| e-texts navigator |
| Wylie |
168a1 དཔའ་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་ཐུབ་པ་རི་པོ་ཏ་ལའི་སྟེང་། འཕགས་པ་སྤྱན་རས་གཟིགས་དབང་ཕྱུག་གི་གཞལ་མེད་ཁང་རིན་པོ་ཆེ་བཀོད་པའི
168a2 དཀྱིལ་འཁོར་ན་ནོར་བུ་རིན་པོ་ཆེ་རྣམ་པ་སྣ་ཚོགས་ཀྱིས་རབ་ཏུ་བརྒྱན་པའི་རིན་པོ་ཆེའི་སེང་གེའི་གདན་རིན་པོ་ཆེའི་རྒྱལ་མཚན་དང་བ་དན་དག་གིས་འཁོར་བར་བཀོད་ཅིང་བཅངས་པ་ལ་བཞུགས་ཏེ། དེའི་ཚེ་དེ་བཞིན་གཤེགས་པ་གདན་དེ
168a3 ལ་བཞུགས་ནས་ཀུན་འཛིན་ཅེས་བྱ་བའི་གཟུངས་སྔགས་བཤད་པར་བཞེད་པའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་གྲངས་མེད་པ་དང་ཐབས་གཅིག་ཏུ་བཞུགས་པ་ལ་འདི་ལྟ་སྟེ། བྱང་ཆུབ་སེམས་དཔའ་ཀུན་འཛིན
168a4 ཀྱི་རྒྱལ་པོ་དང་། བྱང་ཆུབ་སེམས་དཔའ་རིན་པོ་ཆེའི་རྒྱལ་པོ་དང་། བྱང་ཆུབ་སེམས་དཔའ་སྨན་གྱི་རྒྱལ་པོ་དང་། བྱང་ཆུབ་སེམས་དཔའ་སྨན་མངོན་པར་འཕགས་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག
168a5 དང་། བྱང་ཆུབ་སེམས་དཔའ་མཐུ་ཆེན་ཐོབ་པ་དང་། བྱང་ཆུབ་སེམས་དཔའ་པད་མའི་བཀོད་པ་དང་། བྱང་ཆུབ་སེམས་དཔའ་བཀོད་པ་ཆེན་པོ་དང་། བྱང་ཆུབ་སེམས་དཔའ་རིན་ཆེན་སྙིང་པོ་དང་། བྱང་ཆུབ་སེམས་དཔའ་དཔལ་གྱི་སྙིང
168a6 པོ་དང་། བྱང་ཆུབ་སེམས་དཔའ་རྡོ་རྗེ་སྙིང་པོ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་དང་། བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་ཀུན་ཏུ་བཟང་པོ་དང་བྱང་ཆུབ་སེམས་དཔའ་འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ
168a7 ཆེན་པོ་ཆོས་ཀྱི་རྒྱལ་བུ་ཆེན་པོར་དབང་བསྐུར་བ་ཐོབ་པ་ཤ་སྟག་དང་ཐབས་གཅིག་གོ། གཞན་ཡང་ཉན་ཐོས་ཀྱི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པའི་ས་བཅུ་སྤྱད་པ་ཚད་མེད་གྲངས་མེད་པ་དག་དང་ཐབས་གཅིག་སྟེ། ཚེ་དང
168a8 ལྡན་པ་འོད་སྲུང་ཆེན་པོ་ནི་གཙོ་བོར་གྱུར་ཏོ། ། གཞན་ཡང་ཚངས་རིས་ཀྱི་ལྷ་ཚད་མེད་པ་རྙེད་དང་ཐབས་གཅིག་སྟེ། ལྷའི་བུ་ཀྵན་ཊ་མར་ནི་གཙོ་བོར་གྱུར་ཏོ།། གཞན་ཡང་ལྷ་དང་ལྷའི་བུ་ཚད་མེད་པ་སྙེད་དང་ཐབས་ཅིག་སྟེ། ལྷའི་བུ་ཀུ་བྷ
iiif viewer powered by OpenSeadragon
