| e-texts navigator |
| Wylie |
57b1 ཆེན་པོ་ལས་འཇིགས་བྱེད་ཆེན་པོ་གསུང་གི་དཀྱིལ་འཁོར་དང་དམ་ཚིག་རྡོ་རྗེའི་ལེའུ་སྟེ་བཅུ་པའོ། ། །། དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཆོས་ཐམས་ཅད་མན་ངག་བླ་མ་ཆེན་པོའི་སྙིང
57b2 པོ་བྱང་ཆུབ་ཀྱི་སེམས་བདེ་བ་ཆེན་པོའི་དང་དུ་སྙིགས་མ་མེད་པར་བྱུངས་བཏབ་པའི་ཕྱིར་སྐུ་གསུང་ཐུགས་བླ་མ་ཆེན་པོའི་ཐིག་ལེ་ཆེན་པོའི་དཀྱིལ་འཁོར་ནས་མན་ངག་བླ་མཚན་པོའི་སྙིང་པོ་འདི་བྱུང་ངོ་། ། བྱང་ཆུབ་སེམས
57b3 ཀྱི་བདེ་ཆེན་ལ། ། རྒྱུ་རྐྱེན་རྟེན་དང་ལེན་བཅས་པའི།། སྐྱོན་མེད་ཐིག་ལེ་ཆེན་པོ་ལས།། མ་རྟོགས་པ་དང་ལོག་པར་རྟོགས།། ཕྱོགས་རྟོགས་ཡང་དག་ཉིད་མ་རྟོགས།། འདུལ་བ་དགོངས་པ་གསང་བ་དང་།། རང་བཞིན་གས
57b4 བའི་དོན་རྣམས་ནི། ། ཡི་གེ་ཚིག་ལ་རབ་བརྟེན་ཏེ།། ཁོང་ནས་གབ་སྦས་དོན་འབྱིན་པ།། སྟོན་པ་རྡོ་རྗེའི་ཐུགས་ལ་གནས།། དཀྱིལ་འཁོར་ལྡན་པའི་དཀྱིལ་འཁོར་གྱིས།། དཀྱིལ་འཁོར་ལ་ནི་དཀྱིལ་འཁོར་བསྒོམ།། དཀྱིལ
57b5 འཁོར་དཀྱིལ་འཁོར་ལས་བྱུང་བ། ། ཐུགས་ཀྱི་དཀྱིལ་འཁོར་དཀྱིལ་འཁོར་མཆོག། དཀྱིལ་འཁོར་གསང་བའི་ཐིག་ལེ་དབྱིངས།། འབྱུང་བ་ཤེས་རབ་རིགས་ཀྱི་ཡུམ།། བྱེད་པ་རིགས་ཀྱི་གཙོ་བོ་སྟེ།། བྱང་ཆུབ་སེམས་ཀྱི་རྡོ་རྗེའི་ཚོགས།
57b6 དབང་པོ་ཡུལ་དུས་རིག་པའི་རྣམས།། བདག་ཉིད་ཆེན་པོ་ལྷག་པར་རྫོགས།། ཐུགས་ཀྱི་ཡེ་ཤེས་ལྔས་བལྟ་ཞིང་།། སྙིང་པོ་ཐིག་ལེ་མཉམ་སྦྱོར་བས།། བདེ་བའི་ཡེ་ཤེས་ཆེན་པོར་རོལ།། ཡེ་ཤེས་དགྱེས་པ་མཆོག་ཏུ
57b7 འདུལ། ། ཟད་མེད་ཟག་པ་མེད་པ་ཡི།། བསོད་ནམས་ཡེ་ཤེས་སྒྱུ་མར་རོལ།། རོལ་མོའི་དཀྱིལ་འཁོར་མཐའ་ཡས་མཆོག། གསང་བའི་ཐིག་ལེ་ཉིད་ཀྱི་དབྱིངས།། ཕྱོགས་བཅུ་དུས་བཞི་རྫོགས་པའི་དབྱིངས།། སྐུ་གསུང
57b8 ཡོན་ཏན་བྲིང་ལས་ཐུགས། ། གསང་བའི་དཀྱིལ་འཁོར་ཐམས་ཅད་ཀུན།། མ་ལུས་བདག་གིས་དབང་བསྒྱུར་རོ།། དབང་སྒྱུར་ཡེ་ཤེས་རོལ་པ་ཡིས།། དཀྱིལ་འཁོར་ལ་གནས་དཀྱིལ་འཁོར་རྫོགས།། རྫོགས་ཐེ
iiif viewer powered by OpenSeadragon
