| e-texts navigator |
| Wylie |
75b1 གསོལ། ། འཕགས་པ་ཞེས་བགྱི་ཇི་ལྟར་ལགས།། ལས་བཞི་ཞེས་བགྱི་ཇི་ལྟར་ལགས།། འཁོར་ལོ་ཞེས་བགྱི་ཇི་ལྟར་ལགས།། གསང་བ་ཞེས་བགྱི་ཇི་ལྟར་ལགས།། རྒྱུད་ཅེས་བགྱི་བ་ཇི་ལྟར་ལགས།། རྣམ་དག
75b2 དབྱིངས་ལས་བཞེངས་ནས་ནི། ། ཞུ་བའི་དམིགས་རྣམས་བཤད་པར་མཛོད།། དེ་ནས་བཅོམ་ལྡན་འདས་ཀྱིས་ཁྲོ་བོ་གཞན་ལ་གདུག་པར་མཛད་པ་ཡིས།། ཚངས་པའི་དབྱངས་ཀྱིས་གསུམ་ཕྱུང་སྟེ།། འདི་སྐད་འཁོར་ལ
75b3 བཀའ་སྩལ་ཏོ། ། རིགས་ཀྱི་འཁོར་རྣམས་ཞུ་བ་ཡི།། དམིགས་རྣམས་ཞུ་བ་རབ་ཏུ་ལེགས།། འཕགས་པ་ཞེས་སུ་བསྟན་པ་ནི།། གདུག་པ་མ་ལུས་ཀུན་ལས་འཕགས།། ཡེ་ཤེས་སེམས་དཔའ་འབྱུང་བའི་གཞི། དཔེ
75b4 ཡིས་དེ་ལ་བསྐྲུན་དུ་མེད། ། ལས་བཞི་ཞེས་སུ་གྲགས་པ་ཡང་།། དེ་ལ་ལས་ནི་རྣམ་པ་གཉིས།། ཐབས་དང་ཤེས་རབ་འདུལ་དབང་དང་།། སྐུ་གསུམ་ཕྲིན་ལས་འདུལ་བ་སྟེ།། ཐབས་དང་ཐབས་སུ་འབྲེལ་བ་ལ།། ཤེས
75b5 རབ་འབྲེལ་བས་ཡུམ་ཞེས་བྱ། ། ཆོས་དང་ལོངས་སྤྱོད་པ་ཡི་སྐུ།། འདུལ་དབང་ལས་ཞེས་བྱ་བར་གྲགས།། དེ་ལ་བཞི་ཞེས་བྱ་བ་ཡང་།། ཞི་བ་རྒྱས་པ་དབང་མངོན་ནོ།། ཞི་བ་བྱ་བའི་དེས་ཚིག་ཀྱང་།། ཏིང་འཛིན་རིམ་པ
75b6 བྱམས་པ་ལ། ། འཕྲེ་འདུ་དཀར་ལ་མཚེར་བ་སྟེ།། ཐམས་ཅད་མགུ་བར་བྱེད་པ་དང་།། མི་མཐུན་པ་རྣམས་ཞི་བྱའི་ཕྱིར།། དེ་ཕྱིར་ཞི་བ་ཞེས་བྱའོ།། རྒྱས་པ་གསེར་ལྟར་སེར་བ་ལ།། ཏིང་འཛིན་སྤྲུལ་པ་མང་པོར་ཁྱབ།།
75b7 ཕྱོགས་བཅུར་འགྲོ་བའི་དོན་བྱས་ཏེ།། བསྐུལ་བའི་ས་ལ་གཞེས་པ་ཡི།། སངས་རྒྱས་ཐམས་ཅད་སྤྱན་དྲངས་ཏེ།། བདག་གི་བ་སྤུའི་བུ་ག་ནས།། ཀུན་ཏུ་ཞུགས་ཏེ་རྒྱས་པ་ལ།། ཚེ་དང་དབང་ཐང་དཔལ་ལ་སོགས།། ཐམས་ཅད་རྒྱས་པས
75b8 རྒྱས་ཞེས་བྱ། ། དེ་ལ་དབང་གི་ངེས་ཚིག་ཀྱང་།། ཕྱོགས་བཅུའི་འཇིག་རྟེན་ཐམས་ཅད་ནས།། བདག་གི་ཡིད་ལ་བསམས་པ་ཀུན།། ཡབ་ཡུམ་སྤྲུལ་པའི་ཁྱད་པར་ལས།། ཅི་འདོད་ཐམས་ཅད་དབང་དུ་སྡུད།། ལས་དང་བྱ
iiif viewer powered by OpenSeadragon
