| e-texts navigator |
| Wylie |
115b1 གཤེགས་པ་ལ་བལྟ་བར་གྱིའོ། ། དེ་བཞིན་ཉིད་ནི་མི་སྐྱེ་མི་འགག་པ་སྟེ། དེ་ལྟར་དེ་བཞིན་གཤེགས་པ་ལ་བལྟ་བར་བགྱིའོ།། དེ་ལྟ་ན་དེ་བཞིན་གཤེགས་པ་མཐོང་བ་དང་། ཕྱག་བགྱིས་པ་དང་། བསྙེན
115b2 བཀུར་བགྱིས་པར་འགྱུར་རོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་འདི་སྐད་ཅེས་བཀའ་སྩལ་ཏོ།། འཇམ་དཔལ་ཁྱོད་ཅི་དེ་ལྟར་བསྟས་ན་ཅི་ཞིག་མཐོང་། འཇམ
115b3 དཔལ་གྱིས་གསོལ་པ། བཅོམ་ལྡན་འདས་བདག་གིས་དེ་ལྟར་བལྟས་ན། ཅི་ཡང་མཐོང་བ་མ་མཆིས་སོ།། བཅོམ་ལྡན་འདས་དེ་བཞིན་དུ་བདག་གིས་ཆོས་གང་ལ་སྐྱེ་བ་ཡང་མ་མཐོང་། འགོག་པ་ཡང་མ
115b4 མཐོང་ངོ་། ། དེ་ནས་ཚེ་དང་ལྡན་པ་ཤཱ་ར་དྭ་ཏི་བུས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ།། འཇམ་དཔལ་ཁྱོད་ཀྱིས་དེ་བཞིན་གཤེགས་པ་ལ་དེ་ལྟར་མཐོང་བ་དང་། དེ་ལྟར་བསྟན་བཀུར་བྱས་པ་གང
115b5 ཡིན་པ་དང་། ཁྱོད་ཀྱིས་བྱམས་པ་ཆེན་པོ་སེམས་ཅན་ཐམས་ཅད་ལ་ཉེ་བར་གནས་ཀྱང་ཁྱོད་ལ་སེམས་ཅན་དུ་དམིགས་པ་དང་། སེམས་ཅན་དུ་མངོན་པར་ཞེན་པ་ཅི་ཡང་མེད་ཅིང་སེམས་ཅན་ཐམས་ཅད་ཡོངས་སུ
115b6 མྱ་ངན་ལས་བཟླ་བའི་ཕྱིར་ཞུགས་ཀྱང་ཁྱོད་ལ་སེམས་ཅན་དུ་མངོན་པར་ཞེན་པ་གང་ཡང་མི་འབྱུང་བ་དང་། ཁྱོད་མི་དམིགས་པའི་ཚུལ་དང་། དངོས་པོ་མེད་པའི་ཚུལ་དང་། སྒྱིད་ལག་པ་མེད་པའི་ཚུལ་གྱིས་སེམས
115b7 ཅན་ཐམས་ཅད་ཀྱི་ཆེད་དུ་གོ་ཆ་གོས་པ་དེ་ནི་ཁྱོད་དགའ་བ་བྱེད་པའོ། ། དེ་སྐད་ཅེས་སྤྲས་པ་དང་། འཇམ་དཔལ་གཞོན་ནུར་གྱུར་པས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། བཙུན་པ་ཤཱ་ར་དྭ་ཏིའི
115b8 བུ་ཇི་སྐད་སྨྲས་པ་དེ་དེ་བཞིན་ཏེ། སེམས་ཅན་ཐམས་ཅད་ཡོངས་སུ་མྱ་ངན་ལས་བཟླ་བའི་ཕྱིར་གོ་ཆ་འདི་ཡང་བགོས་ཏེ། བདག་ལ་སེམས་ཅན་དུ་དམིགས་པ་འམ། སེམས་ཅན་ལ་མངོན་པར་ཞེན་པ་གང་ཡང་མེད
iiif viewer powered by OpenSeadragon
