| e-texts navigator |
| Wylie |
250b1 མིག་དམར་ལ་གཡོན་དུ་ཡོབ། མ་མཆུ་རིང་ལ་གཡས་སུ་ཡོ་བ། སྐེ་དང་རྐང་ལག་ཤིན་ཏུ་ཕྲལ་རིང་བ། ལག་པས་ཁུ་ཚུར་བསྡམས་པའི་སེརྣམས་ཐང་ཀར་ཕུག་ནས་སྔོ་ཟད་དེ་ཡོད་པ། ཁ་ནས་སྒྲ་རྣམ་པ་སྒྲོགས་པ་འདི་ལྟ་སྟེ
250b2 དགོས་ན་ཞེས་བྱ་བ་དང་། མེད་ན་ཞེས་བྱ་བ་དང་། མ་བྱིན་ཅིག་ཅེས་བྱ་བ་དང་། སྟེར་ན་ཡང་མ་ཆེ་ཆེས་པར་འོད་ངོ་ཞེས་བྱ་བ་དང་། དེ་ཙམ་ཆེས་ཀྱིས་ཕྲི་ལ་བྱིན་ཅེས་བྱ་བ་དང་ལྔ་བརྗོད་པ། སྐྱེ་ཟིང་བྱེད་པ་ཅིག་དང་ཕྲད་ནས་བདག་ཅག་གཉིས
250b3 བྱས་བསམས་པས་དགོན་པ་བས་གྲོད་ཡུལ་ཐག་ཉེལ་ཟས་མོད་པས་གྲོང་ཁྱེར་དུ་ཕྱིན་ཏེ། བསླངས་པས་དཀར་གསུམ་དང་། མདང་གསུམ་དང་། འབྲས་དང་། ནས་ཀྱི་ཟན་ལ་སོགས་པ་བཟའ་བ་དང་བཏུང་པ་མང་དུ་རྙེད་ནས་ཡཾ་དག།
250b4 མོ་དེའི་དྲུང་དུ་ཁྱེར་ནས་བསྟབས་པས། ཁ་ནས་གོང་གི་སྒྲ་རྣམ་པ་ལྔ་བརྗོད་ཅིང་གང་བྱིན་པ་མི་ལེན་པར་བྲོས་ཏེ་ཐལ་ནས་འདི་ཅི་ལ་གྱུར་པ་དང་། འདི་ལ་སྨན་པའི་ཐབས་ཅི་མཆིས་ཞུ་རུ་མཆིས་པ་ལགས་སོ།། བཀའ་སྩལ་པ། རིགས
250b5 ཀྱི་བུ་དག་དེ་ནི་ཤིན་ཏུ་ཡང་ལེགས་སོ། ། ངས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཤིག། དེ་ཅི་ལས་གྱུར་ན་ལུས་སྔོལ་སྐམ་པ་ནི་རང་གིས་ཟ་མ་ཕོད་པ་ལས་གྱུར་ཏོ།། སྐེ་ཕྲ་བ་ནི་གཞན་ཟ་ཞིང་སྤྱོད་པ་ལ་བདག་གིས་སེར
250b6 སྣ་བྱས་པ་ལས་གྱུར་ཏོ། ། ཡན་ལག་ཕྲ་ལ་སོར་མོས་ཐར་ཀར་ཕུག་པ་ནི་གཞན་ལ་སྦྱིན་པ་དག་ལ་ཆེས་ཀྱིས་ཕྲིལ་བྱིན་ཅེས་བྱས་པ་དང་། རང་གིས་ཀྱང་སྤྱོད་མི་ཕོད་པ་ལས་གྱུར་ཏོ།། སྒྲ་འཛིངས་པ་ནི་ཀུན་གྱི་ཡིད་དུ་མི་འོང་བ་བྱས་པ
250b7 ལས་གྱུར་ཏོ། ། མིག་དམར་བ་ནི་འདོད་ཆགས་ཀྱིས་ཡོངས་སུ་རྒྱས་པ་ལས་གྱུར་ཏོ།། གཡོན་དུ་ཡོ་བ་ནི་མིག་མི་ལེགས་པར་གཞན་ལ་བལྟས་པ་ལས་གྱུར་ཏོ།། མ་མཆུ་རིང་ལ་གཡས་སུ་ཡོ་བ་ནི་སྟེར་ན་ཡང་ཆེས་པར་འོང
250b8 ངོ་ཞེས་བྱས་པ་ལས་གྱུར་ཏོ། ། ཁ་ནས་སྒྲ་རྣམ་པ་ལྔ་སྒྲོགས་པ་ནི་བྱེད་པ་རྒྱུ་འཐུན་པའི་འབྲས་བུ་སྟེ། སྔོན་བརྗོད་པའི་བག་ཆགས་རྟས་པ་ལས་གྱུར་ཏོ།། དེ་ལྟ་བུའི་ལས་ཀྱི་དབང་གིས་གཞན་བྱིན་ཡང་ཕན་པར་མི་འགྱུར་ཏེ།
iiif viewer powered by OpenSeadragon
