| e-texts navigator |
| Wylie |
186b1 བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི་བཅོམ་ལྡན་འདས་ཀྱིས་ཡུལ་བཱ་རཱ་ན་སིའི་དྲང་སྲོང་ལྷུང་བ་དང་། རི་དགས་རྒྱུ་བའི་གནས་སུ་བཞུགས་ནས། བླ་ན་མེད
186b2 པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ། ། འཕྲུལ་དགའི་ལྷ་རྣམས་ཀྱིས་བསྟོད་པའི་སྒྲ་ཐོས་ནས། གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།། དགེ་སྦྱོང་ངམ། བྲམ་ཟེ
186b3 འམ། ལྷའམ། བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་མི་ནུས་པ་འདི་ནི་བཅོམ་ལྡན་འདས་ཀྱིས་ཡུལ་བཱ་རཱ་ཎི་སིའི་དྲང་སྲོང་ལྟུང་བ་དང་། རི་དགས་རྒྱུ་བའི་གནས་སུ་བཞུགས
186b4 ནས་བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ། ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱིས་བསྟོད་པའི་སྒྲ་ཐོས་ནས། ཚངས་རིས་ཀྱི་ལྷ་རྣམས་ཀྱིས་བསྟོད་པའི་སྒྲ་བསྒྲགས་སོ།།
186b5 དགེ་སྦྱོང་དམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། འཇིག་རྟེན་དུ་གཞན་སུས་ཀྱང་བསྐོར་བར་བི་ནུས་པ་འདི་ནི་བཅོམ་ལྡན་འདས་ཀྱིས་ཡུལ་བཱ་རཱ་ཎ་སེའི་དྲང་སྲོང་ལྷུང་བ་དང་། རི་དགས
186b6 རྒྱུ་བའི་གནས་སུ་བཞུགས་ནས་བླ་ན་མེད་པའི་ཆོས་ཀྱི་འཁོར་ལོ་མ་བསྐོར་བ་བསྐོར་ཏོ། ། དེ་ནས་སྐད་ཅིག་དང་ཡུད་ཙམ་དེ་ལ་ཚངས་པའི་འཇིག་རྟེན་གྱི་བར་དུ་སྐས་ཁྱབ་པར་གྱུར་ཏོ།། འདིར་ཡང་འཇིག
186b7 རྟེན་གྱི་ཁམས་སྟོང་ཕྲག་བཅུ་ཡང་དག་པར་གཡོས་སོ། ། ཡང་དག་པར་རབ་ཏུ་གཡོས་སོ།། ཡང་དག་པར་རབ་ཏུ་ལྡེག་གོ།། བག་ཡོད་པར་གྱུར། ཡ་མཚན་དུ་གྱུར། སྣང་བར་གྱུར། འཇིག་རྟེན
186b8 རྣམས་པུ་དེ་ལྟར་གྱུར་ཏོ། ། འཇིག་རྟེན་རྣམས་སུ་དེ་ལྟར་གྱུར་ཏེ། ཚངས་པས་ཆོས་བསྟན་པ་ཐོས་ནས། ལྷ་རྣམས་རང་རང་གིས་གནས་སུ་སོང་ངོ་།། དེ་ནས་ཡང་བཅོམ་ལྡན་འདས་ཀྱི་ཆེད་དུ་བརྗོད་པ
iiif viewer powered by OpenSeadragon
