| e-texts navigator |
| Wylie |
9b1 གི་རྣམ་པ་ལས། ། མང་པོའི་རྣམ་གྲངས་དུ་མ་བྱུང་།། སྡུད་ཅིང་ཕྱིར་ཡང་དུམ་བུར་འཆད།། དེ་བཞིན་རྣལ་འབྱོར་སྒྲུབ་པ་ཡི།། ཏིང་འཛིན་རྣམ་པ་མང་པོར་འདོད།། འཁྲུལ་པ་སྣང་བའི་རང་བཞིན་ནི།། སྤྲོས་བྲལ་དངོས་པོ་སྟོང་པ
9b2 ལས། སྲོག་དང་ཤད་ཅན་བྱེད་པ་པོ།། སེམས་ཅན་པ་ལ་སོགས་པར་སྣང་།། མི་གནད་ངོ་ལ་རྫས་ལྟར་སྣང་།། འཁྲུལ་པ་ཁོ་ན་སྣང་བར་ཟད།། དེ་བཞིན་སྔགས་ཀྱི་ལྟ་བ་ཡང་།། ཆོ་འཕྲུལ་མང་པོ་ཅིར་འཕྲུལ་པ།། སྣང་བ་མེད་པའི
9b3 རང་བཞིན་ལ། ། འཁྲུལ་པ་སྣ་ཚོགས་སྣང་བར་ཟད།། རྣལ་འབྱོར་ཅན་གྱིས་དེ་ལྟར་ལྟ།། ཇི་ལྟར་མགལ་མེའི་རང་བཞིན་ནི།། གང་དག་ལག་ན་མགལ་མེ་ཐོགས།། བསྐོར་ན་འཁོར་ལོའི་རྒྱུན་ལྟར་སྣང་།། དེ་ལ་འཁོར་ལོའི་རང
9b4 བཞིན་མེད། ། དེ་བཞིན་སྔགས་ཀྱི་ཆོ་འཕྲུལ་ཡང་།། མི་མཉམ་མཉམ་པའི་རང་བཞིན་ལས།། ཇི་ལྟར་དམིགས་པའི་དོན་འབྱུང་སྟེ།། ཆོ་འཕྲུལ་སྣ་ཚོགས་རྒྱུན་མི་འཆད།། དེ་ཕྱིར་མཚན་མའི་ཆོས་ཐམས་ཅད།། མཚན
9b5 མེད་དང་དུ་གཅིག་པས་ན། ། རྟོག་པའི་བག་ཆགས་ཅི་འབྱུང་ཡང་།། ཆོས་ཀུན་དབྱིངས་སུ་གཅིག་པའི་ཕྱིར།། རྟོག་འཇུག་སྤྲོས་པའི་མཚན་མ་ཀུན།། མ་བྱུང་མ་སྐྱེས་དབྱིངས་ཉིད་ལ།། གཡོས་པ་མེད་ཅིང་ཆོ་འཕྲུལ
9b6 འབྱུང་། ཡོན་ཏན་སྣ་ཚོགས་ཆེར་འབྱུང་བའི།། གཏེར་གྱི་དབྱིག་འདི་གང་མཐོང་བ།། སངས་རྒྱས་ཀུན་གྱི་ཡོན་ཏན་ཡང་།། སྐད་ཅིག་གཅིག་ལ་དེ་ལ་འདུས།། དེ་བས་ཡིད་བཞིན་རིན་ཆེན་འདི།། ལྡོག་པ་མེད་པས་དང་དུ
9b7 ཐང། དོན་དམ་ཡང་དག་གཏེར་གྱི་མཆོག། རྣལ་འབྱོར་ཀུན་གྱི་ནོར་མཆོག་སྟེ།། གང་རྟོགས་དེ་འཐོབ་གཅིག་པུ་ཉིད།། འབྲེལ་མེད་གཞན་གྱི་ཐོབ་པར་དཀའ།། བདག་མེད་གཉིས་བྲལ་བདེ་ཆེན་ཀློང་།། སངས་རྒྱས་ཀུན
9b8 གྱི་བདེ་བ་ཆེ། ། ཡེ་ནས་ལྷུན་གྲུབ་འདུས་མ་བྱས།། ཐིག་ལེ་ཆོས་ཉིད་ཡེ་འབྱམ་པས།། ཀུན་ཁྱབ་བངལ་བས་སྙིང་པོར་འདུས།། མི་དམིགས་སྤྲོས་བྲལ་བྱང་ཆུབ་སེམས།། ཟབ་མོར་སྣང་བའི་ངེས་དོན་འདི།། མཁའ་ལ་བདུད
iiif viewer powered by OpenSeadragon
