| e-texts navigator |
| Wylie |
260a1 འབར་བའི་གནས་འདིར། ། ཤ་ཁྲག་དམར་ལ་རོལ་པའི་ལྷ་མོ་ཁྱོད།། ལྷ་ཡི་གཡུལ་ངོ་རྒྱལ་བར་ཞལ་མཆིས་ལ།། ལྷ་མ་ཡིན་གྱི་དཔུང་རྣམས་རླག་པར་མཛོད།། ཅེས་བསྟོད་དོ།། རྫོགས་སྷོ།
260a2 ནད་ཀྱི་བདག་མོ་ལ་བསྟོད་པ། ཏིལ་མར་གྱིས་བསྐུས་ལན་བུ་གཅིག་པ་རོ་ཉེའི་རྣ་ཆས་སྒེག་ཅིང་ཆ་ལུགས་མ་ལུས་འཆང་།། རྒྱན་དུ་རྐང་སྒྲོག་ལྕགས་ལས་བྱས་པ་གཅིག་གིས་རང་གི་རྐང་པ་མཛེས་པར་བྱས་པ་སྟེ།། གཅེར
260a3 བུ་བོང་བུ་ཞོན་ཅིང་འགྲེ་བ་འདི་ན་རྒྱུ་བ་དེ་ནི་ལྷ་མོ་ཁྱོད་ཉིད་ཀྱིས། ། བདག་ཉིད་མཛེས་པར་ཤེས་ཀྱི་གཞན་ལྟ་ཁྱོད་ཀྱི་སྤྱོད་པ་མཚོ་ཆེན་དོན་དག་སུ་ཞིག་ཤེས།། འཁོར་བ་འཇིག་པའི་ཚེ་ན་མི་རུས་དག་ལས་ཁྲག་དང་ཞག་འཛག
260a4 དུང་བ་འཐུལ་པ་ན། ། ལྷ་མོ་མཆེ་བ་མི་བཟད་ཁྱོད་ཀྱི་ཞལ་དུ་འགྲོ་ཀུན་སྐད་ཅིག་ཙམ་གྱིས་ཞུགས་པར་གྱུར།། ནག་མོ་མི་ཐོང་ཐོགས་པ་ཁྱོད་ནི་རྣལ་འབྱོར་གྲུབ་པའི་སྤྱོད་ཡུལ་ཅན་ཏེ་དུར་ཁྲོད་དགྱེས།། ཁྱོད་ནི་གཡོ་ཅན
260a5 མནན་ཞིང་ནད་དང་འཆི་བའི་འཇིགས་སེལ་ཞིལ་མི་བཟད་དྲིལ་ཡང་སྒྲོགས། ། ཁྱོད་ནི་དཔའ་བོ་དག་གི་མགེ་བེ་ཅོད་པན་ལེགས་སྤྲས་གཡུལ་དུ་མཚོན་གྱིས་བཅད་པ་ཡི།། ཕྲེང་བ་ཐོགས་ཤིང་གར་བྱེད་ལག་པ་མཉེན
260a6 བརྒྱད་ཆུབ་ཚོས་ཆ་ལ་ཀླུ་དབང་གཤིབས་པ་ཡིས། ས་རགས་འཆིང་ཞིང་ལག་ན་མདུང་དང་རལ་གྲི་ཐོགས་ལ་ཁྲག་གི་ཆང་གིས་མྱོས་གྱུར་པ།། མིག་རྩ་དམར་པོར་གྱུར་ཅིང་མཚན་མོ་དུར་ཁྲོད་འགྲོ་བ་འབྱུང་པོ་ཕལ་ཆེན
260a7 རྣམས་ཀྱིས་མཐོང་། ། རྐོ་རློན་སར་བས་དྲིལ་ཏེ་བརྐྱང་བའི་གོས་ཀྱིས་སྣམ་གྱི་བྱིག་ཕྱེད་གཡོགས་བྱེད་ནི་རེ་ལྡེས་དཀྲིས།། མི་ཡི་རྒྱུ་མ་ས་ར་བའི་སྦུབས་ཀྱིས་ཞལ་གྱི་ཟླ་བ་བརྒྱན་ཅིང་དྲིལ་བུ་འགྲམ་པར་འདྲིལ།། ལུས་ནི
260a8 སྣུམ་གྱིས་གསར་དུ་བྱུགས་ཤིང་ཁྲག་དང་ཞག་མར་འཛག་པའི་ཐིག་ལེས་ཚེམ་བུར་བྲིས། ། མི་རོའི་ཤ་ལ་སོ་ཡིས་ཆེམ་ཆེམ་གཅོད་བྱེད་ཐོད་བ་ཅན་ནི་བདག་ལ་སྐྱོར་གྱུར་ཅིག། དྲག་པའི་དྲག་མོ་མི་བཟད་མི་ཤ
iiif viewer powered by OpenSeadragon
