| e-texts navigator |
| Wylie |
2b1 ཞིག་ཐོས། ། དབས་གསུང་རབ་དཔག་བསམ་རྒྱས་པ་ཡི།། ལྷ་ཡི་ལོངས་སྤྱོད་ཚལ་དུ་ཀུན་གཤེགས་ཏེ།། ཆོས་རྗེཉི་མ་ཐམས་ཅད་མཁྱེན་པའི་བཀའ།། བདུད་སྡེ་ལྷ་མིན་གཡུལ་ལས་རྒྱལ་བྱེད་པ།། རིན་ཆེན་འོད་མཆོག།
2b2 ལྷ་དབང་གཙུག་གི་རྒྱན།། བག་ཡོད་དང་པའི་སྤྱི་བོས་བླང་བར་མཛོད།། ཀྱེ་རྒྱལ་བའི་སྲས་ཁྱོད་ཆུར་ཤོག། བདག་དང་སེམས་ཅན་ཀུན་ཀྱང་ཡོངས་སུ་མྱ་ངན་ལས་འདས་པར་བགྱིས་ལ། སེམས་ཅན་མ་རྒལ་བ་ས་མ་འཇིགས་པར
2b3 བསོད་ནམས་དང་ཡེ་ཤེས་ཀྱི་ཚོགས་བཅལ་བས་མི་ངོམས་པ་ལ་སེམས་ཞོག་ཤིག། མངོན་པར་འདུ་བྱེད་པའི་རང་བཞིན་གྱི་མཚན་ཉིད་ཀྱང་མ་གཏང་ཤིག། སངས་རྒྱས་ཀྱི་གཟུགས་ཀྱི་སྐུ་ཡང་མ་དོར་ཅིག། འདོད་ཆགས་དང་།
2b4 བྲལ་བའང་ཐོབ་པར་གྱིས་ཤིག། ཆོས་ཐམས་ཅད་ལ་ཆགས་པ་མེད་པའི་ཐམས་ཅད་མཁྱེན་པའི་ཡེ་ཤེས་ཀྱང་བཙལ་བར་གྱིས་ཤིག། ཆོས་ཐམས་ཅད་ལ་གཞན་གྱི་དྲིང་འཇོག་པ་མེད་པར་སངས་རྒྱས་ཀྱི་ཞིང་ཡང་ཡོངས
2b5 སུ་སྤྱད་པར་གྱིས་ཤིག། ཞིང་གི་མཚན་ཉིད་ནམ་མཁའ་ལྟ་བུར་ཡང་ཤེས་པར་གྱིས་ཤིག། སེམས་ཅན་ཡོངས་སུ་སྨིན་པར་བྱ་བས་མ་སྐྱོ་ཤིག། བདག་མེད་པའི་མཚན་ཉིད་ཀྱང་མ་སྤོང་ཞིག། མངོན་པར་ཤེས་པ་ལ
2b6 ཡང་རྣམ་པར་འཕྲུལ་པར་གྱིས་ཤིག། ཆོས་ཀྱི་དབྱིངས་ལས་ཀྱང་མ་གཡོ་ཤིག། བྱང་ཆུབ་ཏུ་སེམས་བསྐྱེད་པ་ཡང་མ་གཏང་ཤིག། ཐམས་ཅད་མཁྱེན་པའི་ཡེ་ཤེས་ལ་ཡང་འབྱུང་བར་གྱིས་ཤིག། ཆོས་ཀྱི་འཁོར་ལོ།།
2b7 བསྐོར་བས་སེམས་ཅན་ཐམས་ཅད་ཚིམ་པར་གྱིས་ཤིག། ཆོས་ཉིད་བརྗོད་དུ་མེད་པ་ལས་ཀྱང་འདའ་བར་མ་བྱེད་ཅིག། དེ་བཞིན་གཤེགས་པའི་རྣམ་པར་འཕྲུལ་པ་དང་། བྱིན་གྱི་རླབས་ཀྱང་ཡོངས་སུ་སྟོན་ཅིག། བྱང་ཆུབ།།
2b8 སེམས་དཔའི་ལུས་ཀྱང་མ་དོར་ཅིག། སྐྱེ་བའི་སྐྱེ་མཆེད་ཐམས་ཅད་དུ་ཡང་སྣང་བར་གྱིས་ཤིག། ཡོངས་སུ་མྱ་ངན་ལས་འདའ་བ་ཆེན་པོ་ཡང་ཡོངས་སུ་སྟོན་ཅིག་ཅེས། ཀྱེ་རྒྱལ་བའི་སྲས་འདི་དག་ནི་ལྟ་བའི་ཆོས་ཟུང
iiif viewer powered by OpenSeadragon
