| e-texts navigator |
| Wylie |
81a1 མཛད་པས་ཀུན་དུ་སྤྲོས་པར་མི་བྱེད་དེ། ། འཇིག་རྟེན་དྲུག་གི་རྣམ་པར་བསྡུས་པའི་སྟོང་གསུམ་གྱི་དངོས་པོ་འདི་དག། སངས་རྒྱས་ཀྱི་དཀྱིལ་འཁོར་འདི་ལས་གཞན་དུ་སྣང་བར་མི་དགོངས་སོ།། དེའི
81a2 དུས་དང་ས་དང་སའི་ཁྱད་པར་དང་། དཀྱིལ་འཁོར་བཀོད་པ་དག་ཀྱང་རྣམ་པར་མི་གཟིགས།། ཀུན་ཏུ་མི་གཟིགས་ཤིང་དགོངས་པ་ཡང་མི་འགོག་གོ།། དེ་དག་ནི་མཐར་ཡང་མི་གནས་ཤིང་ནམ་མཁའ་ལྟ་བུར
81a3 བཞུགས་སོ། ། དེ་ནས་ཏིང་ངེ་འཛིན་དེ་ལ་བཞུགས་མ་ཐག་ཏུ་འཁོར་གྱི་དཀྱིལ་འཁོར་དེ་དག་ཀྱང་ཆོས་ཐམས་ཅད་ཀྱི་དཀྱིལ་འཁོར་གྱི་རང་བཞིན་ནམ་མཁའ་ལྟ་བུར་རྟོགས་པར་འགྱུར་རོ།། དེ་ནས་ཡང
81a4 གསང་བའི་བདག་པོ་ལག་ན་རྡོ་རྗེ་ངོ་མཚར་གྱི་སྒོ་ནས་བསྐལ་ཞིང་གཞན་དག་གི་དོན་ཐུགས་གཡོ་བར་མཛད་པའི་གླུས་གཡོ་སློང་བར་མཛད་དེ། ཚུལ་བན་དོན་གྱི་རྒྱལ་པོ་ཆེ།། འདྲེན་པ་ཀུན་གྱི་རྒྱུད་ཉིད་ཕྲ།
81a5 ནམ་མཁའ་ལྟ་བུའི་རྒྱུད་ཉིད་པས།། ནམ་མཁའ་ལྟ་བུའི་དཀྱིལ་འཁོར་ནས།། ཐུགས་རྗེ་ཆེན་པོའི་ཡ་མཚན་སྟོན།། ཀྱེ་མའོ་མགོན་པོ་དོན་ཀུན་གནས། ཞི་བའི་ལས་དམ་འཇུག་བྱེད་པ།། བྱང་སེམས་ཐུགས་རྗེའི
81a6 རླན་བྲལ་ལམ། ། རྡོས་ཅན་ཆོས་དང་འགྲང་འགྱུར་ཅིང་། ཞེས་གསོལ་བ་བཏབ་བ་ལླ་ཀྱང་ཅི་ཡང་མི་གསུང་བར་བཞུགས་སོ།། དེ་ནས་ཡང་ཡུམ་གཟི་ལྡན་པད་མོ་ཞེས་བྱ་བས་རྣམ་པར་མི་རྟོགས་པའི
81a7 ཏིང་ངེ་འཛིན་ལས་སློང་བའི་གླུས་སྐུལ་བར་མཛད་དེ། ། མི་དམིགས་ཏིང་འཛིན་བསམ་འདས་བརྗོད་དང་བྲལ།། བདེ་བ་ཆེན་པོ་ཡེ་ཤེས་བྱང་ཆུབ་སེམས། མི་དམིགས་ཐུགས་རྗེ་མི་འདའ་དམ་ཚིག་གིས།། རོལ་པའི
81a8 ཆོཚེ་འཕྲུལ་རྒྱ་ཆེན་བསྟན་དུ་གསོལ། ། དེ་སྐད་ཅེས་ཡང་བསྐུལ་བའི་རྗེས།། མགོན་པོའི་གནས་རྣམས་ལ་དགོངས་ནས།། འོད་ཟེར་རྣམས་བཀོད་འཛུམ་མཛད་དེ།། འཁོར་བ་ལེགས་སྦྱིན་སྐབས་དབྱེ་མཛད། ལེགས
iiif viewer powered by OpenSeadragon
