| e-texts navigator |
| Wylie |
175a1 ཞེ་ན། བཅོམ་ལྡན་འདས་གལ་ཏེ་ཚོགས་ཞིག་མཆིམ་པར་འགྱུར་ན་བཅོམ་ལྡན་འདས་ཀྱིས་རྡུལ་འཕྲང་བ་ཀྱི་ཚོགས་ཤེས་བཀའ་མི་སྩལ་བའི་སླད་དུའོ།། དེ་ཅིའི་སླད་དུ་ཞེ་ན། བཅོམ་ལྡན་འདས་ཀྱིས
175a2 རྡུལ་ཕྲ་རབ་ཀྱི་ཚོགས་ཤེས་གང་གསུངས་པ་དེ་ཚོགས་མ་མཆིས་པར་དེ་བཞིན་གཤེགས་པས་གསུངས་པའི་སླད་དུ་སྟེ། དེས་ན་རྡུལ་ཕྲ་རབ་ཀྱི་ཚོགས་ཤེས་བགྱིའོ།། དེ་བཞིན་གཤེགས་པས་སྟོང་གསུམ་གྱི་སྟོང་ཆེན
175a3 པོའི་འཇིག་རྟེན་གྱི་ཁམས་ཤེས་གང་གསུངས་པ་དེའི་ཁམས་མ་མཆིས་པར་དེ་བཞིན་གཤེགས་པས་གསུངས་ཏེ། དེས་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཤེས་བགྱིའོ།། དེ་ཅིའི་སླད་དུ་ཞེ་ན། བཅོམ་ལྡན
175a4 འདས་གལ་ཏེ་ཁམས་ཤིག་མཆིས་པར་ཐུན། དེ་ཉིད་རིལ་པོར་འཛིན་པར་འགྱུར་བའི་སླད་དུའོ།། དེ་བཞིན་གཤེགས་པས་རིལ་པོར་འཛིན་པར་གང་གསུངས་པ་དེ་འཛིན་པ་མ་མཆིས་པར་དེ་བཞིན་གཤེགས་པས་གསུངས་ཏེ།
175a5 དེས་ན་རིལ་པོར་འཛིན་པ་ཞེས་བགྱིའོ།། བཅོམ་ལྡན་འདས་ཀྱིས་བཀའ་སྩལ་པ།། རབ་འབྱོར་རིལ་པོར་འཛིན་པ་ཉིད་ནི་ཐ་སྙད་དེ། ཆོས་དེ་ནི་བརྗོད་དུ་མེད་པ་ཡིན་ན། དེ་ཡང་བྱིས་པ་སོ་སོའི་སྐྱེ་བོ་རྣམས་ཀྱིས་བཟུང་ངོ་།། རབ
175a6 འབྱོར་གང་ལ་ལ་ཞིག་འདི་སྐད་དུ་དེ་བཞིན་གཤེགས་པས་བདག་དུ་ལྟ་བར་གསུངས་ཏེ། དེ་བཞིན་གཤེགས་པས་སེམས་ཅན་དུ་ལྟ་བ་དང་། སྲོག་ཏུ་ལྟ་བ་དང་། གང་ཟག་ཏུ་ལྟ་བར་གསུངས་སོ་ཞེས་ཟེར་ན། རབ་འབྱོར་དེ་ཡང
175a7 དག་པར་སྒྲ་བས་སྨྲ་བ་ཡིན་ནམ། ། རབ་འབྱོར་གྱིས་གསོལ་པ།། བཅོམ་ལྡན་འདས་དེ་ནི་མ་ལགས་སོ།། བདེ་བར་གཤེགས་པ་དེ་ནི་མ་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་དེ་བཞིན་གཤེགས་པས་བདག་ཏུ།
175a8 ལྟ་བར་གང་གསུངས་པ་དེ་ལྟ་བ་མ་མཆིས་པར་དེ་བཞིན་གཤེགས་པས་གསུངས་པའི་སླད་དུ་སྟེ། དེས་ན་བདག་ཏུ་ལྟ་བ་ཞེས་བགྱིའོ།། བཅོམ་ལྡན་འདས་ཀྱིས་བགཀའ་སྩལ་པ། རབ་འབྱོར་བྱང་ཆུབ་སེམས་དཔའི་ཐེག་པ་ལ།
iiif viewer powered by OpenSeadragon
