| e-texts navigator |
| Wylie |
196a1 པོ་རྣམ་ཐོས་ཀྱི་བུ་ཕྱོགས་གཅིག་ཏུ་འདུག་ནས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། ། རྐང་གཉིས་དམ་པ་རྫོགས་སངས་རྒྱས། བློ་ལྡན་ཁྱོད་ཀྱིས་གང་མཁྱེན་པ། ལྷ་རྣམས་ཀྱིས་ནི་དེ་མ་འཚལ།
196a2 དཔལ་ཆེན་ཁྱོད་ལ་ཕྱག་འཚལ་ལོ།། སངས་རྒྱས་གང་དག་འདས་པ་དང་། དེ་ལྟར་བྱུང་དང་མ་བྱོན་པ།། ཐམས་ཅད་ལ་ནི་བདག་ཕྱག་བཆའོ།། ཁྱོད་ལའང་བདག་ར་སྐྱབས་སུ་མཆིས། བཙུན་པ་བཅོམ་ལྡན་འདས་ཀྱིས་ཉན
196a3 ཐོས་ཀྱི་དགེ་སློང་དང་། དགེ་སློང་མ་དང་། དགེ་བསྙེན་དང་བསྙེན་མ་གང་དག་གནས་མལ་དགོན་པ་དང་། ནགས་མདབ་དག་དང་། བས་མཐའ་དག་ན་གནས་པ་དག་ཀྱང་མཆིས་ལ། དེ་ལ་གནོད་སྦྱིན་དང་། མི་མ་ལགས་པ
196a4 གདུག་པ་གཉུག་མར་གནས་པ་གང་དག་བཅོམ་ལྡན་འདས་ཀྱི་གསུང་རབ་ལ་མངོན་པར་དང་བདག་དང་། མངོན་པར་མ་དང་པ་དག་ཀྱང་མཆིས་ཏེ། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང
196a5 དག་བཅོམ་ལྡན་འདས་ཀྱི་གསུང་རབ་ལ་མངོན་པར་དད་པ་དེ་དག་ནི་ཤིན་ཏུ་ཉུང་ལ། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་གང་དག་བཅོམ་ལྡན་འདས་ཀྱིས་གསུང་རབ་ལ་མངོན་པར་མ་དང
196a6 པ་དེ་དག་ནི་ཆེས་མང་ལགས་ཏེ། བཙུན་པ་བཅོམ་ལྡན་འདས་ཀྱིས་ཉན་ཐོས་དགེ་སློང་རྣམས་དང་། དགེ་སློང་མ་རྣམས་དང་། དགེ་བསྙེན་རྣམས་དང་། དགེ་བསྙེན་མ་རྣམས་འདི་ལྟར་བདག་ཉིད་བསྲུང་བ་དང་། བསྐྱབ་པ
196a7 དང་། བདེ་བ་ལ་རེག་པར་གནས་པར་བགྱི་བ་དང་། གནོད་སྦྱིན་དང་། མི་མ་ལགས་པ་གདུག་པ་གཉུག་མར་གནས་པ་མངོན་པར་མ་དད་པ་དག་མངོན་པར་དད་པར་བགྱི་བ་དང་། མངོན་པར་དད་པ་རྣམས་ཀྱང་སླང་ཞིང
196a8 འཕེལ་བར་བགྱི་བའི་སླད་དུ་ཀུན་ཏུ་རྒྱུ་བ་དང་ཀུན་ཏུ་ཆུབ་མ་ལགས་པ་དང་འཐུན་པའི་མདོ། ། རིགས་སྔགས་དང་། སྲུང་བ་དང་། སུག་པ་རྐང་པ་ལ་ཕྱག་འཚལ་བར་འགྱུར་བ་འདི་ཉིད་རྒྱ་ཆེར་འཛིན་ཅིང་། ཀུན་ཆུབ་པར
iiif viewer powered by OpenSeadragon
