་བྱེད་ཚེ་ཡུན་རིང་སྡུག་བསྔལ་འགྱུར།། དེས་ནི་བརྩོན་འགྲུས་ཕ་རོལ་ཕྱིན་ཉམས་ལེ་ལོ་ཅན།། བྱང་ཆུབ་མཆོག་ཏུ་སེམས་བསྐྱེད་དང་པོ་ནས་བཟུང་སྟེ།། །
iiif viewer powered by OpenSeadragon
