| e-texts navigator |
| Wylie |
183b1 ཕ་རོལ་དུ་ཕྱིན་པ་ལ་བསླབ་པར་བྱའོ། ། བཅོམ་ལྡན་འདས་ཀྱིས་བཀའ་སྩལ་པ། དངོས་མ་ངོ་བོ་ཉིད་དུ་བ་དང་།། ཤེས་རབ་སྐྱེ་བའི་རྒྱ་ལ་མོ་དང་།། མཚན་མ་ཐམས་ཅད་དང་བྲལ་བའི།། ཤེས་རབ་དོན་ལ་བསླབ་པར།
183b2 ད། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་བྱང་ཆུབ་སེམས་དཔའ་རྡོ་རྗེ་རྒྱལ་མཚན་ལ་སོགས་པ། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན
183b3 འདས་ཀྱིས་གསུངས་པ་ལ་མངོན་པར་བསྟོད་དོ། ། ། འཕགས་པ་ཤེས་རབ་ཀྱི་ཕ་རོལ་དུ་ཕྱིན་པ་རྡོ་རྗེ་རྒྱལ་མཚན་གྱི་མདོ།། །། རྫོགས་སྷོ།།
183b4 རྒྱ་གར་སྐད་དུ། དྷ་མ་ཙཀྲ་རྦ་བཏན་སཱུ་ཛ། བོད་སྐད་དུ། ཆོས་ཀྱི་འཁོར་ལོ་རབ་ཏུ་བསྐོང་བའི་མདོ།། འཕགས་པ་དཀོན་མཆོག་གསུམ་ལ་གུས་པས་ཕྱག་འཚལ་ལོ།། འདི་སྐ་བདག་གིས།
183b5 ཐོས་པ་དུས་གཅིག་ན། བཅོམ་ལྡན་འདས་ཡུལ་བཱ་རཱ་ཎ་སཱིའི་དྲང་སྲོང་ལྷུང་བ་རི་དགས་རྒྱུ་བའི་གནས་ན་བཞུགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་ལྔ་སྡེ་རྣམས་བོས་ཏེ་བཀའ་སྩལ་པ། དགེ་སློང
183b6 དག་རབ་དུ་བྱུང་བ་མཐའ་གཉིས་པོ་འདི་ལ་གནས་པར་མྱི་བྱའོ། ། གང་སུ་དག་འདིར་འདོད་པ་རྣམས་དང་། བདེ་བ་ལ་ཞེན་པ་ནི་མི་རིགས་པ་དང་དམན་པར་འགྱུར་རོ།། སོ་སོའི་སྐྱེ་བོ་རྣམས་ནི་དོན་མེད་པ་དང་ལྡན་པ
183b7 ཕྱིར་གང་སུ་དག་ལུས་དུབ་པ་དང་འབྲལ་བའི་སྡུག་བསྔལ་བ་སྔགས་པར་བྱ་བ་མ་ཡིན་པ་རྣམས་ཀྱི་དོན་མེད་པ་དང་ལྡན་ནོ། ། དགེ་སློང་དག་འདི་རྣམས་ནི་མཐའ་གཉིས་ཀྱི་མཐའ་སྟེ་དེ་ལ་འཇུག་པར་མི་བྱའོ།། དེ
183b8 བཞིན་གཤེགས་པ་མངོན་པར་རྫོགས་པར་སངས་རྒྱས་ནས་དབུ་མའི་ལམ་འདི་གསུང་སོ། ། མིག་བྱེད་པ་དང་། ཡེ་ཤེས་བྱེད་པ་དང་། ཞི་བར་བྱེད་པ་དང་། མངོན་པར་ཤེས་པ་དང་། ཡང་དག་པར་ཁོང་དུ
iiif viewer powered by OpenSeadragon
