| e-texts navigator |
| Wylie |
80b1 གཅོད་པ་དང་རང་ཉིད་ཀྱི་སྒོ་གསལ་བར་བྱ་བའི་ཕྱིར་མདུན་རོལ་ནས་ལངས་ཏེ། ཕྱོགས་བཅུ་ནས་འཁོད་ནས་མཆོད་པའི་ཚོགས་རྒྱ་ཆེན་པོ་བཀོད་ཅིང་རྒྱལ་བ་ཀུན་ལ་མཆོད་དེ། ལན་བརྒྱ་རྩ་བརྒྱད་དུ་བསྐོར་བ་བྱས་ཤིང་།།
80b2 རྩེ་གཅིག་ཏུ་གུས་པས་ཕྱག་འཚལ་ནས། དགའ་བའི་བཞིན་གྱིས་གསོལ་བ་བཏབ་པ།། ཨེ་མ་རྒྱལ་བ་ཉིད་ཀྱི་སྐུ།། རྣམ་པར་འཕྲུལ་པའི་དཀྱིལ་འཁོར་དག། ཏིང་འཛིན་ཡེ་ཤེས་གནས་ལས་བྱུང་།། དགའ་མཛད
80b3 དཀྱིལ་འཁོར་འདུས་པ་དང་། ། བྱང་ཆུབ་སེམས་སྤྲིན་ཆར་ཆེན་གྱིས།། ཉོན་མོངས་ལ་སོགས་སྐྱོང་མཛད་ཅིང་།། ཐུགས་རྗེ་ཆེན་པོ་ཡེ་ཤེས་ཀྱིས།། ཚོགས་པའི་འབྲས་བུ་ལེགས་སྨིན་མཛད།། སྐུ་མདངས་དགའ་བའི
80b4 བཞིན་བཅས་པས། ། གསལ་བའི་ཐེག་པ་བསྟན་དུ་གསོལ།། ཁྱོད་ཀྱི་དགོངས་དོན་གཏིད་དཔག་དཀའ།། ཟབ་ཅིང་ཕྲལ་རྒྱ་ཆེ་བས།། འཁོར་རྣམས་ཐེ་ཚོམ་རི་བོས་ནོན།། ཐུགས་རྗེ་ཆེ་མངའ་གསལ་བར་མཛོད།། འདི་དག
80b5 ཐམས་ཅད་བསྟན་པའི་སྣོད། ། མགོན་པོ་བཏང་སྙོམས་ལྷུན་མངའ་མཛད།། དུས་འདིར་རྩོམ་པདོན་ཆེ་སྟེ།། སྨོན་ལམ་འབྲས་བུ་མཐར་ཕྱིན་མཛོད།། དེ་སྐད་ཅེས་གསོལ་བ་དང་། བཅོམ་ལྡན་འདས་རྡོ་རྗེ་འཛིན་པ
80b6 དེ་ཉིད་ཀྱིས་སྟོང་གསུམ་གྱི་སྟོང་ཆེན་པོའི་བརྟན་གཡོའི་དཀྱིལ་འཁོར་ཐམས་ཅད་ཐུགས་མཉམ་པ་ཉིད་རྩེ་གཅིག་གི་སྒོ་ནས་གཟིགས་སོ། ། རྣམ་པར་གཟིགས་ཀུན་ཏུ་གཟིགས། དེ་ལྟར་དགོངས་ནས་དཀྱིལ་འཁོར
80b7 འདི་དག་ཐམས་ཅད་སྨྲ་བས་པ་ལས་འདས་པར་སྣ་ཚོགས་རྣམ་པར་སྨྲོས་ཤིག། དེ་ཉིད་དངོས་པོ་དང་བར་གཟིགས་ནས།། གཟིགས་པའི་མཐའ་དང་། དགོངས་པའི་མཐའ་དང་། མཛད་པའི་མཐའ་ཀུན་ལ་སྙོམས
80b8 པའི་ཏིང་ངེ་འཛིན་ལ་སྙོམས་པར་ཞུགས་ཏེ། བཀོད་པ་དང་། རྣམ་པར་བཀོད་པ་དང་། རྣམ་པར་བཤད་པ་དང་། དགོངས་པ་དང་། རྣམ་པར་དགོངས་པ་དང་། རོལ་པ་དང་། རོལ་པ་ཆེན་པོ་དང་། མཛད་པ་དང་། སྣ་ཚོགས
iiif viewer powered by OpenSeadragon
