| e-texts navigator |
| Wylie |
258b1 ལུགས་ཀྱིས་འཇིག་རྟེན་པའི་དོན་མཛད་པའི་མཚན་གྱི་རྣམ་གྲངས་ཇི་ལྟ་བུ་ལགས་ཞེས་གསོལ་བ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེང་གེ་བརྩོན་འགྲུས་ལ་དགོངས་ནས་དཔལ་ལྷ་མོ་ནག་མོ
258b2 ལ་གཟིགས་ཏེ་འདི་སྐད་ཅེས་གསུངས་སོ། ། ཐོས་བསམ་བསྒོམ་ལས་ཚོར་གནས་པའི།། རྒྱུ་འབྲས་རྐྱེན་གྱི་བདག་ཉིད་ཅན།། འགྲོ་ལ་ཕན་མཛད་མཁས་པའི་མཆོག། དཔལ་ལྡན་ལྷ་མོ་ནག་མོ་འཕགས།། བྱང
258b3 ཆུབ་སེམས་དཔའ་སྤྲུལ་པ་སྟེ། ། ས་ལྟར་རྟེན་པའི་གཞིར་གྱུར་པ།། ཡོན་ཏན་སྡུད་བྱེད་ཆུ་དང་འདྲ།། བྱང་ཆུབ་སྨིན་བྱེད་མེ་ལྟ་བུ།། དགེ་བའི་འདུ་བྱེད་རླུང་ལྟར་གཡོ།། ཤེས་རབ་རྣམ་དག་ནམ་མཁའ་སྟེ།། ཁྱོད
258b4 ནི་འབྱུང་བ་ཆེན་པོ་འདྲ། ། འབྱུང་པོ་ཕལ་ཆེན་རྣམས་ཀྱིས་བསྟོད།། བསོད་ནམས་ཡེ་ཤེས་རབ་བསགས་པའི།། ལས་དང་རྣམ་སྨིན་དག་ལ་མཁས།། ང་རྒྱལ་གཟུགས་ཀྱི་འདུལ་བ་གོམས།། ཤེས་རབ་སྙིང
258b5 རྗེའི་ལམ་དུ་འགྲོ། ཁྱོད་ནི་བུམ་པ་བཟང་ལྟ་བུ།། དཔེར་ན་ཡིད་བཞིན་ནོར་བུའི་ཆུ།། ཀུན་ལ་ཕན་པའི་དཔག་བསམས་ཤིང་།། ཉི་མ་འདྲ་བར་ཁྱོད་ལ་གསལ།། ཟླ་ལྟར་གསལ་བའི་ཐུགས་མངའ་ཞིང་།། མིང་ནི་རི།
258b6 བོད་རཱ་དང་འདྲ།། རང་གི་རྒྱུད་ནི་འཁོར་ལོ་འདྲ།། ཨུ་དུམ་པ་ལྟར་ཁྱོད་དཀོན་ཡང་།། བདུད་རྩི་ལྟ་བུར་ཡོངས་ཚིམ་མཛད།། འགྲོ་བ་ཀུན་གྱི་བདག་མོ་ལགས།། རང་བཞིན་མེད་པའི་ཆོས་ཀྱང་སྟོན།། ཆུ་དང་ནམ
258b7 མཁའི་ཚུབ་མ་ལྟར། ། གདུལ་བྱའི་སྲིད་གསུམ་ཅིས་ཀྱང་འདུལ།། དུས་གསུམ་རྒྱལ་བའི་བསྟན་པ་སྐོང་།། དམ་པ་རྣམས་དང་ཡང་དག་གཅིག། དམ་པ་རྣམས་ཀྱི་ལམ་དུ་འགྲོ།། ལྷ་མོ་མ་མོ་གནོད་སྦྱིན་མོ།།
258b8 སྲིན་མོ་ཀླུ་མོ་ཤ་ཟ་མོ།། གདུག་མོ་འབྱུང་མོ་གྲུལ་བུམ་མོ།། དྲག་མོ་རྔམ་ཚུལ་ཀློག་འགྲུ་མ།། རླུ་ངོ་མོ་ནག་མོ་འཇིགས་བྱེད་མ།། མཁའ་འགྲོ་གཏུམ་མོ་ཞིང་སྒྲོལ་མ།། ཞི་རྒྱས་དབང་དང་དྲག་པོས་འདུལ།།
iiif viewer powered by OpenSeadragon
